المشاركة الأصلية كتبت بواسطة MMamdouhطيب برضة ايه الحكمة فى ان العربية تبقى باسم البنك و بعدين باسمى عشان تبقى حلال؟؟ ايه الفرق يعنى؟؟
يعنى لو اديت واحد فلوس يشتريلى فطار و سيبتلة 50 قرش بقشيش يبقى كدة حرام؟؟ لازم هو يشترية من فلوسة و بعدين انا اشترية منه؟؟
بصراحة الكلام دة مش داخل دماغى خالص و حتى راى العلماء برضة... اديكوا شفتم واحد احل رضاعة الكبير يبقى مش مشكلة يحرم اى حاجة تانية
انا شايف ان الموضوع اسهل من كدة بكتير لان البنك مش بيلوى دراعى ولا بيستغل انى محتاج عربية ولا انا حموت لو مشترتهاش... البنك بيقدملى خدمة التقسيط و انا بدفع تمنها برضا تام بعيد عن الاستغلال
اما موضوع باسمى او باسم غيرى فا انا شايف انه غير منطقى لان ببساطة البنك مش حيخش فى الاجرائات دى ببلاش و اكيد حتحمل انا تمن القصة دى يبقى ملهاش لزمة المصاريف الزيادة
هل معنى كدة ان كروت الاتمان حرام؟؟
هل المفروض ان البنك يوزع مع كل عميل موظف يشترى الحاجة بفلوس البنك و بعدين يبعهالى؟
طيب ما انا بشترى بفلوس البنك من خلال الكارت و بعدين بحاسب البنك... و البنك بالفعل هو اللى بيدفع تمن الحاجة لانها فلوسة مش فلوسى بس البنك فوضنى انى اعمل بالفلوس اى حاجة و بالتالى انا بشترى بفلوس البنك و اخد الحاجة اللى اشترتها ليا
لو حد عندة راى فى الموضوع ياريت يشارك لانى مش مقتنع خالص بالقصة دى... كلها فى الاخر اقساط و احنا اللى بنسميها شوية اسامىغريبة زى حوار الفوايد برضة... اللى يقولك مرابحة واللى يقلك فتية و هى فى الاخر نفس القصة
MMamdouh
المفضلات