الموضوع: My LED (RPM) Tachometer

باب اللوق

سوال رخم شويتين ...

نروح ازاى باب اللوق لما انزل من السوبر جيت فى رمسيس ؟؟؟؟

المشاركة الأصلية كتبت بواسطة kisho55555

سوال رخم شويتين ...

نروح ازاى باب اللوق لما انزل من السوبر جيت فى رمسيس ؟؟؟؟

ولا رخم ولا حاجة اول متنزل بس رمسيس اسال على اى مواصلة رايحة التحرير من هناك اسهلك المترو

أحسن لك تروح بالمترو، محطة السادات و تخرج على شارع التحرير



و أنصحك تعدي على "الجمال" الأول و هو في أول أو تاني شارع جانبي يمين من شارع التحرير، هتلاقي عنده كل حاجة

الحمد لله نزلت اشترى المكونات النهاردة بس ملحوظة صغيرة النخيلى بيقفل الساعة 8.5 مساء
جبت المكونات من انور الجمال عشان فاتح لحد الساعة 10 مساء

بس وقعت فى مشكلة صغيرة lm2917 فية منة 8 اطراف و 14 طرف

وانا كاتب فى الورقة lm2917 فالراجل ادانى الب8 اطراف هرجع بكرة للمحل واشوف هل هينفع ارجعة ويدينى الب14 طرف ولا مفيش استبدال واستعوض ربنا
حاجة متعبة اوى الصراحة انك تفضل تلف باب اللوق كلها على مكثف وفى الاخر متلقهوش
لفيت باب اللوق بعد ما النخيلى قفل على المكثف 1mf pol وفى الاخر واحد ادانى مكثف 1ميكرو فراد الكتروليتى وقالى معنديش غير دة قلتلة مش هنبوظ الدايرة على معلقة ملح هاتة نجربة ولسة مكملتش الدايرة

الحاجة التخنقك بقة ان برة الحجات دى مخصص ليها مواقع على الانترنت بتبعها وتكلمهم يجبهالك لحد المكان النتا فية وبيعرضو الحجات العندهم على النت


عندنا تدخل المحل تلاقى الراجل بياكل تقلة عايز المكثف الفلانى المقاومة الفولانية يقولك اتفضل
طبعا اتفضل كل مش المكثف يعنى الراجل هيقوم من على الاكل ويشوف شغلة برضة يقولك خلاص روح وتعالى ربع ساعة اكون خلصت طبعا خلصت اكل مش خلصت ودورتلك على المكثف او المقاومة

تدخل محل تانى يقولك ثوانى ادورلك علية

نقطت يدورلك علية دى يبقا حاجة من التنين يا اما
يفضل طالع نازل يبص فى الادراج العندة على المكونات
او فى ناس تانية (متطورة شوية)يفتح كشكول كدة عندة ويفضل يدور بين صفحاتة تقولة طب ممكن ادور معاك يقولك لا دى الحجات دى فى منها ارقام كتيييييييييييييييير واكتر من حاجة مش هتعرفهم انتا تقولة طب ورينى ممكن اطلع للدايرة بتاعتى بديل يقولك لا طب اصوره يعمى بالموبايل عشان لو احتجت حاجة تانى مفضلش الف على المحلات يقولك لا


احلى حاجة بقا لو جتلهم متاخر يقولك خلصنى عشان الوقت اتاخر وعايزين نقفل ودة الحصلى النهاردة من السربعة معرفتش احدد مكونات الدايرة صح

والجميل والاجمل لو اشتريت حاجة يحلو وطلعت محروقة او بايظة

وبكرة بقا هكتبلكم اية البيحصل لو فكرت تغير حاجة او تستبدل حاجة من الشترتها


كل الحجات دى بقا الفهمتنى دلوقتى لية احنا مش هنافس الصين
ولو دردشنا مع مهندسين الالكترونيات هنعرف لية هما دلوقتى بيصنعو روبتات واحنا لسة مش عارفين نعمل دايرة ببيك

العايز اعرفة بس الناس البتشترك فى مسابقات الروبوكون وكدة فى الجامعات هل الجامعات بتنزلهم يلفو على المكونات فى باب اللوق ولا بتكون الحجات دى متوفرة فى الكلية وهل دكاترة الكلية بينزلو يدورو فى باب اللوق ولا بيجيبو المكونات منين

حاجة متعبة حاجة تحير
انا يمكن لو الكلام دة وصل لحد اكبر منى فى السن يقولى انت لسة صغير على الكلام دة بس كل مكبر اسال نفسى لية احنا كدة اشمعنا برة هل احنا ناقصنا حاجة عشان نكون احسن ولية حاجة زى المقاومة او المكثف مننتجهاش فى مصر لية لازم نستوردها من الصين هما فعلا بيكونو ارخص من لو حنا العملناها بس هتكون احسن ومش هتفرق كتير هى اساسا سعرها 5 قروش
وواحد من البيعين قالى مرة هتاخد اى عدد برضو بربع جنية

