الموضوع: رينو فلوانس - سكودا فنتازيا

المشاركة الأصلية كتبت بواسطة esslynx

هى مش فكره سعر الفكره انه فى نفس الفئه عربيه بتنزل ارخص من عربيه و بره فرق السعر بين الاتنين اقل من 1000 يورو و بالنسبه للسوق المصرى فى حاجات كتير غلط و عربيات محترمه جدا مطحونه فيه و عربيات كارو بتعمل مبيعات فلكيه او بعدين طول عمر رينو بتلعب على حكايه السعر و تقدر تشوف الريقيوهات و التقييمات بتاعت العربيات الرينو فى اى مكان ان بس اللى عظنى انها تتقارن بالكورى يعنى صباح عدم التمييز و للمره المليون يا جماعه اللى ينصح ينصح عن معرفه مش سمع و بصراحه برضه انا شايف انه قسم المقارنات بقى لكل من هب و دب و اى حد يبيدهل يرمى كلمتين و نصيحه تانيه اللى عايز يقارن يقارن بنفسه يسأل الملاك فى كل قسم بدل ما يقابل معسكر الافتاء و شكرا.

للاسف حضرتك السعر هو اول حاجه بتقيد الناس فى السوق بتاعنا بالذات وهو الاساس عكس اوروبا والخليج لان الظروف هنا زى ما حضرتك تعرف مختلفه
وانا معاك ان الرينو افضل من الكورى بس السوق كدا واكبر دليل عربيات زى الفورد فوكاس والاوبل الجديد والامبريزا مظلومين فى حين ان الكيا والهونداى عاملين مبيعات كبيره وبسعر قريب وساعات متقارب.
المهم متزعلش نفسك واختلاف الراى لا يفسد للود قضيه
ه وفرصه سعيده ياباشا اننا اتناقشنا

المشاركة الأصلية كتبت بواسطة esslynx

اكيد طبعا حضرتك انا عارف و علشان كده رينو افضل لانه كسياسه تسويق التوكيل هنا احسن و و مكسبه اقل من ناس كتير بس بيبيع اكتر و غير كده هو اللى بيحدد السعر الضرايب و الجمارك اللى تقريبا واحده بس مثلا وكيل مينى بيبيع العربيه ب 250 الف و هى تمنها 13000 استرلينى مثلا مكسب فوق ال 70 -80 الف و نفس الموضوع على وكيل فولكس و سكودا العمليه جشع مش اكتر و علشان كده الناس بتجيب العربيه من بره و تجمرك افضل من التوكيلات و انا طبعا مش زعلان بس هى النصيحه لله مش اكتر و انا مبسوط انى كلمت حضرتك

أنا معاك في موضوع العربية ميني وكيلها بيستهبل قوي وزي ماانت ما قلت بيكسب فيها 80 الف جنيه على الأقل لأن سعرها هنا في حدود 15 او 16 الف يورو بس عفوا ده مش صحيح بالنسبة لفولكس وسكودا لأن الفنتازيا الأتوماتيك الفول اوبشن في المانيا بتعدي 19الف يورو طب فين تكلفة الجمرك والشحن وهامش الربح ، الموضوع فيه حاجة غلط بس بالعكس والشيء نفسه للباسات انا عندي باسات كومفورت لاين وواقفة عليا بعد ما زودت بعض الأوبشنز والنافيجيشن لحوالي 30 الف يورو وادي اللنك لسعر العربية في المانيا
Volkswagen Konfigurator

حتلاقي السعر الأساسي للعربية الأتوماتيك ال 1400 سي سي 28325 يورو وده على فكرة من غير اي اضافات زي النافيجيشن والأي درايف والميموري ، يعني تمن العربية واقف عليا بسعر النهاردة لليورو قدام الجنيه 220 الف جنيه مع جمرك 100 الف جنيهاو اكتر يبقى تمنها 320 الف جنيه ودي كومفورت لاين مش هاي لاين زي اللي في مصر ، طبعا فيه حاجة غلط لأني لو نزلت بعربيتي مصر تبقى واقفة عليا 50 الف جنيه اغلى من تمن الهاي لاين في مصر ، اكيد الفولكس اللي بتنزل مصر فيها إنااااااا كبيرة بس معنى كلامك يبدي ايحاء ان الفولكس عربية رخيصة برة ووكيلها عاملها سعر في مصر انا شايف العكس ان وكيلها مهزأها في مصر عشان يعيش ويتافس البي ام والمرسيدس وياخد حصة منهم خصوصا ان الاتنين ييتجمعوا في مصر لو بتتكلم على المرسيدس والبي ام بالمواصفات الألمانية مش اللي بتنزل مصر او بتتجمع فيها حيعملوا مبالغ اكتر من من المبالغ الموجودة حاليا في السوق المصري مع الجمرك وهامش الربح