My LED (RPM) Tachometer

**abo_hosni** · 22-07-2010 08:05 AM

المشاركة الأصلية كتبت بواسطة newhansol

مش بقولك يا دكترة شغل عالى احب انا الناس الى بتشغل دماغها وتوصل للمطلوب
ربنا يكرمك
اخلص بس من ام الامتحانات واعمل الدايرة دى لانى شوفتها قبل كدة ولما شوفت ال lm2917 قلت طبعا مش هلاقيها فى البلد كالعادة والراجل يفضل فاتح بئة لما تسالة على حاجة بديل ليها
انما حضرتك اثبت بالدليل انة لسة فى امل

منور يا كبير، على فكرة أنا شفت مواضيعك من زمان بتاع عدادات ال 128 و بتاع delay بتاع لمبة الصالون (وجبت مكونات دايرة الديلاي على فكرة يوم ما اشتريت مكونات الدائرة دي)

احنا لو جمعنا بعض كلنا و عملنا قعدة هنطلع بشغل عالي جداً على فكرة

**newhansol** · 22-07-2010 08:26 AM

المشاركة الأصلية كتبت بواسطة abo_hosni

منور يا كبير، على فكرة أنا شفت مواضيعك من زمان بتاع عدادات ال 128 و بتاع delay بتاع لمبة الصالون (وجبت مكونات دايرة الديلاي على فكرة يوم ما اشتريت مكونات الدائرة دي) :f_eyeb1[1]:
احنا لو جمعنا بعض كلنا و عملنا قعدة هنطلع بشغل عالي جداً على فكرة

دة نورك يا باشا
والله فكرة نعمل مختبر نايل موتورز للتجارب العملية
المشكلة فى الامكانيات بس مش اكتر
باذن الله هاعمل الدايرة دى على الايجل واعملها برنت علشان الى عندة مفيش مكان فى التابلو يقدر يخليها برة التابلو وتبقى الليدات متوصلة بس جوة لوحدها
وفعلا عندك حق البيجو كلها مخابء
انما ال 28 انت قاعد جواها بالعافية
ربنا يسهل

**Most_H** · 22-07-2010 08:53 PM

انا جبت الحاجة الحمد لله

عملت معايا حاجة وخمسين

**midomizo** · 23-07-2010 03:13 AM

المشاركة الأصلية كتبت بواسطة Most_H

انا جبت الحاجة الحمد لله

عملت معايا حاجة وخمسين

غريبة اصل اشتريت كل المكونات الخاصة بالدايرة من انور الجمال عملت فى حدود 35 جنية

**midomizo** · 23-07-2010 03:16 AM

الحمد لله جبت كل المكونات الخاصة بالدايرة

ركبتهم مشتغلوش وولا ليد نور لما وصلت الكهربا

جربت اوصلها على دايرة اختبار العداد الكانت معمولة فى موضوع الدجيتال ار بى ام برضو مشتغلتش اصل الدايرة مكوناتها كتير واكيد فية حاجة مش واصلة صح

بكرة باذن الله اكمل واقولكم اخر النتايج

**abo_hosni** · 23-07-2010 06:24 AM

أنا عارف أنه إحساس رخم جداً، لكن أبسط سبب لعدم عمل الدائرة هو وجود أي جزء غير ملحوم جيداً
حاجة تانية ممكن تكون عملت short circuit بالخطأ في أي حتة خاصة لو منطقة ضيقة فيها لحامات كتير، أحياناً احتجت أفصل بين اللحامات بقطعها بمشرط، و ممكن تقطع في النحاس نفسه بمشرط و تفصل أي جزء منه
بعدها راجع على كل حاجة من أول الدائرة لآخرها و هتلاقيها حاجة بسيطة

**misoalex** · 23-07-2010 07:08 AM

المشاركة الأصلية كتبت بواسطة abo_hosni

أنا عارف أنه إحساس رخم جداً، لكن أبسط سبب لعدم عمل الدائرة هو وجود أي جزء غير ملحوم جيداً
حاجة تانية ممكن تكون عملت short circuit بالخطأ في أي حتة خاصة لو منطقة ضيقة فيها لحامات كتير، أحياناً احتجت أفصل بين اللحامات بقطعها بمشرط، و ممكن تقطع في النحاس نفسه بمشرط و تفصل أي جزء منه
بعدها راجع على كل حاجة من أول الدائرة لآخرها و هتلاقيها حاجة بسيطة

كلام سليم جدا

راجع على التوصيلات كويس
واحب اضيف حاجه للناس عشان تاخد بالها منها ومتقولش العيب فى قطع الغيار

