طبعا كلنا عارفين ان الاتوماتيك بتاع السيراتو 4 سرعات بس مع ان معظم الأنواع التانية بينزل 5 أو 6 سرعات واستفسارى هو إيه تأثير ده سواء على:
1- سحب العربية
2- صوت الماتور
3- عمر الماتور
4- القدرة على الوصول إلى سرعات عالية
تحياتى
عرض للطباعة
طبعا كلنا عارفين ان الاتوماتيك بتاع السيراتو 4 سرعات بس مع ان معظم الأنواع التانية بينزل 5 أو 6 سرعات واستفسارى هو إيه تأثير ده سواء على:
1- سحب العربية
2- صوت الماتور
3- عمر الماتور
4- القدرة على الوصول إلى سرعات عالية
تحياتى
:M_yes[1]: بص يا باشا ...:colsmil:
لو افترضنا عندنا عربية 4 نقلات و التانية 6 نقلات و الاتنين هيطلعوا من ال 0 لل 100 و العربيتين 1600 سى سى
أكيد طبعا حضرتك عارف إن النقلة الأولى عزمها أشد من النقلة الثانية و الثانية أشد من الثالثة و هكذا
العربية ال 4 نقلات هتطلع من 0- 100 فى وقت أقل من العربية ال 6 نقلات لأن عدد النقلات أقل و الزمن بين كل نقلة و نقلة هيكون طويل و ده هيدى فرصة للأر بى ام إنه يوصل لأرقام أعلى و عزم أعلى .... ده اللى بنسميه "تجميع أسرع"
فالسحب هيكون أعلى
بالنسبة لصوت الموتور:
فى العربية ال 4 نقلات هيكون أعلى أكيد من ال عربية ال 6 نقلات علشان بنوصل لأار بى ام أعلى -ده فى حالة الشد مش السواقة العادية و كمان لو افترضنا إن الاتنين نفس نوع الموتور - بس الصوت اللى هتسمعه و حضرتك قاعد جوة العربية بيعتمد على حاجات تانية كتير أهمها عزل العربية للصوت .... فممكن حكاية الصوت دى تختلف بإختلاف نوع العربية ... و لو هنتكلم على السيراتو فأنا أضمن لحضرتك إنك مش هتبدأ تتضايق من صوتها إلا بعد 4000 لفة
بالنسبة لعمر الموتور:
ده ملهوش علاقة بعدد النقلات مطلقا لأنه لو كان عدد النقلات بيأثر على عمر الموتور كانت كل الشركات عملت عربياتها 6 نقلات .... و هدى لحضرتك مثل ... العربية المرسيدس ال 230 موديل 1982 ... 2300 سى سى و كام نقلة ؟؟؟ 4 نقلات ... و بتجيب الرابع فيها عند سرعة 60 كم و من 60 ل 220 على نقلة واحدة "اللى هى الرابع"
و العربيات دى لسة عايشة لحد دلوقتى و موتورها مشتكاش من حاجة
بالنسبة للقدرة على الوصول لسرعات عالية:
علشان توصل لسرعة أعلى لازم تعمل حاجة اسمها "تعويم العربية" .... ازاى بقى تعوم العربية؟؟؟ إنك تاخد كل نقلة لحد أقصى سرعة ممكن ... يعنى تاخد من ال0 لل 50 فى النقلة الأولى و من 50 لل 90 فى النقلة التانية و من ال 90 لل 130 فى النقلة الثالثة و من 130 لحد ما ربنا يسهل فى النقلة الرابعة و دى حاجة سهلة أوى لو العربية فيها ستيبترونيك ... بس طبعا ده لو بنتكلم على واحد عايز يحط العربية فى اختبار قاسى جدا و اختبار فوق الرياضى ... إنما لو هنسوق سواقة عادية فى ظروف عادية هتلاقى العربيتين بيوصلوا لنفس السرعة تقريبا ... بس النقطة مش فى السرعة... النقطة فى الوقت اللى هتاخده كل عربية لحد ما توصل للسرعة دى
خد الفيديو ده و شوف الراجل بيعوم العربية ازاى علشان يوصل لأقصى سرعة
[youtube]http://www.youtube.com/watch?v=3i-jgyM8hME&feature=related[/youtube]
معلش بس إسمحلي ال4 نقلات لو على نفس الموتور هتبقى ابطأ من ال6 نقلات من 0-100
لإن في ال6 نقلات لما هتنقل هتنزل لrpm اعلى من ال4 نقلات وبالتالي هتاخد هورس باور أعلى وتجميع أعلى
وال6 نقلات في السواقة العاديه هتوفر بنزين اكتر عشان مع السرعات الأعلى الrpm هيكون أقل من ال4 نقلات!!!
