العمل اكثر من 12 ساعة يومياً ( هو ايه بالظبط ) ؟!

**Terrible_DaRsH** · 17-07-2010 12:43 AM

المشاركة الأصلية كتبت بواسطة misoalex

طب مهى الخبره مش ببلاش هو حد بيتعلم بالساهل
يمكن فى يوم تكون صاحب مصنع زى الى انت شغال فيه

امين يا رب محدش يعرف علم الغيب .

المشاركة الأصلية كتبت بواسطة mahmoudselim

ولو الشغل دا يضفلك في مجال تخصصك في الدراسة يبقي توكل علي الله وكمل معاهم انشالله 25 ساعة في ال 24 ساعة لانك هتستفاد جامد جدا بعد التخرج ان شاء الله .. اما لو كان بعيد عن مجال تخصصك فالافضل انك تشوف شغل تاني مجال تخصصك لو 4 ساعات في اليوم هتستفاد اكتر من الشغل دا ولو ملقتش شغل في مجال تخصصك يبقي اي شغل والسلام طالما كلة محصل بعضة وعدد ساعات عمل اقل .

هو بصراحة مش تخصصى اوى , و لكن انا يعتبر ماسك نصف الحسابات و النصف التانى بحاول اتعلم من المحاسب .

المشاركة الأصلية كتبت بواسطة mrwho1982

طيب اضحكك

انا كنت بشتغل في السلاب اللي في الشيراتون المطار من 10 : 10

حلو الكلام

طيب انا اجي الشغل 10 المفروض اروح الساعة كام

علشان خاطر الناس الحلوة 12.30

علشان بتقفل خزنة وتعمل يومية

ايه اللي حصل انا اشتغلت لمدة سنة علي هذا الحال لدرجة ان والدتي راحت تعمل عمرة والله ماعرفتش غير بعد ماسافرت ب 3 ايام

اللي حصل اني في يوم مروح من الشغل الساعة 12 باليل ونمت وانا سايق من شدة التعب

المهم العربية دخلت في سورة الدائري وادمرت وانا الحمد لله زي الفل

المرتب كام بقي واسمك مراجع في حسابات السلاب

اقسم بالله العظيم كان 800 جنية وفي ناس كانت بتتعين بواسطة

بلد العجايب

نصيحة سيب الشغل وشوف انت شاطر في ايه وقولنا انت شاطر في ايه وان شاء الله هاتروح شغل كويس

كنت قرات موضوعك عن الشغل و زعلت و الله علشانك , واضح انك شخص محترم و حكاية زى السلاب دى ان شاء الله ربنا هيكرمك و يعوضك عنها خير , اما انا شاطر فى ايه , فممكن شغل السكرتارية او حسابات بس حجمها ميكونش كبير و حاجات كتيرة , لكن و الله انا ما زلت فى حيرة لانى مش لاقى شغل احسن !

____________________

استاذ كايرو عندك حق فعلا فى اللى قلته ( اهلاوى صميم بقي )

**Ahmed Nouh** · 17-07-2010 01:07 AM

المشاركة الأصلية كتبت بواسطة terrible_darsh

نوح انت كده خبرة و الله , لان فعلا اكتر اتنين وحشونى هما السرير و اكل البيت ( ده انا معدتى باظت ) , انت ادتنى دفعة ايجابية بس اللى يعوقنى انى لسه بدرس بس ربنا يسهل و احاول اوفق بين الاتنين .

يا درش انا تخصص غرف عمليات , تلاقى الاوضة اتقفلت ومحدش هيشوف عياله غير لما الشغل يخلص وممنوع حد يدخل الا السكرتيرة وبتوع الديلفرى والشاى :))

انت بتقول انك بتتعلم حسابات يبقى كدا الشغل قضى غرضه وزياده صدقنى هيفرق معاك كتييير جدا فى حياتك انك تشتغل تحت الضغط ده

لما تروح شغل تانى الضغط فيه بيبقى مثلا 9 ساعات شغل واللى معاك جابوا اخرهم وانت لسه عادى واخد على كدا هتحس بقيمه الايام دى

المشاركة الأصلية كتبت بواسطة cairo2005

احمد باشا صباح الفل
انت لخبطت الراجل الاول قلت له سيب الشغل وبعدها قلت له خليك شهر ونص يعني تكون الاجازة خلصت
وكلامك بعد كدة بياكد ان درش يفضل في الشغل
بس حلوة ودع اصحابك واكل الوالدة والسرير
مش ناقص غير تقوله ودع اهلك واكتب وصيتك
هو رايح يفجر نفسه في المحل ده رايح يشتغل وهيرجع تاني

مساء العسل يا دكتور :)

لا انا ملغبتطوش والله انا اقصد يسيبه فى الدراسة لأن 13 ساعة شغل مع دراسه مستحيلة بكل المقاييس , بدل ما يحاول يجرب يعنى ويضغط على نفسه ويضيع لا قدر الله منه وقت فى الدراسة

لكن انا بقوله دلوقتى مناسب ويكمل فيه عادى طالما اساسا مفيش دراسة والوقت فراغ

ودع صحابك دى فترة الكل بيعيشها , سواء كان محاسب فى تقفيل ميزانية او كبسة ضرايب او سواء كان دكتور فى اسبوع نبطجيه الطوارئ او سواء كان حتى سواق أجرة قرب اخر الشهر وميعاد القسط او صيدلى ساعة جرد المخزن

الاعراض المشتركة صور طيفية متكررة لأكل على سفره ومش ملفوف فى اكياس بلاستيك , وسرير عليه ملايه ومخده

**ramyworm** · 17-07-2010 12:57 PM

انا رأيي يمكن يكون مختلف شوية بس انا حقولك من واقع خبرتي :
اولا : انا طالب في 3 كلية وبشتغل من اول ما خلصت 3 ثانوي
الشغل 13 او 14 ساعة مالوش اي فايدة في الحياة بالعكس ليه اضرار كتير
طبعا انت شغال في محل ف حتستفيد من التعامل مع الناس وحتعرف الدنيا ماشية ازاي والكلام ده كله حتتعلمه في شهر بالكتير اوي اكتر من كدة مش بتتعلم حاجة وحتلاقي نفسك منعزل عن الدنيا و حتعيش في جو كله جهل وحتلاقي معلوماتك العامة بقت صفر
حاول تشتغل في اي مكان 8 ساعات حلو اوي ده حينقلك خبرة التعامل مع الناس وفي نفس الوقت مش حيخليك منعزل عن الدنيا
وانا بفضل ماتشتغلش اي شغل 12 ساعة الا لو حاجة حتفيدك في مستقبلك زي انا شغال حاليا طول اليوم عشان الشغل اللي انا فيه ممكن يفيدني في مستقبلي . انما غير كدة مالوش لازمة

الموضوع: العمل اكثر من 12 ساعة يومياً ( هو ايه بالظبط ) ؟!

LinkBack

أدوات الموضوع

عرض

-

المواضيع المتشابهه

لجنة يومياً علي طريق الواحات - الرماية ..

العمل ثم العمل ثم العمل - منقول للافاده..

هنا شبرا .. دقت ساعة العمل

الكلمات الدلالية لهذا الموضوع

المفضلات

المفضلات

ضوابط المشاركة