الموضوع: رينو فلوانس - سكودا فنتازيا

هو صاحب الموضوع اختفى فين ؟؟؟؟
الناس بتاكل في بعض عشان خاطره وهو ماقلناش عمل ايه.....

هو واضح أنه فيه كلام كتير فى النص غير محايد تماماً

على العموم أنا هقول على اللى بيحصل عند تصميم شركة زى رينو أو سكودا لعربية جديدة..........و ده على حد معلوماتى اللى جزء كبير منها كان عن طريق صديقى العضو farahat .......يمكن أكون هغلط فى حاجات أو حاجات أنا فهمتها غلط........و علشان كده أنا هطلب من فرحات يدخل يقول رأيه فى الموضوع.

لما بيكون فيه عربية جديدة عند أى شركة عربيات و عاوزة تنتجها.........و بعد ما تخلص تصميم عام للعربية و مكوناتها بتبتدى تشوف الموردين المختلفين لإجزاء العربية.............هناخد جزء من العربية كمثال نكمل بيه.....و ليكن كنترول العربية نفسها.

1- الشركة بتبعت للموردين المواصفات اللى عاوزاها مع الكمية علشان كل شركة تقدم عرض أسعار........هنفترض برضه جدلاً ان الكمية 100 ألف كنترول
2- بعد لما الشركة بتوافق على مورد معين بيبتدى التصنيع حسب مواصفات شركة العربيات و بتنفيذ من المورد ( هنفترض أنه فاليو )
3- بعد لما بتخلص الكمية المطلوبة اللى هى 100 ألف كنترول و العربية لسه عليها طلب و الشركة عاوزة تنتج تانى منها......الشركة بتعيد النقطة رقم 1 تانى و بتعمل مناقصة تانى و ممكن المرة دى تختار سيمينز بدل فاليو

بمعنى أنى فيه موديلات فى ميجان ممكن تلاقى فيها كنترول فاليو و موديلات تانية ممكن تلاقى فيها كنترول سيمينز.

أخر حاجة هقولها.......أنا عارف أن فرحات مش بيحب يتكلم عن نفسه كتير........بس سامحنى يا فرحات بيك أنى أنا اللى هتكلم عنك شوية

فرحات من أكتر الناس اللى شوفتها فى حياتى فاهمة فى العربيات و خصوصاً ألكترونيات العربيات
فرحات أشتغل فى شركة من أكبر الشركات فى المجال ده عالمياً........شركة موردة مش مصنعة.
فرحات بقاله فوق ال 8 شهور أو يمكن أكتر برة مصر فى إنتداب فى شركة من أكبر شركات العربيات على مستوى العالم علشان كانو بينزلو موديلات جديدة فيها و أكيد كان له دور فيها و لو أنى مش عارف الدور بالظبط.
الشركة اللى من أكبر الشركات دى مش هقول أسمها..........لو فرحات حب يقول يقول هو...........أنا بس كل اللى هقوله عنها أنها شركة عربياتها نادرة الوجود فى مصر لغلو سعرها.

يا ريت بقى بعد ما يقول هو رأيه نحاول نقتنع بيه لأنه راجل professional فى المجال مش بيفتى.