الموضوع: رينو فلوانس - سكودا فنتازيا

المشاركة الأصلية كتبت بواسطة MITSUKERO

سوفت وير الشركة ايه يا استاذ !!! انا بتكلم عن السوفت وير بتاع العربية اكيد يعني مش بتاع الشركة !! ده من اسواء السوفت وييرز في العالم اساسا هو و بتاع البيجو و مش هجيب دليل ههههه و مش مهم تصدق لانك خلاص اشتريت و امرك الي الله

والله حضرتك الي قولت كدا مش انا هو انت نسيت كمان انت قولت ايه؟؟؟؟؟ وادي نص المشاركة ومحطوط خط على الكلام الي انا علقت عليه لو كنت نسيت

المشاركة الأصلية كتبت بواسطة MITSUKERO

اولا : انا ليا اصحابي شغالين في شركة فرنسية مسؤله عن تصميم السوفت ويير الخاص بشركة رينو و بيصمموا السوفت وير بنفسهم و بيختبروه بنفسهم و هم مصريين بالمناسبة

ويا ريت اي حد يقرا الكلام دا يقولنا فهم ايه؟؟؟؟ يمكن انا فهمت غلط ولا حاجه!!!!
وبعدين سوفت وير الفتيس بتاع شركة بيجو (شركة بيجو الي بتعمله)

اما بتاع شركة رينو فمعلش انا عارف مين الشركة الي بتعمله

بس واضح انك عارف اكثر مني فا ياريت حضرتك تقولي مين الشركة دي عشان اتأكد بس من المعلومات الي عندي طالما اصدقائك شغالين في الشركة دي وهما الي بيعموا السوفت وير دا بنفسهم (وانا كده عرفت السوفت وير سبب المشاكل الي فيه مين)

المشاركة الأصلية كتبت بواسطة MITSUKERO

بالنسبة لفتيس الميجان : طبعا مش محتاج لجيبلك ارقام شاسيهات عربيات اصحابي

لا معلش هاتهم انا عارف اني هاتعبك شويه بس كمان علشان الناس الي عاوزه تشتري ميجان برده تبقى عارفه
وانا عن نفسي ليا صديق مهندس في توكيل العبور هاديله ارقام الشاسيهات واخليه يجبلي تقرير عنهم يمكن يطلع كلامك صح وانا الي مش عارف حاجه
انا مستني ارقام الشاسيهات بعد اذنك!!!!!!

المشاركة الأصلية كتبت بواسطة MITSUKERO

و اللي اخرهم واحد اسمه عبد الرحمن اه والله اسمه عبد الرحمن عربيته موديل 2008 و الفتيس اتحرق كللللللللله

(على فكره انا ياما سمعت اشعات كتير عن الميجان وعربيات تانيه مختلفه بس بصراحة دي اول مرة في حياتي اسمع عن فتيس اتحرق وهل دا كان بسبب ماس كهربائي ولا حد دلق عليه بنزين وولع فيه) واضح انك بتهظر طبعاً

المشاركة الأصلية كتبت بواسطة MITSUKERO

بعد 5000 كيلو بس ده اخر الضحايا ده غير نسيبي و ابن عمتي و عم واحد صاحبي و كتييييييييير الفتيس كله باظ مش سوفت ويير بتاع الشيفتيج اللي انت بتشرحهولي مشكورا ههههه و بالنسبة للضمان بتاع الفتيش : لو ادوك ضمان 200 الف كيلو و كل 50 الف هتغير فتيس يبقي ايه الوضع ؟

اعتقد مافيش شركة في العالم كله تقدر تدي ضمان 100 الف على فتيس بيتغير كل 5000 كم أو حتى 50000 كم (دا على كلام حضرتك) ,إلا كان زمنها قفلت من اول 500 عربيه باعتهم

المشاركة الأصلية كتبت بواسطة MITSUKERO

و ده برضة مينكرشي ان الشركة نزلت العربية منغير اختبابات معينه بتتعمل علي المنتج قبل ما ينزل و كان معروف المشاكل دي كويس اوي و كنا بنسمع عنها قبل ما تنزل بسنه اه والله بسنه ههههه و الناس اشترت و بتدافع عن عربية بايظه !!!!