أما كلمه تعويم العربيه حاجة ةالقرص على الموتور أو تأخير نقل الغيار حاجة تانيه وحضرتك تقصد قرص مش تعويم
والفيديو ده بيفتح الموتور
ازاى 6 نقلات توصل لأر بى إم أعلى ... ممكن حضرتك تشرحلى ... و ممكن تقوللى كمان يعنى إيه تعويم الموتور
يعنى لو انت تبقى على سرعة 120 و انت على الرابع و تنزل للثالث و تشد شوية و ترجع تانى للرابع و تكمل شد يبقى ده اسمه ايه ؟؟؟!!!
"شد مش كدة؟؟" :36_1_35[2]:
هنضرب مثل مشهور أوى و اتقال 60 مليون مرة فى المنتدى هنا و هو إن السيراتو (4 نقلات) بتوصل من ال 0-100 فى زمن أقل من الكروز (6 نقلات) و لو انا غلطان فى كدة حد يكدبنى ... مع العلم إن الفرق بينهم حاجة تافهة و لا تذكر يعنى حوالى ثانية و نص ... ثانيتيين بالكتير أوى
ثم إن دى أول مرة أسمع عن عربية فيرارى بتفتح موتورها:C_laugh[1]:
اولا أنا أول مره أسمع حاجة إسمها تعويم الموتور فيه إسمه تعويم العربيه
وأيوه الفيراري بعد ما بتتصنع بيتفتح موتورها في حلبه خاصة قبل تسليمها للعميل
أما موضوع ال4 نقلات وال6 نقلات الكروز وزنها أكبر وموتورها أضعف فأكيد السيراتو هتطلع منها!!!
لكن فيه حاجة إسمها نسب الفتيس ودي في ال6 نقلات بتبقى أقرب من بعض يعني لو حارق على النقله ووصلت لrpm 7 مثلا لما تنقل في ال4 نقلات الrpm هينزل ل5 لكن في ال6 نقلات هينزل عند ال6 تقريبا وبالتالي ال6 تسارعها أعلى وفي نفس الوقت لو مش بتشد وماشي 120 مثلا هتلاقي ال4 نقلات على 3ونص لكن ال6 نقلات على 3 او أقل سنه
أولا الفيديو ده بتاع مجلة أوبشن مش بتاع مصنع فيرارى حضرتك ... و مجلة أوبشن دى من أشهر مجلات العربيات و السباق فى العالم و الله أعلم إذا كان اتعمل بغرض التفتيح ولا الشد ولا ايه بالظبط لأنى مكنتش قاعد جنبه ساعتها
ثانيا حضرتك هربت من السؤال و مقولتيلناش يعنى إيه تعويم العربية ... ايه هنلبسها عوامة و ننزلها المية يعنى ولا فيه طريقة جديدة للتعويم طلعت أول امبارح بالليل؟؟ و بلاش يا سيدى تعويم الموتور اللى مزعلاك دى:C_laugh[1]:
ثالثا الفيديو ده بتاع زميلنا ياسر الصياد عمله -مشكورا- من كام يوم علشان يورينا تسارع السيراتو ال "4 نقلات" من الصفر لل 100 ... معلومة يعنى لو حضرتك مش عارفها ... و هى إن الستيبترونيك بتنقل من غير ما ترفع رجلك من على دواسة البنزين يعنى الأر بى إم مش هيلحق ينزل تحت ال 4000 لفة زى ما حضرتك ما بتقول ... يعنى تكنولوجيا العربية ال 6 نقلات فيه قبالها تكنولوجيا مساوية ليها فى العربية ال 4 نقلات و مش عايزين نعقد الموضوع لأن الراجل سأل سؤال بسيط و هو مين فيهم يوصل لسرعة أعلى:36_9_4:
رابعا الفرق بين السيراتو و الكروز 142 كيلو و حوالى 6 حصان يعنى مش الفرق اللى يخلى السيراتو تطلع منها بالسهولة اللى حضرتك بتقول عليها:U_thin1[1]:
[youtube]http://www.youtube.com/watch?v=kbVw94mC80U&feature=player_embedded[/youtube]
مورا براحه شويه بس فى النقاش
أحنا عايزين نفيد بعض
ويوكو ضيف عزيز عليه شخصياً :))
فبراحه شويه بس علشان نستفاد من خبرتكم
و بعدين فيه حاجة أنا عايز أقول عليها بقى يعنى و ملاحظتهاش إلا دلوقتى ... هو المصنع بيطلع العربية الفيرارى و هى عاملة 3400 كيلو ؟؟؟؟ هههههههههههههههه
ال4 نقلات التسارع بتاعه اعلى عشان مفيش وقت بيضيع فى النقلات زى ال6 بس بيستهلك بنزين اكتر و صوت الموتور بيكون عالى شوية وكمان السرعة القسوة المفروض بتكون اقل لو بنتكلم على نفس الموتور.
