نفسي الرجالة في مصر يبطلوا حاجتين؛ التدخين والمعاكسة

**ahmed4000** · 22-07-2010 10:10 AM

الغريبة انك لو قعدت مع اى واحد حيشتكيلك من السواقة الغبية وقلة الادب ....طيب لما كلنا كويسين اومال مين اللى فى الشوارع دول

والاجمل انك متقعدش مع حد ايا كان مين الا لما يلعن فى فساد البنات واخلاقهم ولبسهم....اومال اللى مالين الشوارع دول مقطوعين من شجرة ولا ليهم اخ ولا اب ولا زوج؟

مش دى اسمها شيزوفرنيا برده

**viper911s** · 22-07-2010 10:22 AM

السجائر الحمد اللة انا مش بحبها ومش بدخن ومش ناوى
المعاكسة
مش اقدر اقول فى حاجات كتير ممكن نتكلم فيها
فى غياب للوعى الدينى الفهم للااصول مش هقول انى ملتزم انا شاب عادى جدا زى اى شاب عرفت بنات ومشيت وعملت حاجات العن ربنا يسامحنى ان شاء اللة
بس الدين مش حجاب وبس
دلوقتى بتشوف الحجاب وعلية بادى تحفة وبنطلون هيتطع وكمان ساقط
ودة راجع للاسف الشباب بقا بيدور على الاكثر اثارة علشان كدة البنات بقةا كدة لازم تبان انها حلوة ومثيرة علشان الفرصة عليها تزيد
البنات الى بتشرب سجاير وشيشة دة بقا المعتاد انزل اى كافية من الساعة 7 لحد 1 او 2 باليل هتلاقى الموضوع عادى جدا
كانت فى اغنية مشبحبها بس لما سمعتها فى جملة عجبتنى بتوصف حال نسبة كبيرة من البنات (من فوق حجاب جواة وش ومنور اللة علية من تحت فيديو كليب اسمة اتفرج على السوك....) علشان متوقفش
هو دة المبدا بخلاف انك بتلاقى واحدة متجوزة ومعاها عيال وتبقا عارفة شاب تانى وفى علاقة غير شرعية وكمان بتحبة وبتغير علية للاسف واحد من صحابى كان كدة وخرجتة منها انا واصحابى بالعافية
مش عارف اقول اية المسئلة مسئلة تربية من البداية والتزام بالمبدا الدينى انا معرفش ازى فى اهل ممكن يسمحوالبنتهم بالخروج بالبس الفاضح دة دلوقتى بقت البادى الكارينا شفاف وبيتعمدوا انهم يلبسو تحتية حاجات بالوان مبهرجة احمر اصفر
مش هقول غير انى كنت ببص على واحدة وسورى يعنى لو قلت انا كنت شايف الانجيرى بتاعها مرسوم علية اية واللة العظيم مش بكدب ومع العلم فى مناطق عادية على البحر او اماكن عادية
المطلوب مننا كشباب نستحمل ما بردو مفيش وعى دينى ولا التزام (الكل بنات وشباب شايف الدين عبارة عن قيود وبس ومفيش متع )
الجواز بقا انا بقالى 6 شهور بتحايل على اهلى انى اخطب واهلى رافضين علشان المصاريف المبالغ فيها الى بيسمعوها من ناس تانية الى ادتهم انطباع ان النااس كلها كدة
وعموما ربنا يرحمنا

**elassar2010** · 22-07-2010 10:30 AM

المشاركة الأصلية كتبت بواسطة ahmed4000

الغريبة انك لو قعدت مع اى واحد حيشتكيلك من السواقة الغبية وقلة الادب ....طيب لما كلنا كويسين اومال مين اللى فى الشوارع دول

والاجمل انك متقعدش مع حد ايا كان مين الا لما يلعن فى فساد البنات واخلاقهم ولبسهم....اومال اللى مالين الشوارع دول مقطوعين من شجرة ولا ليهم اخ ولا اب ولا زوج؟

مش دى اسمها شيزوفرنيا برده

+999999999999999
تحس ان الموظفين المرتشين دول بيجى بطيارة من المريخ يشتغلوا فى مصر ويقفوا الشغل علشان ياخدوا فلوس وبعدين يسافروا المريخ تانى اصلهم مش مصرين