ولو الكلام وصل لحد فى سنى هيقولى يعم عديها هنعمل ايه يعنى احنا عارفين نركب الدايرة الصممناها لما هندور المقاومة نعملها ازاى

انا بقا ولا قولت نعمل المقاومة ولا نلف فى باب اللوق ولا حتا ننافس برة

بس عايز اعرف لية محدش يعمل موقع متخصص بالمحل بتاعه يعرض علية مش هيكون احن من انة يعمل منتدى يفضل يعرض علية الافلام الجديدة المسروقة والاغانى المسروقة و....... المكرك منها والمسروق ولا عدد المواقع دى بقا اكتر المواقع العربية

مجرد فكرة بطرحها للنقاش وبفضفض من الهم البشوفة كل مفكر انزل باب اللوق ولا اشوف دايرة جديدة على النت

تحياتى

المشاركة الأصلية كتبت بواسطة midomizo

الحمد لله نزلت اشترى المكونات النهاردة بس ملحوظة صغيرة النخيلى بيقفل الساعة 8.5 مساء
جبت المكونات من انور الجمال عشان فاتح لحد الساعة 10 مساء

بس وقعت فى مشكلة صغيرة lm2917 فية منة 8 اطراف و 14 طرف

وانا كاتب فى الورقة lm2917 فالراجل ادانى الب8 اطراف هرجع بكرة للمحل واشوف هل هينفع ارجعة ويدينى الب14 طرف ولا مفيش استبدال واستعوض ربنا
حاجة متعبة اوى الصراحة انك تفضل تلف باب اللوق كلها على مكثف وفى الاخر متلقهوش
لفيت باب اللوق بعد ما النخيلى قفل على المكثف 1mf pol وفى الاخر واحد ادانى مكثف 1ميكرو فراد الكتروليتى وقالى معنديش غير دة قلتلة مش هنبوظ الدايرة على معلقة ملح هاتة نجربة ولسة مكملتش الدايرة
:b4_564::b4_564:
الحاجة التخنقك بقة ان برة الحجات دى مخصص ليها مواقع على الانترنت بتبعها وتكلمهم يجبهالك لحد المكان النتا فية وبيعرضو الحجات العندهم على النت


عندنا تدخل المحل تلاقى الراجل بياكل تقلة عايز المكثف الفلانى المقاومة الفولانية يقولك اتفضل
طبعا اتفضل كل مش المكثف يعنى الراجل هيقوم من على الاكل ويشوف شغلة برضة يقولك خلاص روح وتعالى ربع ساعة اكون خلصت طبعا خلصت اكل مش خلصت ودورتلك على المكثف او المقاومة

تدخل محل تانى يقولك ثوانى ادورلك علية

نقطت يدورلك علية دى يبقا حاجة من التنين يا اما
يفضل طالع نازل يبص فى الادراج العندة على المكونات
او فى ناس تانية (متطورة شوية)يفتح كشكول كدة عندة ويفضل يدور بين صفحاتة تقولة طب ممكن ادور معاك يقولك لا دى الحجات دى فى منها ارقام كتيييييييييييييييير واكتر من حاجة مش هتعرفهم انتا تقولة طب ورينى ممكن اطلع للدايرة بتاعتى بديل يقولك لا طب اصوره يعمى بالموبايل عشان لو احتجت حاجة تانى مفضلش الف على المحلات يقولك لا


احلى حاجة بقا لو جتلهم متاخر يقولك خلصنى عشان الوقت اتاخر وعايزين نقفل ودة الحصلى النهاردة من السربعة معرفتش احدد مكونات الدايرة صح

والجميل والاجمل لو اشتريت حاجة يحلو وطلعت محروقة او بايظة:n_no[1]:

وبكرة بقا هكتبلكم اية البيحصل لو فكرت تغير حاجة او تستبدل حاجة من الشترتها


كل الحجات دى بقا الفهمتنى دلوقتى لية احنا مش هنافس الصين
ولو دردشنا مع مهندسين الالكترونيات هنعرف لية هما دلوقتى بيصنعو روبتات واحنا لسة مش عارفين نعمل دايرة ببيك

العايز اعرفة بس الناس البتشترك فى مسابقات الروبوكون وكدة فى الجامعات هل الجامعات بتنزلهم يلفو على المكونات فى باب اللوق ولا بتكون الحجات دى متوفرة فى الكلية وهل دكاترة الكلية بينزلو يدورو فى باب اللوق ولا بيجيبو المكونات منين

حاجة متعبة حاجة تحير
انا يمكن لو الكلام دة وصل لحد اكبر منى فى السن يقولى انت لسة صغير على الكلام دة بس كل مكبر اسال نفسى لية احنا كدة اشمعنا برة هل احنا ناقصنا حاجة عشان نكون احسن ولية حاجة زى المقاومة او المكثف مننتجهاش فى مصر لية لازم نستوردها من الصين هما فعلا بيكونو ارخص من لو حنا العملناها بس هتكون احسن ومش هتفرق كتير هى اساسا سعرها 5 قروش
وواحد من البيعين قالى مرة هتاخد اى عدد برضو بربع جنية