السيراتو عند 120 الrpm بيكون على 3 بس كل عربية وليها نظامها .. يعنى الميجان بتجيب 100 عند 3.
الموضوع سخن وحولنا على الفيران أقصد الفيرارى
بس يعنى أقدر أقول هل فيه اتفاق على أن
1- ال 4 سرعات فى التسارع أفضل من ال 5 أو 6 سرعات
2- عمر الموتور مش بيفرق ولو ان دى ليا ملحوظة عليها أنى اعتقد انك كل ما تعلى ال rpm وخصوصا بعد الخمسة أو الستة ماهو ده هياكل من عمر الموتور
3- صوت الموتور فى ال 4 سرعات أعلى وخصوصا على السرعات العالية
أه ... بس عمر الموتور مش بيقل بعد ما الأر بى إن بيعدى ال 500 ولا حاجة ... عمر الموتور بيتأثر لو الموتور دخل الRed Zone ... الموتور رياضى و معمول بفتيس ستيبترونيك بغرض القيادة الرياضية ... بس عموما يعنى عمر العربيات الكورى بتاع 5 سنين ولا حاجة و بعد كدة الواحد بيبيع و يغير ... إنما هى بتعيش طبعا
بس خمس سنين عمر العربيات الكورى مش شايف انه عمر قصير جدا ومش فى صالح الكورى، وبعدين ما الموديلات القديمة من الهيونداى والكيا شغاله من التسعينات أهه
طب بص يا سي morasystem إتكلم كويس عشان مغلطتش فيك!!!
وتعويم العربيه غنزل إسأل أي حدج في الشارع العربيه عومت يعني إيه هيقولك أو أكتب في جوجل body rolling
أما موضوع إن الفيراري عامله كذا ألف فده ميمنعش إنك ممكن تفتح موتورذ
أما الي بيقولوا إن ال6 نقلات أبطا فطبعا لأ لإن الفقد الي بيحصل بين النقلات الgear ratio بيعوضة!!!
وأكيد عارف إن الإستيب ترونيك مبتشلش رجلك لكن لما الترس بيعشق الrpm بيقل على حسب السرعة والنقله (أكيد لو حاطت النقله الأخيره وجايب أخر الدواسه الrpm مش هينط لأخر العداد عشان السرعة بتأثر على الrpm)
ومعلش مش هكمل الحوار مع واحد بالإسلوب ده ويا ريت تحترم الي بيتكلم معاك عشان كده عيب قوي
أخر حاجة الليون بنفس الموتور
الأوتو العادي
Acceleration (0-60) 13.4
الdsg ال7 نقلات
Acceleration (0-60) 11.7
انا مش هرد ... انا هسيبك للوحوش هم اللى يردوا ... و بعدين dsg مين و أوتو مين ... الراجل لا جاب سيرة اوتو ولا مش أوتو ... ..............................