ال ic's ليها درجه حراره قصوى لابد من الحذر الشديد عند التعامل معها واللحام بتاعها
يعنى خصوصا لو انت بتستخدم مكوه 60 وات وتطول اكتر من دقيقه وانت بتلحم الرجل يبقى عقبال متوصل لاخر رجل فى الic قول يارحمن يارحيم عليه وانسى انه يشتغل تانى

يعنى حاول وانت بتلحم الرجل متحطش المكوه اكتر من 5ر ثوانى بالكتير على الرجل الواحده

او لو حد مش متمكن اشترى قاعده ic بلاستك ب 25 قرش تقريبا والحمها عادى كأنها ic وبعد كده ركب ال ic عليها
وكده كمان تقدر تشيل وتحط ال ic فى ثوانى لو اتحرق بعد فتره مثلا ولا حاجه

**misoalex** · 23-07-2010 07:16 AM

المشاركة الأصلية كتبت بواسطة newhansol

الاول تسلم ايدك يا دكترة على الشغل الجامد دة
هوة دة الشغل بصحيح

ثانيا
صباح الفل يا ميسو
صباح الفل يا midomizo

قلة يا عم ميسو مايزعلش قوى كدة وبراحة على نفسك يابنى احنا مش هانلاقيك تانى صحتك وبعدين دة انت تعبت من كام مرة نزلت تدور امال ميسو الى بقالة من زمان شغال فى الموضوع دة وطلع عينة لحد ماساب الموضوع خالص

بس تعرف دة كدة كويس قوى حمادة بتاع الالكترونيات الى فى اسكندرية والله كتر خيرة دة انا ناقص شوية واخلية يهج من المحل خالص وحياتك مابطلع من عندة الا لما اكون عارف راسى من رجلى وبصراحة عندهم ناس شغالين وعندهم ضمير فى هناك واحدة ست ما شاء الله دماغها اية ياجدعان دفتر ابقى مش عارف الحاجة بالظبط وتلقط منى المعلومة والاقيها رصتلى الى ممكن ينفع ربنا يكرمها يارب
ومرة كنت عايز اجيب الموسفيت بتاع لمبة الديلاى وقعدت ادور على النت ورحتلهم قالتلى انت عايزة يتحمل كام امبير من الاخر وقالتلى فى كذا وكذا وطلعتلى من على برنامج على الكمبيوتر بدايل وكل موسفت بالامبير بتاعة واسعارهم

وفى عندهم شابين يا ستار يبقى ناقص يتف فى وش الواحد لو انت مش متاكد من الى انت عايزة بقولة طب بديل القطعة دى اية يقولى هوة انا الى هاقولك
امال مين يا عم الحاج انت الى بروفشنال مش انا انت الى عندك برنامج بدايل ماتشوفهولى يقولى لا مش فاضى حضرتك دور وابقى قلى وانا اشوفة موجود ولا لا
احلى حاجة بقى تعملها مع الناس دى انك تكلمة فى التليفون الاول وتسالة وخلاص بدل ماتوجع دماغك لف عليهم

بصحيح يا midomizo عملت اية فى (المادتين )

سايبك براااااااحتك عشان تخلص الامتحانات
ولازم تسيح للراجل وتحط كلمه المادتين بالبنط العريض وبين قوسين

سيب الراجل فى حاله

بس ياعصام متنكرش برضه ان حماده عمره محيكون زى النخيلى وغيره فى القاهره ده هناك فيه عمالقه

وزمان فى محطه الرمل والملك حفنى كان عنندنا عمالقه برضه لكن كان زمان بقى خلاص

**Most_H** · 23-07-2010 09:00 AM

المشاركة الأصلية كتبت بواسطة midomizo

غريبة اصل اشتريت كل المكونات الخاصة بالدايرة من انور الجمال عملت فى حدود 35 جنية

منا عارف انى انضحك عليا فى حاجة، بس فى انى محل بالظبط، مش عارف

**Most_H** · 23-07-2010 05:21 PM

دة تصميم مبدأى للـCover واللى ان شاء الله هحطها فى ساعة التابلوة

موديل العربية أكسيل 1997

والحمد لله، من غير ساعة

كنت بفكر احط فى وسط الدائرة اللى على اليمين، ليداية حمرا 7مم ولا 10مم كدة، تنور عند RPM معين، 5000 مثلا

محدش يعرف ازاى؟؟؟

Uploaded with ImageShack.us

يا ريت اسمع آراكم :)

الموضوع: My LED (RPM) Tachometer

LinkBack

أدوات الموضوع

عرض

-

-

-

-

-

-

-

-

-

-

المواضيع المتشابهه

الاستفادة من عداد rpm او tachometer

الكلمات الدلالية لهذا الموضوع

المفضلات

المفضلات

ضوابط المشاركة