الموضوع: نفسي الرجالة في مصر يبطلوا حاجتين؛ التدخين والمعاكسة

ياجماعه الموضوع باب طويل لمناقشات تطول قوي بس تعالوا فكروا شويه اللي بيعاكس والا اللي بتعاكس ايه السبب؟ حد فكر؟؟
اقول لكم لان مافيش فرصه للزواج لو كان حد يقدر يتجوز كان الشاب او البنت اتلموا واحترموا نفسهم وماعاكسوش حد لكن لاهو عنده امل يتجوز ولا هي عندها امل انها تتجوز ولو جالها ابن الحلال تتشرط وتملي رغباتها وتقصم ظهره علي فكره انا متجوز من زمان وعندي ولد وبنت الحمد لله مش بدافع عن اللي بيعاكس ولا اللي بتعاكس لكن ده فضاء نفسي وعقلي وحرمان عاطفي .
أما عن السجاير فحدث ولا حرج انا بادخن بس حرق دم والله وقرف وكفايه الواحد لما ياخد نزلة برد كله بيطلع علي جتته لكن نعمل ايه بجملة حرق الدم والاعصاب في كل مكان يمكن الواحد بيتخانق مع السيجاره احسن مايتخانق مع حد تاني القصه لامنظره ولايحزنون بس اللي بيدخن عموما بيطلع غله في السيجاره ماحدش بيدخن منظره ولا حركات ده بيفرم السيجاره احسن مايفتح بقه ويتخانق طيب نقول ايه العمل في البنت او الست اللي بتلاحق زميلها في الشغل ومش عاتقاه ومش بتسيب مناسبه الا لما تبص وتتكلم معاه وعليه علشان دماغها رايحه لبعيد خصوصا انه متجوز !!!!!!! ياجماعه القصه اكبر من كل الكلام ده خصوصا لما كمان تكون واحده متجوزه لكن هانقول ايه لما يبقي فيه مصر بجد ومصريين حقيقيين والقرف اللي احنا فيه يتغير يبقي الناس كمان هاتتغير وينصلح الحال اللي مال وعجبي عليك يازمان لما تلاقي البنات زي الرجال سجاير وشيشيه وسلسله وكلام علي الفاضي والمليان وكعكع ولوك لوك وبنت تقول لك واراك ايه ياجميل؟؟؟ وتهرب منها كانك خايف تخطفك قدام الناس
عجبي عليك يازمان لما كان الشاب بيخاف علي واحد فاكر انه شافها في حتته ويخللي باله منها لو لقاها في اي مكان
عجبي عليك يازمان لما نلاقي الراجل بقي في خبر كان ويقول انا مش بتاع الحاجات دي والبنت تقول له ليه امال فين الرجال؟؟؟؟
عجبي علي البنيه اللي مش لاقيه ياعيني صديقه تسمعها وتقرب من الشاب علشان تحكي له ادق السرار وتقول له انا مش قصدي حرام !!!!!
ياجماعه فكروا بعمق اكتر وياريت تكون بدايه دعوه لعودة الاخلاق في الشارع والبيت وننسي سواق الميكروباص وكلامه اللي بقي هو لغة الحوار علشان تكون ناصح وفالح ومخك ماشي مع الحال
الفكره جميله وفكروا يمكن نبدأها حمله صغيره وتكبر وتكون دعوه بجد للاخلاق

انا الحمدلله مش بعاكس نهائي بس للاسف الواحد بيشوف بنات كتير هي الي بتعاكس
للاسف انا بدخن بس بحاول ابطلها اليومين دول
انما الموقف الي بيدايقني هو دخول البنات للكافيهات في وقت متاخر و تدخينهم علني
زي موقف حصلي من فترة
كنت معزوم علي فرح في مكان اسمة سكيب 21 هو زي نايت كلوب
دخل 3 ام و بنتها حوالي 18 سنة و ابنها حوالي 10 سنين كانو لابسيت عبايات و حجاب عادي
دخلو التواليت 10 دقايق و خرجو بلبس و لا العن رقاصة و الانيل طقم الشيش نزل حتي للعيل الصغير
انهي واحدة محترمة و عاقلة تقبل ان ابنها العيل يشيش قدامها و لا بنتها تقعد بلبس انيل من الرقاصين قدامها
انا عايز اعرف فين جوزها و ازاي تخش المنطقة عندهم بعد الساعة 5 الفجر كدة