ولو الكلام وصل لحد فى سنى هيقولى يعم عديها هنعمل ايه يعنى احنا عارفين نركب الدايرة الصممناها لما هندور المقاومة نعملها ازاى

انا بقا ولا قولت نعمل المقاومة ولا نلف فى باب اللوق ولا حتا ننافس برة

بس عايز اعرف لية محدش يعمل موقع متخصص بالمحل بتاعه يعرض علية مش هيكون احن من انة يعمل منتدى يفضل يعرض علية الافلام الجديدة المسروقة والاغانى المسروقة و....... المكرك منها والمسروق ولا عدد المواقع دى بقا اكتر المواقع العربية

مجرد فكرة بطرحها للنقاش وبفضفض من الهم البشوفة كل مفكر انزل باب اللوق ولا اشوف دايرة جديدة على النت

تحياتى

يا باشا العيب مش فى النظرية، العيب فى التطبيق


ومتزعلش نفسك، اكيد هيجى اليوم اللى تفرج فيه، مش اول مرة يبقى حال البلد بالشكل دة

midomizo عاوز اقولك عاااااااااااادى انا سبت الاليكترونيات وشغلها بسبب الى انت بتشتكى منه ده كله

عاوز اقولك ان زمان مش زمان اوى فى التسعبنات مثلا كان فيه محلات كتييييييييير لقطع الغيار والمكونات لكن دلوقتى عليه العوض

اصلا لو تلاحظ حتلاقيهم كلهم قلبو النشاط اما بيبيعو دش ومستلزماته وريسيقرات او كمبيوتر ومستلزماته انما اليكترونيات بحححححح خلص ومفيش منه تانى

يبقى اقولك اخر حاجه تسببلك احباط ان الماده الخام الى متصنع منها اغلب المكونات الالكترونيه والمقاومات بيستوردوها من عندنا فى مصر والدول الفقيره الى زينا
ويصدرهولنا ونشتريها منهم تانى

بالنسبة lm2917 عادي هتبدلها و تجيب ال 14 طرف. أنا مرة رجعت له IC بعد ما اشتريتها و خدت فلوسها بس ما كنتش لمستها

بالنسبة للمكثف 1mf انت لو بصيت للدائرة اللي عملتها هتعرف أنا عملت فيها إيه عشان المشكلة دي (لأني مالقيتش المكثف ده برضه)



جبت 8 مكثفات قيمة الواحد منهم 100 نانو فاراد و وصلتهم على التوازي يبقى عندك 800 نانو فاراد أو 0.8 ميكرو فاراد و اشتغل 100% كأنك مركب 1 ميكرو فاراد. ما تبقاش حنبلي يعني

الاول تسلم ايدك يا دكترة على الشغل الجامد دة
هوة دة الشغل بصحيح

ثانيا
صباح الفل يا ميسو
صباح الفل يا midomizo

قلة يا عم ميسو مايزعلش قوى كدة وبراحة على نفسك يابنى احنا مش هانلاقيك تانى صحتك وبعدين دة انت تعبت من كام مرة نزلت تدور امال ميسو الى بقالة من زمان شغال فى الموضوع دة وطلع عينة لحد ماساب الموضوع خالص

بس تعرف دة كدة كويس قوى حمادة بتاع الالكترونيات الى فى اسكندرية والله كتر خيرة دة انا ناقص شوية واخلية يهج من المحل خالص وحياتك مابطلع من عندة الا لما اكون عارف راسى من رجلى وبصراحة عندهم ناس شغالين وعندهم ضمير فى هناك واحدة ست ما شاء الله دماغها اية ياجدعان دفتر ابقى مش عارف الحاجة بالظبط وتلقط منى المعلومة والاقيها رصتلى الى ممكن ينفع ربنا يكرمها يارب
ومرة كنت عايز اجيب الموسفيت بتاع لمبة الديلاى وقعدت ادور على النت ورحتلهم قالتلى انت عايزة يتحمل كام امبير من الاخر وقالتلى فى كذا وكذا وطلعتلى من على برنامج على الكمبيوتر بدايل وكل موسفت بالامبير بتاعة واسعارهم

وفى عندهم شابين يا ستار يبقى ناقص يتف فى وش الواحد لو انت مش متاكد من الى انت عايزة بقولة طب بديل القطعة دى اية يقولى هوة انا الى هاقولك
امال مين يا عم الحاج انت الى بروفشنال مش انا انت الى عندك برنامج بدايل ماتشوفهولى يقولى لا مش فاضى حضرتك دور وابقى قلى وانا اشوفة موجود ولا لا
احلى حاجة بقى تعملها مع الناس دى انك تكلمة فى التليفون الاول وتسالة وخلاص بدل ماتوجع دماغك لف عليهم

بصحيح يا midomizo عملت اية فى (المادتين )