My LED (RPM) Tachometer

**abo_hosni** · 23-07-2010 06:52 PM

المشاركة الأصلية كتبت بواسطة misoalex

كلام سليم جدا

راجع على التوصيلات كويس
واحب اضيف حاجه للناس عشان تاخد بالها منها ومتقولش العيب فى قطع الغيار

ال ic's ليها درجه حراره قصوى لابد من الحذر الشديد عند التعامل معها واللحام بتاعها
يعنى خصوصا لو انت بتستخدم مكوه 60 وات وتطول اكتر من دقيقه وانت بتلحم الرجل يبقى عقبال متوصل لاخر رجل فى الic قول يارحمن يارحيم عليه وانسى انه يشتغل تانى

يعنى حاول وانت بتلحم الرجل متحطش المكوه اكتر من 5ر ثوانى بالكتير على الرجل الواحده

او لو حد مش متمكن اشترى قاعده ic بلاستك ب 25 قرش تقريبا والحمها عادى كأنها ic وبعد كده ركب ال ic عليها
وكده كمان تقدر تشيل وتحط ال ic فى ثوانى لو اتحرق بعد فتره مثلا ولا حاجه

تمام كده، و يا ريت ماحدش يعمل زي اللي حالف يخلص لحامات أرجل الأي سي كلها مرة واحدة. يعني إلحم رجل أو اثنين بعدين روح الحم لك مقاومة و مكثف مثلا و ارجع تاني للأي سي على ما تكون بردت

و عندك حاجة هتسخن طول ما انت شغل الدائرة و هي منظم الفولت 7909 و هو في الدائرة دي (لأن الدروب في فرق الجهد مش كبير+ سحب التيار ضعيف) بيكون "دافئ" عمره ما سخن مني لكن احتياطاً هتركب فيه ريش ألمونيوم للتبريد heat sink يعني، بتركب بمسمار قلاووظ و ممكن تلاقيها عندك في أي كمبيوتر قديم أو باور سبلاي بايظ، تقص حتة و تركبها. راجع صور قبل التركيب
http://img.diytrade.com/cdimg/64131/.../Heat_Sink.jpg

المشاركة الأصلية كتبت بواسطة Most_H

دة تصميم مبدأى للـCover واللى ان شاء الله هحطها فى ساعة التابلوة

موديل العربية أكسيل 1997

والحمد لله، من غير ساعة

كنت بفكر احط فى وسط الدائرة اللى على اليمين، ليداية حمرا 7مم ولا 10مم كدة، تنور عند RPM معين، 5000 مثلا

محدش يعرف ازاى؟؟؟

Uploaded with ImageShack.us

يا ريت اسمع آراكم :)

جميل جداً، و بما أنك هتطبع عند الاستديو يبقى تعمل حاجتين و انت على الفوتوشوب هات المسطرة و تحدد مقاس العداد زي ما هترفع مقاسه من العربية بالمللي و كمان تجيب Edit---->resize image:
1- تضبط ال resolution على حاجة عالية مثلا 300pixels/inch
2- تغير مقاس الصورة إلى 10X15 سنتيمتر
و ساعة الطباعة هتبقى مقاسها زي ما انت عايز بالضبط

بالنسبة للمبة اللي انت عايزها تنور مستقلة لما ال RPM يعدي حاجة معينة "Shift light يعني" فدي يا سيدي ممكن تحطها في أي حتة، و ممكن تخليه كذا لمبة مش واحدة بس، أعرف واحد عاملها على مراية الصالون في 504 و بنفس الدائرة دي، التوصيل يا سيدي هتاخدها على التوازي مع اللمبة اللي بتور عند 5000 مثلاً يعني الرجل بتاعة الأي سي في الدائرة دي هتشغل لمبتين. لو الموضوع ما عجبكش خليها لوحدها لمبة واحدة يعني و شد سلك و ركبها في أي حتة

**Most_H** · 23-07-2010 07:22 PM

المشاركة الأصلية كتبت بواسطة abo_hosni

جميل جداً، و بما أنك هتطبع عند الاستديو يبقى تعمل حاجتين و انت على الفوتوشوب هات المسطرة و تحدد مقاس العداد زي ما هترفع مقاسه من العربية بالمللي و كمان تجيب Edit---->resize image:
1- تضبط ال resolution على حاجة عالية مثلا 300pixels/inch
2- تغير مقاس الصورة إلى 10X15 سنتيمتر
و ساعة الطباعة هتبقى مقاسها زي ما انت عايز بالضبط

بالنسبة للمبة اللي انت عايزها تنور مستقلة لما ال RPM يعدي حاجة معينة "Shift light يعني" فدي يا سيدي ممكن تحطها في أي حتة، و ممكن تخليه كذا لمبة مش واحدة بس، أعرف واحد عاملها على مراية الصالون في 504 و بنفس الدائرة دي، التوصيل يا سيدي هتاخدها على التوازي مع اللمبة اللي بتور عند 5000 مثلاً يعني الرجل بتاعة الأي سي في الدائرة دي هتشغل لمبتين. لو الموضوع ما عجبكش خليها لوحدها لمبة واحدة يعني و شد سلك و ركبها في أي حتة

انا فعلا عاملها نفس المقاس اللى انا عوزة (12*4 سم)
بس رزليوشن 300 بكسيل فى الـ سم

وانا فكرت فى انى فعلا اخد من رجل الاى سى بتاعت اللمبة ال 5000 وصلة توازى

بس كنت عاوز اتأكد

**max_ziro** · 24-07-2010 12:00 AM

بجد تسلم ايدك ..

**kisho55555** · 26-07-2010 05:45 PM

والله شغل جميل .. انا متابع معاكوا ..

وفى شوية حاجات فى دماغى زى فوانيس ليدات وحاجات زى كدا .. هعمل التصميم واقول لكوا ..

بس اخلص الاول من موضوع التكييف ..

**newhansol** · 27-07-2010 08:47 AM

دى صورة للدايرة بالريجيوليتور وال lm2917
والخارج منها طرفين واحد للبن رقم 5 وواحد للبن رقم 3 فى ال lm3914

الصورة الى فوق دى مش هاينفع تنطبع طبعا كدة
الرابط دة فية ملف بامتداد brd & sch
هانفتحهم على برنامج الايجل ونعمل برنت من البرنامج نفسة

led tachometer.brd

led tachometer.sch

معلش يا midomizo دى حاجة على السريع كدة لحد ما افضى بس يومين كدة
ادعيلى بقى عندى امتحان انهاردة
بالنسبة للدايرة التانية الى هايبقى فيها الليدات والاى سى ابقى اتاكد هاتعملهم اخر كلام فى علبة الكانز ولا اية
وابقى ابعتلى حجم البوردة تقريبا قد اية