و بعدين ايه البودى رولينج ده ... و أيه تعويم العربية أساسا ... اسمه تعويم الفتيس لاهو تعويم موتور ولا تعويم بودى
و ابقى انزل انت بقى الشارع و اسأل براحتك
لقد حصلت على انذار مع وقف اسبوع لمخالفتك القعدة 13 من قواعد المنتدى
يرجى مراجغة قواعد المنتدى
10:38pm 8/7/2010
مشرف القسم 9ب
بعد مراجعة الموضوع كاملا
تم تخفيف العقوبة من انذار مع وقف اسبوع لتحذير بدون وقف لكلا العضوين morasystem , yoko وذلك لما بدر من استفزاز متبادل من كلاهما
مع الاستمرار فى عقوبة التعدد وهى وقف لمدة شهر للعضوmorasystem مع وقف جميع العضويات الاخرى
فى حالة تكرار تعدد العضويات سيتم وقفك نهائيا
12:20pm 10/7/2010
مشرف القسم 9ب
طيب أنا الي هخلي الوحوش يردوا عليك
وانا جبتلك مثال لفتيسين أوتو على نفس الموتور هيا مش السيراتو أوتو برده!!!
وأنا الحمد لله مبفتيش وإنت الي قلت تعويم الموتور!!!!
وردودي الحمد لله عدله وممكن تخش تشوف مشاركاتي ومواضيعي!!!
ولوإنت مش عارف البودي رولينج يبقى مبتعرفش في العربيات من أساسه!!!
لإن التعويم هو البودي رولينج ولا إنت مش واخد بالك
وبرده مش هرد عليك تاني
هو حضرتك مسمعتش قبل كدة حد بيقول "انا عومت الفتيس بتاع العربية و قفلت العداد"
الجملة دى معدتش على حضرتك قبل كدة
جملة مش غريبة يعنى ... مش عارف انا مضايقك فى ايه موضوع تعويم الفتيس ده ... و بعدين احنا بنتكلم على السيراتو ... و مجبناش سيرة عربيات تانية
أنا حاسس إني بكلم نفسي أنا بتكلم الكلام العلمي والمتعارف عليه مش كلام الناس الي في الشارع وأعتقد إنت الي دخلت الكروز والفيراري قبل ما انا أتكلم يعني إنت الي دخلت عربيات تانيه والعضو الفاضل صاحب الموضوع سأل سؤال وأنا جاوبت عليه على قد علمي
وياريت تقرأ في أي موضوع قبل نا تتناقش فيه
وإنت في الاول قلت عومت الموتور مش الفتيس وكمان التعويم في العربيات ملوش غير معنى واحد غير إن ظهر العربيه سرعتها زادت عن سرعة مقدمة العربيه والعربيه ظهرها إبتدأ يرمي يمين او شمال
ظهر العربية يعوم يمين و شمال ... لأ معلش حضرتك بتتكلم فى موضوع تانى اظاهر ملهوش أدنى علاقة بتعويم العربية
و مش محتاج إنى أقرا فى حاجة لأن انا بتكلم عن تجربتى للسيراتو اللى هى 4 نقلات و للمرسيدس اللى هى 4 نقلات و لعربيات كتيير 6 نقلات و 5 نقلات
طب خلاص بس إكتب تعويم العربيه وشوف كام موضوع هيطلعلك عن الي بتكلم فيه وشكرا قوي كده لإن واضح إني بتكلم في وادي وإنت في وادي تاني
ومش هتكلم تاني في الموضوع ده لإني مش هكلم واحد مش عايز يفكر في الي بقوله حتى
ولو على العربيات أنا ركبت من أول ال800 سي سي لحد ال8000 سي سي
ومن اول ال4 نقلات لحد ال7 نقلات!!!
انك تكون على غيار اعلى وتنزل لغيار اقل ده اسمه تسقيط غيارات حضرتك مش تعويم
السيراتو بتوصل فى زمن اقل عشان السيراتو موتور اقوى ووزن اخف والثانيتين دول زمن كبير على فكرة مش حاجة تافهة يعنى.
