الموضوع: طريقة سحرية لزيادة اداء المحرك واقتصادية في الوقود

المشاركة الأصلية كتبت بواسطة sab3aawy

الموضوع له شقين كل منهما يعكس الآخر( والكلام هنا جاد ولما فيهوش اى تهريج)

معروف انه كلما ارتفعة نسبة الإنضغاط تحسنت كفاءة المحرك وبالتالى ارتفعت الأميال المقطوعة لكل لتر من الوقود

وفى نفس الوقت فإنه كلما ارتفعت نسبة الإنضغاط زادت القابلية للصفع (التسقيف كما نسميه والفرقعة كما سماها كاتب المقال الأصلى) وبالتالى لابد للمحركات ذات نسب الإنضغاط المرتفعة استعمال وقود عالى الأوكتان

معنى عمل حفر فى المكبس او وش السلندر هو توسيع المساحة الباقية للغاز بعد الإنضغاط مما يقلل نسبة الأنضغاط كما تفضل وذكر كل من الأخين العزيزين بيشوى ومحمد ممدوح، مما سيقلل من كفاءة المحرك لكن يسمح باستخدام وقود ذو رقم اوكتان منخفض

فى نفس الوقت فإنه طبقا لكلام المخترع فإن عمل حفر سيساعد على عمل حركة دوامية تساعد فى حسن خلط الوقود بالهواء وبالتالى احتراق افضل وطاقة اكثر واميال اكثر لكل لتر

وعلى ذلك فإننا نخلص لأن وجود الحفرب سيخلق عنصرين متضادين احدهما سيقلل الكفاءة والآخر سيحسنها وهنا تبقى لنا التجربة لكى نعرف اى منهما سيكون تأثيره اكثر ،

سؤالى هو ، هل تعديل بسيط مثل هذا يتوه عن رؤوس مصممى السيارات العالميين، لا اظن فالمكبس ابو بطحة موجود من قديم الأزل كما ان تصاميم وش السلندر تختلف من مصمم لمصمم ، والتعديلات العديدة للمحركات مثل موضوع ال 16 صباب تهدف من ضمن ما تهدف الى تحقيق افضل درجة خلط بين بخار البنزين والهواء ، وبالتالى انا شخصيا اعتقد ان ما يقدمه لنا هذا الفيديو هو إعادة اختراع العجلة reinvent the wheel

طيب و هوه حتى لو هيزود حجم غرفة الاحتراق بالمجرى دى .......... هيزودها قد ايه 0.25% ولا حاجة ............... و هنا ممكن الجوان الدوبل يديلو نتيجه احسن

لكن موضوع turblent flow ما اعتقدش انه هيحصل من حفره واحده بس و لو كده كانو عملو وش السلندر مشرشر بالكامل فى المناطق اعلى غرف الاحتراق

مش عارف ........... انا عن نفسى مش مقتنع

المشاركة الأصلية كتبت بواسطة Xpert

اتبرع .. و لو بجنيه .. اتبرع .. باللي تقدر عليه :D :D :D
مش اخنا بنلم تبرعات هنا برضه ؟ :D :D (ياللا يا عم ابتسامه ببلاش اهه ):D

أهو الناس اللي بتتبرع زي الاستاذ (Xpert) هما اللي بيساعدوا على نهضة الأمم بتبرعاتهم.. تعاطفك لوحده مش كفاية. والله يا باشا خلتني ابتسم وانا بشرب النسكافيه.. نهارك أبيض يا باشا.

حد تاني عاوز يقول حاجة يا رجالة قبل ما نشطب ونلم العدة؟ :)