مبروك على انضماملى لعائلة الرينو .. اشتريت السينيك أخيراً

**abdoweb** · 23-11-2008 02:47 PM

السلام عليكم ورحمة الله وبركاته
هذه اول مشاركة لى فى المنتدى
وفعلاً لم أر منتدى مفيد مثله على النت العربى لدرجة انى كنت بفتح موضوع من 50 صفحة مثلاً واكمل قراءة ال 50 صفحة كاملة وطبعاً عمرى ما عملت كده فى اى منتدى اخر
لأنى بجد فى كل صفحة شئ جديد ومفيد وليس ردود ثابته مثل ( مشكور خوى وهكذا )
بجد حاجه تشجع وتفتح النفس
وانا طبعت مواضيع كثيرة من هذا المنتدى ووزعتها على احبابى ليستفيدوا منها ممن ليس لهم علاقة بالنت

وطبعاً بفضل الله اشتريت امس رينو سينيك 2005 نبيتى وده بعد ما لفيت قسم الرينو حتة حتة واستفدت منكم كثيراً جداً فى كل شئ

وبالرغم من أنى لم أجد مواضيع كثيراً عن السينيك ولكننى أعجبت بها جداً واشتريتها بالفعل
والأن لى ملاحظات سريعة أرجو من يجيبنى عنها

أنا حاسس ان صوت العربية بشكل عام عالى ( موتور وهواء وكل صوت تحرك العربية )
يعنى البيجو ال 307 كانت معاى ما بتعملش تقريباً اى صوت
تقدر تقول ما بعرفهاش دائرة والا لا اصلاً من قلة الصوة
ثانى شئ حاسس انها مش بتسحب قوى زى البيجو
يعنى تقيلة فى السحب كأن فى حد مكلبش العجل

هل ده طبيعى مع الرينو أو السينيك والا لا
ولو لا ممكن يكون سببه ايه ؟

23-11-2008 02:55 PM

مبروك عليك السينيك و يجعلها ربنا قدم الخير إن شاء الله
و منتدى رينو يتشرف بإنضمام حضرتك
أما عن بيجو فللأسف لا خبرة لي بها إطلاقا بالإضافة لأني أعتبر عضو جديد بإمتلاكي لميجان من فبراير الماضي
مبروك كمان مرة

**momo10000** · 23-11-2008 03:02 PM

يا باشا الف الف مبروك .... ربنا يسترلك طريقك ويديك خيرها ويكفيك شرها ....

الصوت طبيعي متقلقش وبيعلي مع تشغيل التكييف ... بس لو انت سامع الصوت من جوة العربية ..

تبقي محتاجة شوية تظبيط علي الجهاز مش اكتر من كدة ... الف مبروك يا باشا.

**Sharky** · 23-11-2008 03:11 PM

الف مبروك إنضمامك لرينو
إن شاء الله ربنا يبارك لك فى عربيتك

و بالنسبة للصوت زى ما قالك أيمن لكن يفضل تكشف عليها فى التوكيل علشان تطمن أكتر
و دى نمرة حجز التوكيل 16202

**Ramy_Tantawi** · 23-11-2008 03:29 PM

الف مبروك شراء العربيه وربنا يباركلك فيها ويكفيك شرها ان شاء الله .

وشرفت قسم الرينو بانضمامك ليه ومبروك مره اخرى

تقبل تحياتي أخي الكريم.

**chato_eg** · 23-11-2008 03:45 PM

1000 مبروك و أهلا بيك بين الوحوش .....و نصيحة بص عليها فى التوكيل زى ما شاركى قالك.....

**lion99990** · 23-11-2008 04:27 PM

الف مبروك و يارب يحفظهالك و يوعدنا بالميجان او السنيك او الاجونا انشاءالله و انت اخترت الختيار الصح بس حافظ عليها بعمل الصيانه الدوريه بالتوكيل الرئيسى فقط المقطم او العبور لان اى صيانه خارجهم ممكن مايعجبكش و يأثر فى العربيه على المدى الطويل فياريت تحافظ على الصيانه ضرورى و اصرف هناك وانت مطمن ان انت عربيتك حتفضل جديده و متسترخسش خالص فى العربيه انت شارى عربيه غاليه يبقى الغالى يجيلوه الغالى و زى مابيقولوه الغالى هو الرخيص عشان بيعمر و فتره استهلاكه اطول و ديه نصيحه منى لوجه الله تعالى