معقول يعني ممكن حضرتك تقولي ايه المشاكل الي ممكن تحصل كمان سنة في الجيتا الي لسه هاتنزل السنة الجاية 2012
طيب بعد اذنك ممكن تقولهالي علشان انا بفكر فيها فعلاً وكنت هاخلي عربيتي للمدام

المشاركة الأصلية كتبت بواسطة MITSUKERO

اللوجان : عربية كان الهدف من انتاجها انتاج عربية لا يتعدي ثمنها 5000 يورو لذلك تم الاستعانه بجميع التكنولوجيا القديمه اللي مبقاش يندفع فيها فلوس عشان حق الاستخدام . ده اول سطر في الداتا شييت بتاع العربية اللي كان جاي عشان نبتدي شغل فيها !!!! و مش هتكلم تاني اصلي مش عارف حاجة و انتو اللي عارفين بقي كل حاجة عن اللوجان .

انا معاك ان اللوجان فيها بعض التكنولوجيا الي ممكن تكون قديمة نسبياً (بعد ما تطور فيها على قد ما تقدر) بس ناجحة مش فاشلة
مافيش شركة في الدنيا بتحط تكنولوجا فاشلة في عربيه حديثة هتى لو التكنولوجيا دي قديمة والعربية اقتصادية
والدليل على كلامي دا ان الشركات الصينية اخدت التكنولوجيا القديمة بتاعة شركة متسوبيشي (التكنولوجيا الناجحة مش الفاشلة) في صناعة عربياتها

المشاركة الأصلية كتبت بواسطة MITSUKERO

كفاية كده بس هو فعلا الاستاذ اللي انا مقتبس منه معترض اني بقول ان قطع غيارها غاليه خلاص هي قطع غيارها رخيصه و انت رايح التوكيل يا كل مالك لرينو ابقي خد لاب توب معاك و اقتح الموضوع ده و احلفلهم ان العربية قطع غيارها رخيصة و هم علي طول هيدوك قطع غيار رخيصة

انا على فكره ما قولتش خالص ان قطع غيارها رخيصة مش عارف حضرتك بتجيب الكلام دا منين؟؟؟
بس للعلم كل قطع غيار الاوربي غاليه ممكن حضرتك تشوف اسعار قطع غيار الجيتا مثلاً أو بيجو 307

المشاركة الأصلية كتبت بواسطة MITSUKERO

و برضة بتخسر فلوس في اعادة البيع

حضرتك ممكن تنزل سوق السيارات يوم الجمعة وتشوف السكودا A5 والاوبل استرا بتتباع بكام وممكن تبص في اهرام الجمعة البي ام الفئة الثالية موديل 2008 و 2009 كمان بتتباع بكام ويا ريت بعد ما تشوف الاسعار الي العربيات دي بتتتباع بيها تكتبهلنا هنا وساعتها ممكن نتكلم في سعر إعادة البيع بتاع الميجان

المشاركة الأصلية كتبت بواسطة MITSUKERO

علي فكرة كل الناس اللي اعرفهم الفتيس كله اتغير سواء في الضمان او اخر واحد دفع مبلغ كبير اوي بس مش فاكر اد ايه بس كبييييييييييييير اوي عشان كان بره الضمان

على فكره برده والله في قسم هنا لرينو والقسم دا في ناس فوق 30 شخص معاهم ميجان II بداية من موديل 2005 إلى موديل 2010وماحدش فيهم غير فتيس وممكن حضرتك تدخل وتسألهم لو عاوز فعلاً تصحح معلوماتك
إلا بقى لو كل الناس الي تعرفهم كان معاهم عربيه تانيه غير الميجان ومش عارفين هما معاهم ايه!!!!!!!!!!!!!!!!

المشاركة الأصلية كتبت بواسطة MITSUKERO

اه صحيح كمان الكمبيوتر بتاع العربية " انا طبعا مضطر اقول انه اسمه كمبيوتر بس هو مش اسمه كده خالص علي فكرة" بيبووظ برضة و ده لانه بيدخل في مرحلة معينه خلال الشغل بتحرق جزء صعب تغييره في مصر و كفاية كده لاحسن انا شكلي هتعرف انا مين ههههههههههه

يا ريت تنورنا حضترك وتشرفنا بمعرفة سيادتك وياريت ما تبخلش علينا ويبقى كتر خيرك

آه على فكره كمبيوتر العربيه اسمه ECU

المشاركة الأصلية كتبت بواسطة frhateg

الأخ /fox007
لمعلوماتك . انا لما الاقي ان العضو جديد و ملهوش الا 11 مشاركة او اقل و داخل المنتدي يسئ لعربية بعينها . لا اعيره اي انتباه .لانه غرضه بيبقي واضح . و الغريبة ان معظم اقاربه شاريين رينو و مأخذوش بنصيخته ( اخر الضحايا ده غير نسيبي و ابن عمتي و عم واحد صاحبي و كتييييييييير ) . فياريت تفوت عليه ز تسيبه يقول اللي هو عايزه .

