الموضوع: رينو فلوانس - سكودا فنتازيا

المشاركة الأصلية كتبت بواسطة amrelserw

1)هى أوكتافيا بقت المانى من امتى (انا معلوماتى انها تشيكى) و على دا عشان الوحدة الاوربية
2)تحالف رينو -نسيان رابع أكبر مبيعات فى العالم
3)رينو بتعمل مواتير لمرسيدس بقول لمرسيدس
4)رينو يا جماعة بتلعب فى الفورميلا 1 وكسبت سنتين ورا بعد
و بعدين لو رجعت تقرير امياك للبيع فى مصر حتلقى ان اكتر مبيعات سيارة اوربية فى مصر طلع رينو

الشركه مملوكه بالكامل لفولكس والاوكتافيا فيها موتور وفتيس وشاسيه وعفشه وفرامل وتكييف وكاسيت الجولف الالمانى الصاج والتققفيل فقط تشيكى يبقى العربيه المانى تشيكى زى ما بيقولوا لان كل الاساسيات المانى بالكامل
تانى حاجه احنا مش بنتكلم عن شركة رينو خالص احنا بنتكلم عن الفلوانس ومش فاهم ايه اللى دخل الفورميلا 1 وتحالف نيسان وبعدين هو مين الاكثر انتشارا الفلوانس ام الفانتزيا؟؟؟؟؟رغم انهم مش بينافسوا بعض لانى ما شفتش فلوانس كامله خالص!!!!!!

المشاركة الأصلية كتبت بواسطة tarekfar

أنا معاك في موضوع العربية ميني وكيلها بيستهبل قوي وزي ماانت ما قلت بيكسب فيها 80 الف جنيه على الأقل لأن سعرها هنا في حدود 15 او 16 الف يورو بس عفوا ده مش صحيح بالنسبة لفولكس وسكودا لأن الفنتازيا الأتوماتيك الفول اوبشن في المانيا بتعدي 19الف يورو طب فين تكلفة الجمرك والشحن وهامش الربح ، الموضوع فيه حاجة غلط بس بالعكس والشيء نفسه للباسات انا عندي باسات كومفورت لاين وواقفة عليا بعد ما زودت بعض الأوبشنز والنافيجيشن لحوالي 30 الف يورو وادي اللنك لسعر العربية في المانيا
Volkswagen Konfigurator

حتلاقي السعر الأساسي للعربية الأتوماتيك ال 1400 سي سي 28325 يورو وده على فكرة من غير اي اضافات زي النافيجيشن والأي درايف والميموري ، يعني تمن العربية واقف عليا بسعر النهاردة لليورو قدام الجنيه 220 الف جنيه مع جمرك 100 الف جنيهاو اكتر يبقى تمنها 320 الف جنيه ودي كومفورت لاين مش هاي لاين زي اللي في مصر ، طبعا فيه حاجة غلط لأني لو نزلت بعربيتي مصر تبقى واقفة عليا 50 الف جنيه اغلى من تمن الهاي لاين في مصر ، اكيد الفولكس اللي بتنزل مصر فيها إنااااااا كبيرة بس معنى كلامك يبدي ايحاء ان الفولكس عربية رخيصة برة ووكيلها عاملها سعر في مصر انا شايف العكس ان وكيلها مهزأها في مصر عشان يعيش ويتافس البي ام والمرسيدس وياخد حصة منهم خصوصا ان الاتنين ييتجمعوا في مصر لو بتتكلم على المرسيدس والبي ام بالمواصفات الألمانية مش اللي بتنزل مصر او بتتجمع فيها حيعملوا مبالغ اكتر من من المبالغ الموجودة حاليا في السوق المصري مع الجمرك وهامش الربح

كتير اوى 28000 يورو الاسعار فى امريكا للهاى لاين26000 دولار!!! و دى 2010 وkofmort 2.0 litres ??
2010 Volkswagen Passat Reviews, Pictures and Prices - U.S. News Rankings and Reviews

يمكن المشكله فى ال VAT عند حضرتك انما هى اكيد بدون جمارك اقل من كده كمان يعنى 22-23 الف دولار غير انه كتوكيل اكيد بيأخد اسعار اقل و الله اعلم هو كمان بيجيب عربيات منين و شوف بالطريقه دى سكودا تمنها اصلا اد ايه
بس فعلا بالطريقه دى يبقى فى حاجه غلط فى التوكيلات

المشاركة الأصلية كتبت بواسطة abo samra

الشركه مملوكه بالكامل لفولكس والاوكتافيا فيها موتور وفتيس وشاسيه وعفشه وفرامل وتكييف وكاسيت الجولف الالمانى الصاج والتققفيل فقط تشيكى يبقى العربيه المانى تشيكى زى ما بيقولوا لان كل الاساسيات المانى بالكامل
تانى حاجه احنا مش بنتكلم عن شركة رينو خالص احنا بنتكلم عن الفلوانس ومش فاهم ايه اللى دخل الفورميلا 1 وتحالف نيسان وبعدين هو مين الاكثر انتشارا الفلوانس ام الفانتزيا؟؟؟؟؟رغم انهم مش بينافسوا بعض لانى ما شفتش فلوانس كامله خالص!!!!!!

ترجم يا مسعود !!!

المشاركة الأصلية كتبت بواسطة Elsarrawy

حاجه اخيره بصراحة انا ركبت الA5 والميجان 2 بصراحة الميجان اكثر متعة في القيادة

No Comment

المشاركة الأصلية كتبت بواسطة elsarrawy

يا جماعة الموضوع دا اتحسم قبل كده لصالح الفلوانس في مقارنة بينها وبين ال a5 الي هي هي الفانتازيا
لعدة اسباب اهمها:
الفلوانس جديدة كلياً اما الفانتازيا ما هي إلا face left لل a5
فرق السعر بينهم مش قليل خالص (دا انا ممكن ازود على الفرق دا شويه واجيب بيهم عربيه تانيه)
الفلوانس اكثر فخامة واقل انتشاراً علشان لسه جديدة
ماتور الفلوانس اقوى رغم ان فيتيس الفانتازيا ست نقلات والفلوانس اربعة بس دا مش فارق كتير بالمقارنة بفارق السعر لان اللي الاثنين maximum speed بتاعتهم تقريباً واحد
الثبات يكاد يكون واحد
لو الفانتازيا نازلة بالماتور التربو والفتيس dsg كنا قولنا فانتازيا لان دا بيفرق كتير جداً لكن بنفس الموتر mpi
يبقى سوري

حاجه اخيره بصراحة انا ركبت الa5 والميجان 2 بصراحة الميجان اكثر متعة في القيادة وبتليق على جميع الانواع والاعمار سواء رجال او نساء - شباب او كبار

أما بالنسبة لل a5 مش شبابية خالص ممكن ارشحا لوالدي مثلاً لانها هاديه ووقورة ونادراً لما تشوف حد بيشد بيها او بياخد غرز
ودا رأيي وربنا يوفق صاحب الموضوع في اختيار الافضله والانسبله

أوافقك الرأى بشده عن تجربه المجان فعلا أمتع فى القياده بمرااحل من الa5 و القلة عارفين ده و الكثير من الناس حافظ بيردد دى فرنساوى و دى ألمانى !!