اولا: الفيديو ده معمول لقياس سرعة السيارة على الطبيعة وليس على الداينو، وده رابط للفيديو على موقع المجلة
340 km/h en Ferrari F430 Scuderia Novitec Rosso !.|.Option Auto
ثانيا: تعويم العربية يعنى ان العربية تلعب بيك من ورا وانت بتاخد ملف على سرعة جامدة او لما تيجى تضرب فرامل قوية والعربية تحدف منك وده هو معنى ومفهموم تعويم العربيات يا استاذى.
ثالثا: من غير تعقيد ولا حاجة، يوكو بيقولك ان الفتيس ال6 نقلات لما ينقل ال RPM بينزل حاجة بسيطة مش زى الفتيس ال4 نقلات وده دليله الفيديو اللى انت حاطه بنفسك الار بى ام بينزل من 6 الى 4 فى حين ان الفيديو الخاص بالفيرارى اللى انت بردو حاطه بينزل من 8.5 الى 7
رابعا: يا راجل يا طيب 142 كيلو مش الوزن اللى يخلى السيراتو تطلع بسهولة؟؟؟؟؟ :36_1_35[2]:
العضو يوكو كان بيرد عليك ان فيرارى بتفتح المواتير فى حلبة سباق خاصة، يعنى كلام عام، اما العربية اللى فى الفيديو فهو كان بيقول انها موتور بيتفتح ولكن هو كان اختبار للسيارة وحرق وتسقيط غيارات.
لا والله مسمعناش قبل كده عن تعويم الفتيس، ده زى تعويم الجنيه؟؟
لما احنا بنتكلم على السيراتو ليه جيبت سيرة الفيرارى والكروز؟؟؟؟ :36_1_35[2]:
طيب ياريت تقرا تانى عشان هو ده التعويم اللى متعارف عليه
السلام عليكم
1- السيراتو سحبها بسم الله ماشاء الله شديد (عن طريق التجربه فى مواقف مختلفه)
2- صوت الموتور بيعلى بعد ال 130 140 و انت طالع عشان هيا 4 نقلات فقط (بس عزلها تمام التمام بالنسبه لل sx عن تجربه)يعنى مش هتحس بيه اوى.
3-عمر الموتور حسب استعمالك انت (القرص الكتير و الكيك دون و التخميس و الامريكانى كلها غلط على عمر الموتور,عدم الصيانه الدوريه فى مواعيدها غلط ايضا )الحرص ثم الحرص على الحفاظ على اداء و صيانه و نظافة الموتور و البنزين النظيف و الزيت الاصلى مش المغشوش و تغيره فى مواعيده هو و الفلاتر و كمان التسخين (لمدة قصيره فى العربيات الجديده)
4-السيراتو 1.6 بيعمل ال 100 فى 11 ثانيه و كسر يعنى تمام التمام
العربيه على الاداء الرياضى اللى هو الستب ترونيك رهيبه و بتجرى جامد موت (خلى بالك لانها بتغريك تجرى جامد و ليها قدره على المناوره عاليه الحمد لله ,فبتجنن الواحد و تخليه عايز يجرى و يسمع صوت الموتور و هو بيجرى و هوب .............الجرى ملوش كبير ممكن اى حاجه تطلعلك كده و لا كده واحد ماشى على رجليه او موتوسيكل او حد يكسر عليك او حفره او تصليح فى الطريق, الجرى باى عربيه دمار شامل ليها و لصاحبها.
ربنا يستر علينا .
....* بالنسبه للاخوه الاعضاء يوكو و مورا سيستم ,انا شفت التعليقات كلها ,فيها المفيد و فيها بعض الاستفزاز مما ادى الى وقف العضو الاخر.
احب اقولكوا انتوا فرجتوا الناس عليكوا و حسستونى ان الموضوع شخصى اوى (و ان اللى هيقول الكلام الصح هيكسب نوبل مثلا.............)
يا ريت نقول و نكتب المعلومات المفيده و بس و اللى يستفز منردش عليه (عشان الكل يستفيد مش اكتر )و نخلينا فى صلب الموضوع.
....* مشهد متكرر .
1-انا اختلفت مع يوكو قبل كده و فهمته غلط و هو كمان فهمنى غلط و الموضوع تحول الى نزاع شخصى ..........
