اللوجانوالتكييف كلاكت تانى مرة

**ahfares** · 13-07-2010 03:14 AM

السلام عليكم يااحلى شباب
بص انا كنت عملت موضوع قبل كدا عن اللوجان والتكييف بس محدش عرف يرد مش عارف لية
تانى خليها علية مش مشكلة
لما اجيب المؤشر بتاع التكييف على الاخر الازرق كدا الاستهلاك هتكون اكتر ولا لما يكون مثلا اقل بشرتطين ولية وهو شغال ازى على تيرمستات وبيفصل ولا لا
طيب حاجة تانية هل سرعة المروحة تؤثر على الاستهلاك .

**eng_logan** · 13-07-2010 03:22 AM

متااااااااااااابع

**felicia_lover24** · 13-07-2010 03:31 AM

انا بصراحة معرفش نظام اللوجان ...مع انى متابعها و ناوى عليها ..بس انا مش مالكيها ...مش هفتى ..بس هقولك حاجة على تكييفات اغلب العربيات ...التكييف بتاع العربية الجديدة المفروض تخليه مؤقتا لحد ماتلين على اول 3 شرط عشان ماترهقش الموتور ... و برضه عشان ميستهلكش بنزين كتير ...سرعة المروحة ملهاش دعوة اوى ..لانها مجرد موزع للبروده الناتجة من تبريد التكييف ...يعنى اكيد استهلاك النزين هيزيد لما تخلى البروة على اعلى حاجة ... دى معلوماتى ...جرب و قولى ...متابع

**amr.elsayed** · 13-07-2010 12:51 PM

المشاركة الأصلية كتبت بواسطة ahfares

السلام عليكم يااحلى شباب
بص انا كنت عملت موضوع قبل كدا عن اللوجان والتكييف بس محدش عرف يرد مش عارف لية

معقولة وحش لوجوناوى بحجم الاستاذ احمد فارس ومحدش يرد عليه ... لا لا لا دة القسم دة محتاج فوقة

تانى خليها علية مش مشكلة

انا بقول بردو المسامح كريم

لما اجيب المؤشر بتاع التكييف على الاخر الازرق كدا الاستهلاك هتكون اكتر ولا لما يكون مثلا اقل بشرتطين ولية وهو شغال ازى على تيرمستات وبيفصل ولا لا

طيب شوف يا استاذ احمد انا حجاوب عن طريق التجربة وليس كلام علمى بحت
1- التكييف لما بيشتغل على اعلى درجة تبريد بتكون العربية مش مظبوطة ودة بسبب ان بيكون فى اقصى حمل على كمبرسيسور التكييف و تبدأ تظهر النتشة وسحب العربية يبطأ شوية
2- لما التكييف بيقل على الدرجة القبل الاخيرة او الدرجة التانية للتبريد (ودى كفيلة انها تخلى صالون السيارة ساقع فى درجات حرارة الصيف العادية ) بتختفى النتشة
3- اثناء الحرق الكمبرسور بيفصل ويرجع يشتغل تانى بس دة فى حالة جيبت الدواسة الارض وبتشد فعلا وبتسمع صوت (تك) ودة معناه ان التكييف فصل ورجع تانى (على فكرة الفصلة دى فى حالة محتاج عزم السيارة كله فقط ) مش فى القيادة العادية
4- متنساش تقفل الزجاج علشان تاخد افضل اداء للتكييف ... ما تنساش تبرد الصالون من خلال الهواء الجوى الاول ... ما تنساش تسخن العربية كويس قبل تشغيل التكييف ... ما تنساش لو شغلت التكييف وانت على الطريق تجيب المور او على الاقل تفصل حركة الماتور بالدبرياج
5- استهلاك البنزين ممكن يكون اعلى شوية فى حالة مشغل التكييف على اعلى درجة بس مش ممكن تلاحظه لان احنا بنتكلم فى حاجات بسيطة اوى مالهاش حسابات يعنى

طيب حاجة تانية هل سرعة المروحة تؤثر على الاستهلاك

.