عندك حق والله انا الي شكلى هاعمل بنصيحتك دي

دا الراجل مش عاجبوا كلام ملاك العربيه ولا الناس الي بيرشحوها
ولا حتى كلام الراجل الفاضل المحايد الي عايش في المانيا ودخل يقول شهادة حق وهي انه شاف اللوجان منتشره في المانيا

تفتكر حضرتك نقوله ايه؟!!!!!
ما فيش غير اننا نقوله
خلاص يا استاذنا حقك علينا حضرتك بتعرف في الرينو اكتر من اي حد واكثر من ملاكها كمان

وبنقول لصاحب الموضوع زي ما استاذ mitsukero بيقول بلاش رينو دي خالص علشان الفتيس بتعها بيولع لوحده وكمان الكمبيوتر بتاعها بيبوظ وما حدش بيعرف يصلحه ولا حتى التوكيل دا
وكل الناس الي ماشيه بالميجان في الشارع مايعرفوش ان معاهم عربيه ممكن فتيسها يولع بيهم وهما ماشين معلش اصلهم ما يعرفوش حاجه عنها
وربنا يوفقك في اي عربيه تعجبك غير رينو

المشاركة الأصلية كتبت بواسطة frhateg

الأخ /fox007
لمعلوماتك . انا لما الاقي ان العضو جديد و ملهوش الا 11 مشاركة او اقل و داخل المنتدي يسئ لعربية بعينها . لا اعيره اي انتباه .لانه غرضه بيبقي واضح . و الغريبة ان معظم اقاربه شاريين رينو و مأخذوش بنصيخته ( اخر الضحايا ده غير نسيبي و ابن عمتي و عم واحد صاحبي و كتييييييييير ) . فياريت تفوت عليه ز تسيبه يقول اللي هو عايزه .

حضرتك عندك حق فعلا
بس والله مقدرتش أمسك نفسي لما سمعت كلمه "ويرد إنجيكشن" دي
أصل العبد لله شغال في مجال الترجمة التقنية وكتير بترجم في ماركات عربيات مشهورة
وفي أدق التفاصيل فيها..عمرى ما شوفت ولا سمعت الكلمة دي،

المشاركة الأصلية كتبت بواسطة MITSUKERO

الناس هنا جامدين اوي بصراحة و عارفين كل حاجة عن العربية و الواحد بيفكر جديا يشتريها هههههههههههههه بس بجد انتو ناس جميلة بجد و عايزين نعملكم حفلة في المكان المناسب ههههههههههههههههههههههههه ههه

في سؤال في الوسط عايز ارد عليه انما باقي الكلام مش هرد عليه لاني مستوي ثقافتي اعلي من المستوي اللي الكلام بيتقال بيه

الشركة المصممه للسوفت وير بتاع رينو اسمها "فاليو" و مقرها في مصر في القرية الذكية في الدور الثالث في مبني شركة اتصالات و برضة بيعملوا السوفت ويير بتاع بيجو ههه بالمناسبة دي احب اقولكم اني علي المنتدي بقالي سنتين او اكتر والله ما فاكر بس مش بحب اشارك لاني مش بحب ادخل في جدل مع ناس معندهاش علم و بتتكلم من منطق الصحوبية و المجدعه !!1 و ليا واحد صاحبي قالي و انا معايا عربية مش عارف ايه و كل واحد داخل يقول اي كلام و هو مشافشي سطر كود واحد في السوفت وير بتاع العربية !!! علي كل حال الحوار انتهي و ياريت صاحب الموضوع يكون اشتري في الاخر ههههههههههههههههههه

و علي فكرة برضة الفانتازيا احلي من الميجان فعلا بغض النظر ع المهاترات اللي حصلت دي و ياريت مناخدشي الموضوع لما حد يعيب في العربية انه بيعيب فيك !! لان مش عيب تشتري عربية و يكون مضحوك عليك فيها زي الميجان بالظبط اللي رينو ضحكت علي الناس بطريقة غريبة

كفاية بقي سلام ايها الشباب الروش ههه

للأسف اسمها سيمنس وكدا اتأكدت انك ما تعرفش حاجه واحده صح عن رينو ودا كفاية اوي