تسقيط مكنة متسوبيشى(rwd) دفع خلفى ؟؟؟!

**evo22** · 13-07-2010 05:21 AM

ياريس مافيش مكنة للمتسوبيشى خلفى فية رباعى الايفو ودى مش هتعرف تجيبها علشان مش موجودة فى عندك بقة مكن الميفك بيبدا من 1500 سىسى 2 كامة لحد 2500 سىسى بس دة امامى انا معاية كريستالة ومسقط فيها 2000 سىسى بس انجى شيكشن مش كرباراتير

**kisho55555** · 13-07-2010 05:24 PM

الجالنت كلها موديل التمانينات الللى هو الجيل الرابع كان دفع خلفى وانا كان معايا واحدة اتوماتيك وعملت بيها دريفتات كتير ...

الجيل الخامس والسادس والسابع كان بينزل منهم مواتير دفع امامى ورباعى فقط ... مكنش فى دفع خلفى .. بس الشاسية وقواعد الموتور اختلفت تماما ..

**SiGmAa** · 13-07-2010 07:52 PM

المشاركة الأصلية كتبت بواسطة kisho55555

مش سهل ابدا انك تعمل العربيى رباعى لانك بتحتاج كورونة قدام وكرونة ورا .... ود مش هينفع عشان الشاسية مش هساعد ...

مفيش احسن من الاصل .. لو صاحب العربية عايز يزيدمن قوة العربية ... ممكن يجيب 2800 سى سى او 3200 سى سى وكل دى مواتير جالنت موديل التمانينات وتركب عادى على العربية ...

الله ينور عليك ياباشا هى دى المشكلة انو مافيش (او زى منا معتقد انو مافيش )موتور متسوبيش دفع خلفى الا فوق ال 2000 سى سى ودة مش حلاحق علية بنزين ولا ضريبة

المشاركة الأصلية كتبت بواسطة sameh127

اشترى موتور الجالنت(استعمال خارج) موديل التسعينات سعة 2000 سي سي اللى هو جر امامي و ركبه عندك فى عربيتك بالطول و حتعمل قواعد موتور عمولة (شكلها و تصميمها يختلف كلا و جزءا عن قواعد الفابريكة)علشان تخلى الموتور يرتكز بوضع طولى بدلا من ارتكازه عرضيا فى الأصل.
و التعديل ده سهل مش مشكله و شوف ارتباط الموتور المستعرض بجيره الأصلى(جر امامي) و شوف ارتباطه بجيرك(جر خلفى) ولو تشابهوا فى الأرتباط تبقى محلولة و ركبه على طول و ربط مساميرك.
اما لو نقط الإرتباط (اماكن ربط المسامير)فرقت عن بعض فحنعمل ادبتر(عمولة و شغله سهل مايخوفش) مابين الموتور المستعرض اللى خليناه طوليا و الجير الخلفى.
ترس الفولام ممكن يحتاج تعديل بسيط وممكن مايحتاجش اعتمادا على ابعاده مع ابعاد الجير الخلفى عندك.
والموضوع سهل و عايز صنايعى دماغه حلوة و يوافق يعمل اللى كتبته لك ويكون بيعرف خراط شغله نضيف.
و ان شاء الله اتفرج على جرى العربية بتاعتك بعد ما تركب مكنة جالنت موديل التسعينات و اتفرج برده على استهلاك الوقود و اسمع صوت المكنة و انت قاعد جوه العربية حيعجبك.
وارجو منك انك تعرض الكاوتش بعض الشئ علشان جريك حيفرق كتير عن المكنة اللى راكبة عندك حاليا ولو مش بتجرى يبقى مالهاش لزمة تعريض الكاوتش

تمام ياباشا بس دة عايز صنايعى محترف عشان ماتفتحش منى مصاريف بس بينى وبينك انا مابحبش اعمل اى تعديلات فى الشاسية انا عايز اشيل موتور واركب موتور مكانة ولو فى تعديلات تبقى شداد للشاسية احتياطى مش اكتر عشان امشى وانا مطمن فانا شايف ان موتور خلفى حيبقى افضل

**SiGmAa** · 13-07-2010 07:55 PM

المشاركة الأصلية كتبت بواسطة kisho55555

الجالنت كلها موديل التمانينات الللى هو الجيل الرابع كان دفع خلفى وانا كان معايا واحدة اتوماتيك وعملت بيها دريفتات كتير ...