2- اللى هدى النفوس بردو هو نفس الشخص نورمااااااااااااااااااااا ااااال حبيبى .ههههههههههههههههه
3-يوكو على حق فى موضوعى و الموضوع ده .(وهو شكله فاهم بس بيشرح كانه بيشرح لمهندس زميله (واحد فاهم بردو *)فمش كل الناس بتفهمه بسرعه ,اقرا بالراحه و ركز و هتلاقى كلامه صح و الدليل على كده فيديو ا ياسر \فعلا لما النقلا بتتغير بينزل ال ار بى ام بينزل لحد 4 و بعد كده بيعلى تانى .
4- يوكو و انا و موراسيستم الحمد لله ناس تمام و متعلمه و محترمه بس احنا عصبيين شويه و بناخد الكلام على نفسنا و بنسخن بسرعه ......... بس بنرجع تانى نهدى و نروق و نبقى زى السمن على العسل ...
شكرا للمنتدى اللى بيفيدنا و بيلمنا حواليه من غير منشوف بعض ,بنفيد بعض ........
((((........* يا جماعه خلى بالكوا الكلام ده مبيتمسحش من على النت ,يعنى الكلام ده امة لا اله الا الله هتفضل تشوفه لحد ما شاء الله ...... فخلى امة لا اله الا الله تشوف ناس بتفكر تفيد بعض ازاى مش بتفكر تعض فى بعض ازاى ...............*))))
انا جى اهدى النفوس زى نورمال و قلت رايى بصراحه و ان لا اعرف يوكو و لا مورا سيستم و لا نورمال بس ان شاء الله هتشرف بمعرفتهم فى مقابلة كيا .
يا ريت كلامى يكون مفيد و يكون وصل لعقولكوا و قلبكوا و اكون مطولتش و لا كنت تقيل عليكوا و ارجو ان تتقبلوا كلامى بصدر رحب.
و السلام ختام
يا باشا التعويم اللى اقصده انا ويوكو هو التعويم اللى بيحصل غصب عن السائق وليس الدريفت
و أعتقد إن ده مكانلوش أدنى علاقة بالتعويم اللى زميلنا morasystem كان بيتكلم عنه .... و مش علشان سوء فهم تقوم المشادة الكلامية اللى ملهاش لازمة دى و يتوقف فيها بدون أدنى سبب يخلى الإدارة متتخذش إجراء ضد العضو الأخر
مش كدة ولا حضرتك مش معايا
و بعدين الراجل مقالش حاجة أكتر من رأيه فى العربية اللى هو ساقها و قارنها بعربية تانية و جاب كلام اتهرس 60 70 مليون مرة فى قسم المقارنات ... و كون إنه دخل المرسيدس فى الموضوع ده لأنه عنده مرسيدس برضه و اللى دخل الفيرارى فى الموضوع انه ادها كمثال للتعويم اللى بيتكلم عنه و الفيديو مكانلوش علاقة بال Drift
مش عارف ليه يا باشا العضوية دى اللى اتعملت جديد بعد وقف العضو وطريقة دفاعك عنه والكلام المقتبس اللى فيه نفس اسلوب الكلام بينك وبينه وكمان الامضاء الخاص بحضرتك "ايوه انا" كل ده بيفرض عليا انى اشك ان حضرتك نفس العضو مورا
انا بقى مستغرب ليه كل الكلام ده على الموضوع ده انا على فكره كنت مستنى كلام مفيد و مفهوم انما انا شفت رمى كلام من كل ناحيه و بعدين انا مش عارف ليه حصل وقف مرتين حتى لو كان نفس العضو متضربوه بالنار احسن؟؟؟و بعدين هو من امتى فى اى عضو جديد بتوقث من غير تحذير و لا هو فى اعضاء معينه ممنوع الاقتراب !!! بس يعنى علشان الوحد يعمل حسابه من ال vips اللى ملو البلد..60 مليون مره!!!!
معلش مين الvip انا لو الإدارة شايفة إني غلطان انا أول واحد هطالب بوقفي!!!
والقوانين واضحة وبتطبق على الكل
ولو كنت في مقابله فايد كريم منير قال على مشرف تم إيقافة مرتين وذكرة بالإسم!!!
وتعدد العضويات القانون فيها واضح وصريح ولو كان شايف إنه مظلوم من حقة يعمل شكوى في القسم المخصص وكان هياخد حقوا