لا مالهاش علاقة باستهلاك البنزين

انا كتبت اللى اعرفه يا رب اكون افدتك باى معلومة
استاذ احمد هل فى حاجة معينة بتشعر بيها اثناء تشغيل التكييف لعل وعسى يكون الموضوع اوضح ويا رب يكون شعور بالبرودة

عايز اقول حاجة مش معنى ان الجو حر جدا اننا نشغل اعلى درجة تبريد للتكييف ... دة التكييف الميراكو كارير بيتأثر بالحرارة يبقى رافتا بتكيف العربية

**amintaha** · 13-07-2010 01:27 PM

السلام عليكم
جميله جدا المناقشات ال بتحصل ده بتعرف الواحد حاجات كتير عن العربيه ويارب دايما فى تقدم للموقع الجميل ده. كنت بردوا عايز اسئل على حاجه ساعات لما بعلى درجه التكييف مش عارف ليه مش بحس انه على او بيبقى الفرق بسيط و ده فى اوقات الحراره العاليه وعايز اضيف ان فعلا لما بخلى التكييف على الدرجه الثانيه التكييف بيشتغل بصورة كويسه جدا
وحزاكم الله كل خير

**amr.elsayed** · 13-07-2010 01:51 PM

المشاركة الأصلية كتبت بواسطة amintaha

السلام عليكم
جميله جدا المناقشات ال بتحصل ده بتعرف الواحد حاجات كتير عن العربيه ويارب دايما فى تقدم للموقع الجميل ده. كنت بردوا عايز اسئل على حاجه ساعات لما بعلى درجه التكييف مش عارف ليه مش بحس انه على او بيبقى الفرق بسيط و ده فى اوقات الحراره العاليه وعايز اضيف ان فعلا لما بخلى التكييف على الدرجه الثانيه التكييف بيشتغل بصورة كويسه جدا
وحزاكم الله كل خير

هل تقصد تقليل سرعة المروحة ولا درجة التبريد ؟؟؟

**amintaha** · 13-07-2010 02:45 PM

السلام عليكم
اقصد درجه التبريد الخاصه بالتكييف

**shaddadfalcon1** · 13-07-2010 02:53 PM

اللي اعرفه من خلال المنتدي هنا ان بمجرد تشغيل التكييف مش هتفرق انت علي انهي سرعه لان دي سرعة المروحه ودي مش بتفرق في حاجه الا في سرعه خروج الهواء يعني التحميل علي الموتور هو هو مفيش فرق

بالنسبه للمروحه هي بتحمل اكتر لما تبقي السرعه 4 لكن ال 3 سرعات اللي قبل كده واحد

**amr.elsayed** · 13-07-2010 02:57 PM

المشاركة الأصلية كتبت بواسطة shaddadfalcon1

اللي اعرفه من خلال المنتدي هنا ان بمجرد تشغيل التكييف مش هتفرق انت علي انهي سرعه لان دي سرعة المروحه ودي مش بتفرق في حاجه الا في سرعه خروج الهواء يعني التحميل علي الموتور هو هو مفيش فرق

بالنسبه للمروحه هي بتحمل اكتر لما تبقي السرعه 4 لكن ال 3 سرعات اللي قبل كده واحد

لا يا باشا فى درجة برودة ودى ليها بكرة لوحدها فى التكييف .... وفى بكرة خاصة بسرعة المروحة
ودرجة البرودة بتفرق مع التحميل على الماتور وسحب العزم منه وبتشعر بيها اثناء القيادة

**amr.elsayed** · 13-07-2010 03:00 PM

المشاركة الأصلية كتبت بواسطة amintaha

السلام عليكم
اقصد درجه التبريد الخاصه بالتكييف

ممكن يكون الشعور دة عندك لان جميع درجات برودة التكييف بتكون ساقعة وكافية انها تعطيك القدر الكافى من البرودة
لكن مافيش شك ان درجات البرودة بتختلف بس ممكن يكون فعلا الفرق بسيط بس ملحوظ