الموضوع: أخيرا بعت السيراتو

أولا تحياتي للجميغ و بلاش ننجرف ورا الشتايم و الكلام الخارج خلي حوارنا زي ما هو راقي و فيه قبول لوجهة نظر الأخرين بدون تحيز و زي ما قلت كل حاجة ليها ميزة و عيب و الكمال لله وحده

أنا لم أقل إن السيراتو عربية كذا و كذا أنا قلت سيارة جميلة و شيك لكن للأسف و ده بالنسبة لي مش مناسبة لفكر الشارع في مصر ها تتبهدل بسرعة و مطمع للواغش اللي في الطريق و فيها مشكلة في التعليق الخلفي و يمكن كلنا بما فيهم الملاك الحاليين موافقين علي ده و ياريت ما نجريش بيها أكتر من 140 أو 150

ثانيا فكرة طريق منفصل للنقل هي فكرة جميلة جدا و واقعية مثلا زي طريق السخنة لكن صعب جدا تطبيقها مثلا علي الدائري أو الصحراوي طبعا لكثرة التقاطعات و التي يتم حلها بأعمال هندسية و هي مكلفة جدا و الحل العملي ظبط السرعة علي هذه الطرق و يا ريت إخواننا ضباط المرور يشوفوا مخالفات تانية غير الحزام و الموبايل و الطفاية انا مابقولش انها مش مهمة لكن في حاجات أهم زي مشي النقل علي اليمين بأقصي سرعة و زي الركن علي الدائري من إخواننا بتوع الميكروباص يقف في اي حتة علشان يركب راكب و مش مهم مصيبة تحصل و لا لا

و هي سهلة جدا و بتتطبق في دول الخليج و بكل صرامة و بسهولة جدا و السواق التي بيتمسك من دول مخالفة تبدأ من 5000 ريال و انتا طالع و ممكن توصل للحبس و الترحيل من البلد لو أجنبي.

أنا مش عارف ليه طبقوا عقوبة المشي عكس إتجاه السير فترة صغيرة و بعدين بطلوا رغم انها كانت حاجة كويسة لضبط الشارع و تعليم الناس انها تمش صح في الطريق

لازم يتعمل شوية توعية لخطورة الحوادث يعني مثلا كان في قطر لما كنت هناك بحط علي كل طريق عربية مكسرة نتيجة حادثة بشعة كل مسافة معينة علي جنب كده و ظاهرة علشان الناس تشوف و تعتبر و في مصر ما فيش أكتر من الحوادث ليه ما نعملش كده و مش عيب ان احنا نتعلم من الأخرين حتي لو كانو أصغر مننا أو أحدث

المهم نتعلم و نعلم الناس

يا جماعة بلش كلام غريب ( يعني ايية ما تجريش بيها 140 150 ) العربية نتجيب اكتر من كدة و نظام التعليق الخلفي اللي حضرتك بتتكلم عنة فدة علشاااااان stability اكتر , يا جماعة يا ريت ملاك العربية بس هما اللي يتكلموا

المشاركة الأصلية كتبت بواسطة hossameldorry

يا جماعة بلش كلام غريب ( يعني ايية ما تجريش بيها 140 150 ) العربية نتجيب اكتر من كدة و نظام التعليق الخلفي اللي حضرتك بتتكلم عنة فدة علشاااااان stability اكتر , يا جماعة يا ريت ملاك العربية بس هما اللي يتكلموا

أنا أسف لحضرتك جدا و كنت أتمني تقرا الحوار من أوله لأني قلت إن أنا كان عندي سيراتو و لسه بايعها من إسبوعين و بعدين دي وجهة نظري و لازم نتعلم نحترم وجهة نظر بعض و نتعلم الناس تتكلم مع بعض بدون عصبية و إنفعال.

و حكاية ال 140 - 150 دي نصيحة و خصوصا في ظل الحالة الجميلة للطرق في مصر و للمفاجأت اللي بيعملها سواقين النقل و حضرتك لك مطلق الحرية طبعا إنك تجري حتي علي سرعة 200 طالما إن ده يناسبك و ربنا يستر عليك و علينا و تحياتي لك و لباقي الزملاء

الف مبروك للعربية التريوس ربنا يباركلك فيها هو حضرتك خصرت في بيع العربية قدايه مجرد فضول ؟؟؟