الجيل الخامس والسادس والسابع كان بينزل منهم مواتير دفع امامى ورباعى فقط ... مكنش فى دفع خلفى .. بس الشاسية وقواعد الموتور اختلفت تماما ..

طيب بما انك ليك تجربة مع الجالانت اية رايك فى المكنة ال 2000 سى سى اللى فى موديل 80 دى
مكنة حلوة وجراية ولا تعبانة برضو وحتبقى 4 غيار ولا 5

**kisho55555** · 14-07-2010 01:10 AM

المشاركة الأصلية كتبت بواسطة sigmaa

طيب بما انك ليك تجربة مع الجالانت اية رايك فى المكنة ال 2000 سى سى اللى فى موديل 80 دى
مكنة حلوة وجراية ولا تعبانة برضو وحتبقى 4 غيار ولا 5

الموتور كان كويس وجميل .. وبابا باعها لقريبه والموتور بتاعها لم يتصلح لمدة 17 سنة... كل اللى بنغيره بوجيهات بس ...

العربية اللى كانت معانا كانت اوتو ..فمقدرش احكم اذا كانت جراية ولا لا .. بس كان عزمها جبار وكمان فى الطلعة ملهاش حل ... وكانت كمان مكيفة وتكيفها ان شغال لغاية لما بيعناها ...

المانيوال من الموتور ال 2000 سى سى هيكون 5 غيارات ... لو انت عايز موتور ناعن يبقى تدخل فى موديل ال 90 .. بس انا معرفش اذا كان هينفع على نفس الشاسيه ولا لا .. لانى معرفش قواعد الموتور بتاعه ..

**l0new0lf** · 14-07-2010 03:25 AM

المشاركة الأصلية كتبت بواسطة sameh127

اشترى موتور الجالنت(استعمال خارج) موديل التسعينات سعة 2000 سي سي اللى هو جر امامي و ركبه عندك فى عربيتك بالطول و حتعمل قواعد موتور عمولة (شكلها و تصميمها يختلف كلا و جزءا عن قواعد الفابريكة)علشان تخلى الموتور يرتكز بوضع طولى بدلا من ارتكازه عرضيا فى الأصل.
و التعديل ده سهل مش مشكله و شوف ارتباط الموتور المستعرض بجيره الأصلى(جر امامي) و شوف ارتباطه بجيرك(جر خلفى) ولو تشابهوا فى الأرتباط تبقى محلولة و ركبه على طول و ربط مساميرك.
اما لو نقط الإرتباط (اماكن ربط المسامير)فرقت عن بعض فحنعمل ادبتر(عمولة و شغله سهل مايخوفش) مابين الموتور المستعرض اللى خليناه طوليا و الجير الخلفى.
ترس الفولام ممكن يحتاج تعديل بسيط وممكن مايحتاجش اعتمادا على ابعاده مع ابعاد الجير الخلفى عندك.
والموضوع سهل و عايز صنايعى دماغه حلوة و يوافق يعمل اللى كتبته لك ويكون بيعرف خراط شغله نضيف.
و ان شاء الله اتفرج على جرى العربية بتاعتك بعد ما تركب مكنة جالنت موديل التسعينات و اتفرج برده على استهلاك الوقود و اسمع صوت المكنة و انت قاعد جوه العربية حيعجبك.
وارجو منك انك تعرض الكاوتش بعض الشئ علشان جريك حيفرق كتير عن المكنة اللى راكبة عندك حاليا ولو مش بتجرى يبقى مالهاش لزمة تعريض الكاوتش

