الموضوع: يا اهل التمبرا انا قررت اشتري تمبرا بس محتاج مساعدتكم

[OVERLINE]

المشاركة الأصلية كتبت بواسطة mmme

انا الحمد لله نويت اشتري عربية تمبرا بس كنت محتاج مساعدتكم في حاجتين :

المشاركة الأصلية كتبت بواسطة mmme

اولا : يحد يؤولي ايه عيوب العربية و مشاكلها و امكانياتها
ثانيا : مواصفات العربية اللي ممكن اشتريها في حدود 30000 جنيه .
بس يا ريت ما تنسونيش

السلام عليكم انا جمعتلك شويه اراء يا رب يدوك فكره كويسه

1- التمبرا طبعا
ثبات احسن من السكودا على الطريق
موتور ملوش صوت خالص على عكس السكودا موتور صوتة عالى
قطع غيارهم هما الاتنين فى المعقول الا اذا كانت التمبرا تفرق شوية
صالون التمبرا والشنطة اوسع بكتير من السكودا
الشكل العام والمظهر الخارجى التمبرا برضة
وعلى فكرة فى السواقة انا سقت الاتنين التمبرا جراية بغباء والموتور ملوش صوت خالص وكنت حاسس انى راكب عربية جديدة مع انها موديل 93 على عكس السكودا ناشفة بغباء

2-
بص ياباشا التمبرا القوة والنعومه مع بعض عربيه قوية وثابته على الطريق فيها ميزات القديم وامكانيات الجديد عربيه كانت سابقه عصرها النقطه اللى مخوفه اى حد منها هى قطع الغيار بس دلوقتى التمبرا انتشرت من ساعه مابقت تنزل للمعوقين والناس حبتها وقطع غيارها موجوده بسهوله فى عزبة شلبى استيراد وزيرو وعند الكيلانى والناس بدات تجيبها كتير تانى حاجه بقى العربية الصالون بتاعها واسع جدا دا لو انت عندك اسرة يعنى مش شاب لوحدك هاتريحك جامد وكفايه انها ايطالى الايطالى منها لحد 94 او 96 مش فاكر بالظبط وبعد كده بققت تتجمع فى مصر والمصرى منها مش وحش برضهانا لسه جايبها من شهر وكنت محتار زيك كده برضه والله العظيم مابين الاتنين والشاهين بس لاقيت التمبرا فيها نعومة الاكسيل وقوة الشاهين بس ياريت تفحصها كويس قبل ماتجيبها ودا عامة لاى عربيه وربنا يكرمك انشاءالله

3-
التمبرا سيارة جميع الكماليات باور وسنتر وتكييف وكاسيت وخلافه وهي 1600 سي سي منها نوعان الإيطالي المستورد وهو ما قبل عام 95 والتركي حتى عام 97 ، ويوجد منها موديلات 1500 سي سي وهي مستوردة فقط وتراها كثيرا في سيارتن المعاقين .
هي سيارة ثقيلة ثابتة ، وتتميز بالاتساع والرحابة ومساحة الشنطة كبيرة جداً . إلا أن ما يعيبها عدة أمور :
فراملها ليست قوية بالنسبة لحجمها ، وهو ما يجعلك قلق من التوقف المفاجئ
أعطالها مثل سيارات الفيات القديمة كثيرة ومتنوعة .
موتورها معقد ولا يفهم فيه الكثير من الميكانيكية .
اي خبطة صعب أن يتملمها وتؤثر على أداء العربية الإجمالي .
قيمة إعادة البيع قليلة وتأخذ وقتاً في بيعها نظراً لقلة انتشارها خاصة وأن سعرها يقارب الشاهين المنشرة جداً ويقارب السيارات الكوري مثل الإكسل والدايو الأحدث صنعاً ، كما يقارب الميتسوبيشي اللانسر(عيون صفية ) 90 ، 91 ، واللانسر البطة 94-96
ومن حيث المميزات فسعرها مناسب جداً بالنسبة لإمكانياتها إذ يتراوح سعرها بين 35 ألف جنيه حتى 45 ألف حسب الحالة وسنة الصنع وإن كنت أفضل الإيطالي عن التركي .
توكيلها يقوم بالصيانة بأسعار مناسبة جداً وأقصد التوكيل الموجود بمدينة نصر ناصية مكرم عبيد .
قطع غيارها رخيصة جداً تقل عن الشاهين أو تماثلها ، وإن كانت هناك بعض القطع النادرة والتي تتطلب منك شراؤها مستعملة من الحرفيين أو الوكالة أو شراءها من بور سعيد .
نصيحتي إذا رغبت في شراءها أن تفحصها جيداً ، وأن تقارنها بأختها الكبرى اللانشيا الديدرا خاصة أنها تفوقها سمعة وإمكانيات وكماليات ، وإن كانت تشترك معها في ندرة قطع الغيار وصعوبةالإصلاح . وهي قريبة منها في السعر .
خالص تمنياتي بالتوفيق
د. أحمد
4- عزيزى
انا استخدم سيارة تمبرا منذ ثلاث سنوات واعتقد انى قد كونت حكما على اداء هذه السيارة