البنات الى ماشين فى الشارع برضة دول مش قرايبنا ولا اخوتنا ابزلوتلى دول بقى بيجو من المريخ يتفسحوا فى مصر ويرجعوا تانى اصلهم مش مصرين

**ZALABANY** · 22-07-2010 02:05 PM

للاسف ما بقاش في نخوه والاخلاق بقت قليله اوي كتير بشوف منظر واحد راكب عربية ماشي بيعاكس منتقبه والله شوفتها بعيني ربنا يرحمنا برحمته

**Donzi** · 22-07-2010 07:02 PM

المشاركة الأصلية كتبت بواسطة ahmed ezz

حضرتك اكية بتبصلها من المحيط المحترم المحيط بحضرتك
انما لما تنزلي جامعات و كافيهات و قري سياحية هتشوفي النسبو قــد ايه

والله بخرج و بروح النادي و بعقد في كافيهات و كنت بشتغل في مالتي ناشيونال ( يعني كلهم خريجين auc و جامعات اجبية و خاصة ) و برضو النسبة مش زي ما حضراتكو بتقولو كدة خالص مش لدرجة ان احنا نقول البنات بيدخنو زيهم زي الرجالة في مصر

لو قارنا نسبة البنات اللي حضراتكم بتشوفهم في الكافيهات - كافيهات عن كافيهات تفرق كتير على فكرة - او في الجامهات الخاصة او الاجنبية ( يعني هي الجامعة الخاصة ولا الاجنبية عدد الدفعة فيها كام اصلا مقارنة بالجامعت الحكومية ) هاتلاقو النسبة تقريبا 1: 25

يعني اللي اقصده ان اللي انتو بتشوفهم دول مش هم القاعدة الكبيرة او الاساسية في المجتمع المصري و على العكس الرجالة المدخنين هم القاعدة الأكبر في المجتمع المصري

ماتظلموش البنات و تعمموا لان دة مش صحيح

**M.almaghraby** · 22-07-2010 10:20 PM

لا 14 سنة دي يبقي عيليتها مش تمام "ماشيين مشي بطال يعني "

**elassar2010** · 22-07-2010 10:29 PM

المشاركة الأصلية كتبت بواسطة شريف

انا شفت منظرين الاسبوع دة
الاول ولدين واحد بتاع 12 و الاخر 14 او 15 قاعدين امام اسرتهم الام و الاخ الاكبر و اخوات و زوجة الاخ و بيشربو سجاير على نفس الطربيزة (المكان فى فندق القوات المسلحة بالعصافرة)
و الثانى بنت بتاع 14 برضة و بتشرب سجائر امام اهلها كلهم فى نادى الشاطى بتاع الجيش فى الاسكندرية
انا كنت زمان متصور ان انا و اخواتى متربيين تربية ظباط جيش انظباط و احترام و الخ و بالتالى كل عائلات الظباط كدة بس طلع فى استثناء برضة

دول اكيد بيحششوا فى البيت

**شريف** · 23-07-2010 12:03 AM

المشاركة الأصلية كتبت بواسطة dr.almaghraby

لا 14 سنة دي يبقي عيليتها مش تمام "ماشيين مشي بطال يعني "

المشاركة الأصلية كتبت بواسطة elassar2010

دول اكيد بيحششوا فى البيت

انا مستغرب المنظر جدا
مكناش بنشوف الكلام دة زمان

**Donzi** · 23-07-2010 02:13 AM

المشاركة الأصلية كتبت بواسطة شريف

انا مستغرب المنظر جدا
مكناش بنشوف الكلام دة زمان

زمان كان اللي بيعمل غلط بيدارى عشان محدش يشوفو و يبقى مكسوف لو اتقفش

دلوقتي بقى في بجاحة غريبة على مجتمعنا الشرقي و على المسلمين كمان

الموضوع: نفسي الرجالة في مصر يبطلوا حاجتين؛ التدخين والمعاكسة

LinkBack

أدوات الموضوع

عرض

-

-

-

-

-

-

المواضيع المتشابهه

حاجتين

بفكر فى حاجتين

عملت حاجتين غلط

نفسي .. نفسي .. نفسي .. نفسي اروح اسكندرية

بجد نفسي نفسي في ورشة فيها الاتي

الكلمات الدلالية لهذا الموضوع

المفضلات

المفضلات

ضوابط المشاركة