اسمحلى الموضوع مش بالبساطه دى
لما تحب تركب مكنه امامى على عربيه جر خلفى هتلاقى حساس الكرنك ضارب فى الفاير وال بتاع العربيه و غالبا هتقص و تعدل فيه علشان تعمل فجوه لحساس الكرنك
و كمان هتعدل فى مداخل خراطيم التبريد لانها فى الحاله دى هتكون داخله من عند الفير وال
و اهم من كل ده انتك لازم تصنع كارتيرة زيت تانيه علشان كرتيرة الزيت بتاعة المكنه الامامى لو ركبت فى العربيه الخلفى هتصد فى العفشه و تيش الدركسيون
4g32 تقريبا المكنه الى عندك
مكنه ممتازه لو اتضبطت و مش هتحتاج تغيرها ان شاء الله
4g62المكنه ال
صعب تركب عندك علشان الفتيس عندك 6 مسمار و دى فتيسها 7 مسمار او انك تجيبها بفتيسها و تعدل فى الكردان بعد كده
4g36 احسن مكنه تركب عندك على الفتيس بتاعك
2000 س س 2 كامه و فى منها نازل امامى و خلفى
و على فكره المكنه دى هتلاقيها فى الجالنت 2000 س س و فى السوناتا 92 و الهونداى ستلار ال 2000 س س
و هى دى المكنه الى بتنزل فى الايفو 2000 س س

**SiGmAa** · 15-07-2010 02:09 AM

المشاركة الأصلية كتبت بواسطة l0new0lf

4g32 تقريبا المكنه الى عندك
مكنه ممتازه لو اتضبطت و مش هتحتاج تغيرها ان شاء الله

اة ياباشا هى دى المكنة اللى عندى تقريبا ودى بتطلع 89 حصان تقريبا بس برضو لو ظبتها المكنة دى 4 غيار يعنى تعبانة برضو على ما اعتقد

**SiGmAa** · 15-07-2010 02:16 AM

المشاركة الأصلية كتبت بواسطة l0new0lf

4g62المكنه ال
صعب تركب عندك علشان الفتيس عندك 6 مسمار و دى فتيسها 7 مسمار او انك تجيبها بفتيسها و تعدل فى الكردان بعد كده
4g36 احسن مكنه تركب عندك على الفتيس بتاعك
2000 س س 2 كامه و فى منها نازل امامى و خلفى
و على فكره المكنه دى هتلاقيها فى الجالنت 2000 س س و فى السوناتا 92 و الهونداى ستلار ال 2000 س س
و هى دى المكنه الى بتنزل فى الايفو 2000 س س

قصدك 4g63
دى اللى ممكن تركب عندى
هى نازلة فعلا فى الجالانت 89-92 ومكنة 2000 ى ى ونازل منها 2 كامة
بس ياترى هلاقى منها خلفى عشان لو فى فعلا منها خلفى هروح اجيبها بالفتيس بالعفشة بكل حاجتها النص الامامى كلو يعنى ولا ماينفعشى تركب عندى ؟

**a7madramadan** · 15-07-2010 05:26 AM

جالنت دفع خلفي بس موش متأكد القواعد هتختلف ولا لأ و بعدين اعتقد انه كبيير انا كنت باركب جالنت فالسعودية بصراحة مش فاكر سعة الموتور بس كانت موديل 99 و كانت تقريبا 2000 لو 2300 بيتهيقلي اكبر من موتور اللانسر و الله اعلم

**kisho55555** · 15-07-2010 02:11 PM

ده الموديل اللى احنا بنتكلم عليه ... وده بينزل من 80-87 لو انت عايز موتور بيجرى وقوى هتلاقى موتور بتاع العربية اللى فى الصورة وده بيكون تربو خمس سرعات والعربية اسمها جالنت سيجما ....

جالنت دفع خلفي بس موش متأكد القواعد هتختلف ولا لأ و بعدين اعتقد انه كبيير انا كنت باركب جالنت فالسعودية بصراحة مش فاكر سعة الموتور بس كانت موديل 99 و كانت تقريبا 2000 لو 2300 بيتهيقلي اكبر من موتور اللانسر و الله اعلم

ده الموديل اللى حضرتك كنت بتركبه ... العربية دى مفهاش دفع خلفى ... ياما امامى ياما رباعى ... ومفيش منها 2300 سى سى .. الموجود 2000 و 2500 و 1800 و 2400 و 2500 twin turbo و 3000 سى سى 6 سلندر ...

وكل المواتير دى متنفعش ابدا تركب على العربية غير لو انت غيرت فى قواعد الموتور ...