الفيات التمبرا هى سيارة ايطالية تم انتاحها بديلا عن السيارة التيبو بدء من سنة 1990 حتى 1996 توقف انتجاها فى ايطالية وان ظلت تصنع فى تركيا والبرازيل حتى 2001 وكانت تجمع فى النصر للسيارات حتى سنة 2000

ويوجد منها موديلان نوع ذو عدادت عادية واخر ديجتال
والسيارة ذات محرك متميز 1600 سى سى يتسم بالقوة والهدوء خصوصا السيارات المصنعة فى ايطاليا عكس المجمعة فى مصر لان محركها مش اد كده بالمقارنة بالايطالى
السيارة ذات تصميم جيد من ناحية الاتزان ودينامكية الهواء وان كان يعبها ارتفاع الشنطة وصعوبة الرؤية الخلفية فى حالة الركن
الصالون واسع ومريح جدا وبقليل من الصرف يبان انه فخم
التكيف فيها ممتاز من ناحية التبريد بس عيبه انه بيسحب جزء محترم من قدرة الموتور بيبان اوى فى السحب
تسارع العربية مش جامد بطىء نبسيا بس العربية بتجرى كويس اوى
استهلكها فى البنزين منقدرش نقول انه موفر بس تقريبا زى اللانوس فى السفر انما جوه البلد عالى زى الماتريكس
الفتيس يدوى خمس سرعات يعتبر ناعم احسن من الاكسيل على سبيل المثال وفى منها موديلات اتوماتك بس الحقيقة مجربتهاش
ويوجد منها نوعين واحد كربراتير ودى اللى عندى والتانى انجكشن بس مش متعدد النقاط والاشعال الكترونى رائع
يعنى لا ابلاتين ولاكوندنسر ولا كلام فاضى والشفاط بها اتوماتكيا تبعا لدرجة حرارة الموتور
والعربية فيها شوية تجهيزات كهرائية والكترونية كتير شوية وبتتطلب واحد كهربائى بيفهم كويس علشان يعمل فيها اى شغل والعربيات المزودة بتبلوه ديجتال بتبقى مشكله اكتر شويتين من العادى وان كان الاتنين شكلهم حلو

قطع الغيار ياسيدى متوفرة بس مش عند كل الناس ناس بعينهم فى التوفقية وشارع شمبليون عتدهم كل حاجة اسعرهم اعلى بحاجة بسيطة عن الفيات عموما بس تعتبر فى رينج الهيونداى والدايو
وفى منها التركى والبرازيلى والمكسيكى وفيه حاجات صينى ابعد عنها هى والايطالى لانه مش ايطالى ولا حاجة

العربية هادية على الطريق ماتسمعش دوشة الموتور والعجل خصوصا اذا كنت قافل الازا ز ومشغل التكيف

العربية فيها كل الكماليات باور -زجاج كهرباء وفيه بعض الموديلات المرايات بتتظبط كهرباء


العفشة فيها غريبة شوية بس متينة ووزنة العربية كويس عيبها مثلا ان لو عاوز تغير جلبة مقص يبقى المقص كله لازم يتغير لانه يعتبر حته واحده والتعليق عموما يعتبر ناشف حاجة بسيطة بالمقارنة بالعربيات الحديثة وده بتحس بيه وانت سياق بس القاعدة ورا باشا اخر راحة بيستمتع بيها اللى قاعد فى الخلف وكمان فيه فتحة للتكيف علشان الركاب فى الخلف تقدر تشغلها اوتقفلها حسب الحاجة

بص يقى يا سيدى انا بقى ما رضيتش اعلق على الكلام اللى فوق ده
بس انا معايا تمبرا 96 / 1600 وبصراحه مريحانى على الاخر بس انا انصحك تتانى وتتاكد من حاله العربيه
العربيه ممتازة لو مش متهانه ممكن تكون احسن من المرسيدس وممكن تكون اوحش من ال R