و مرة من كام اسبوع كان واحد قاعد مع بنته و اصحابها و الوالد قام يتخانق مع الشاب اللى بيعمل الشيشة علشان اتاخر و بنته مش راضية تستنى :(

حبيب قلبي ايه الابهات الجامدة دي
دة انا ابويا لما عرف اني بدخن رفعني رفعة سودة

انا الحمد لله ماليش فى الأتنين خاصة السجاير والمعاكسة

السجاير والمعاكسه معاك انهم صفات وحشه بس انت ليه احتكرتهم على الرجاله فى عنوان الموضوع دا البنات دلوقتى زى الرجاله فى الموضوع دا بالضبط وربنا يهدى الجميع

ادخل اي كافية فمدينة نصر و شوف نسبة البنات الي عمالة تشيش

حتلاقي النسبة اعلي من الولاد اصلا !!

و بعدين منظرة ازاي الي بيشيل علبة سجاير في ايده

امال يشيلها ازاي طيب

مش عارف عندي احساس إن الموضوع مش ماشي مع المنتدى المحترم داه يعني الناس هنا كلها محترميين وأكيد مفيش حد بيعاكس وأكيد الناس كلها هنا رافضة الموضوع قلبا وقالبا.

وعلى فكرة الدنيا دوارة وخليك متأكد إنك داين تدان بلا شك, وبالنسبة لموضوع السجاير أنا لاحظت حاجة غريبة إن لما بيكون في العيلة اب أو أم بيدخنو جامد الابن دايما بيبعد عن التدخين علشان خلاص بيشوف إزاي ابوه وأمه حالتهم ادهورت فـبيخاف على نفسه
وربنا يهدي كل واحد بيشرب سجاير ويعفيه منها

المشاركة الأصلية كتبت بواسطة Donzi

يا جماعة الناس اللي بيقولو ان البنات بيدخنو زيهم زي الولاد و اللي شاف ام و بنتها بيشيشو في نايت كلوب و اللي بيشوف بنات بدخنو في كافيه في وقت متاخر ............ اسمحولي كلوكو دول نسبتهم كام من البنات في مصر و بعدين بنات داخلين نايت كلوب او كافيه في نص الليل منتظرين منهم اييه ؟؟ يبقى مش هما دول اللي نقيس علهم و نعمم ونقول البنات في مصر بقو كذا و كذا

يعني تقدرو تقولولي اللي بيشتغل فيكو كام واحدة من اللي معاه في الشغل بيدخنو ، و اللي في الجامعة كام واحدة من زمايلو بتدخن ،و في اهلك و عيلتك و جيرانك و قرايبك كاو واحدة بتدخن ، و كام واحدة عندك في الشارع بتقف تحت البيت هي و كام واحدة يدخنو ؟؟؟؟؟؟؟؟


انا عن نفسي في شغلى تقريبا 30 بنت و سيدة و ولا واحدة فيهم بتدخن و حوالي 100 رجل تقريبا 70% منهم مدخنين و دة معناه ان الرجالة بيدخنو بنسبة اكبر بكتير جدا جدا جدا و في كل مكان و في كل وقت و ماينفعش نقول البنات بيدخنو زي الرجالة نهائي


.

انا اولا بتكلم عالشيشة مش السجاير

و نسبتهم مش قليلة ولا حاجة علي فكرة....

و مش كافية فنص الليل ولا نايت كلوب لاء خالص ........ دا ناقص يدخنوا فالشارع

و بعدين لما نقول البنات في مصر كذا و كذا يبقي انا مش بعمم

بس النسبة كتير جدا و زيادة و مجتمعنا........... مكانش كدا


و بتفرق من بيئة للتانية يعني انا مثلا ولا بنت فالكلية تقريبا من وسط 700 بنت فكل دفعة بتدخن

لكن لو رحتي جامعة خاصة او كلية تانية النسبة اكيد بتزيد

لو رحتي ال AUC النسبة بتوصل لل peak و دا بقا شيء عادي جدا

حضرتك مينفعش تحكمي من محيط عملك بس :)