زهقت من فتي الميكانيكية في نقصان الزيت

**أبو صلاح** · 22-07-2010 12:28 PM

السلام عليكم

اولا بيانات السيارة : كيا ريو 2001 العلابية ماشية 160 الف كيلو
بحط زيت ال 10000 موبيل وشل

الاول كنت حاطط زيت سل ولما جيت انزله لقيته ناقص بتاع كيلو ونص
رحت للميكانيكي الاول قالي اولسيهات الكامة والكاتينة ورحت للتاني قالي اغسل العربية من تحت وتعالى المهم لما رجعتله قالي دي الكارتيرة بتاعة الزيت عايزة تتفك وتتظبط وراع وغير لها كاوتشات اسمها هلايل
بعدها بشوية الزيت نقص رجتعله قالي انت المفروض تحط الجركن 4 لتر كاملين مع غيار الفلتر رحت مزود النص كيلو

بعد لما العربية مشيت 5000 ك ببص على الزيت لقيته عند اقل مستوى ليه رحت مزود كمان نص كيلو لغاية لما المقاس ظبط
وببص تحت العربية لقيت زيت نازل منها
رحت للمكيانيكي انهاردة الصبح
قالي الزيت اللي نازل ده من طبة زيت الفتيس وقالي ده محتاج تربيط بس ونشوف لو سرب تاني نغير ولسيهات الفتيس (مش ده الموضوع الرئيسي)
طيب بالنسبة للزيت بتاع الموتور نزلني معاه تحت العربية وقالي مفيش ولا نقطة زيت مسربة ويمين شمال مفيش اي تسريب

في الاخر قالي الاحتمال الاضعف ان المكنة تكون خفت شوية شاف الحريق من الشكمان مع تزويد البنزين ورجع قالي المكنة عاملة زي الالماظ والحريق ممتاز

المهم قالي انت بتحط زيت ايه قلتله بحت زيت ال 10 آلاف قالي لا غلط حط زيت اخف وسالني إذا كنت بشوف دخنة بيضاء وقت الدوارة فقط قلتله ما باخدش بالي
سبنا العربية تبرد وقالي دور وانت دايس بنزين لقيت الشكمان طلع دخنة بيضاء

قالي هو ده حرق الزيت وغلط اني احط زيت خفيف زي موبيل وان وسل الترا وراح قالي حط التعاون 30000 ك اللي ب 55 ج علشان يبقة اتقل سنة وهو ده المناسب لعمر الماتور

ايه رايكم في الكلام ده ؟

وهل فعلا الزيت اللي بحطه ده غلط ؟ مع العلم ان المالك السابق ليها من الزيرو كان بيحط نفس الزيوت دي

طولت عليكم معلش

**M.Zaher** · 22-07-2010 02:54 PM

بص ياباشا تقريبا الزيت الموبيل ال 10000 ده نسبه البخر بتاعته عاليه

مجربتش تحط زيت تاني غير موبيل وشل
يعني مثلا فيسكو

اما الدخان الابيض في العادم فده مش زيت ده ممكن يكون ميه من مياه التبريد
هل ميه التبريد بتنقص عندك؟؟
دخان الزيت بيكون ازرق او زرق مسود

و اخبار وش السلندر ايه عملت فيه شغل قريب ولا حاجة؟؟

**أبو صلاح** · 22-07-2010 03:27 PM

المشاركة الأصلية كتبت بواسطة m.zaher

بص ياباشا تقريبا الزيت الموبيل ال 10000 ده نسبه البخر بتاعته عاليه
هو قالي البخر ده بيظهر اول الدوارة الصبح
وده فعلا لاحظتة مرات قليلة
مجربتش تحط زيت تاني غير موبيل وشل
يعني مثلا فيسكو
لا مجرتش
بس عايز أتأكد الاول من حدوى التغيير لزيت اتقل
على سبيل المثال التعاون اللي ب 55 ج ده
وقالي الفلتر تغيره مع المرة الرابعة
اما الدخان الابيض في العادم فده مش زيت ده ممكن يكون ميه من مياه التبريد
هل ميه التبريد بتنقص عندك؟؟

دخان الزيت بيكون ازرق او زرق مسود

و اخبار وش السلندر ايه عملت فيه شغل قريب ولا حاجة؟؟

فأكيد ما ينفعش تكون مياه من الردياتير
لون الدخنة أبيض

وش السلندر عندي معملتش فيه اي شغل مطلقا
وعلى فكرة هو قالي لو عايز اظبط الموضوع ده ممكن ندخل في عمرة وشنبر وبساتم وقصة تكلف في حدود 1500 ج (رقم عالى قوي)

**ahmed_h_g** · 22-07-2010 04:16 PM

بداية طقم شمبر مش هيتعدى ال500 جنيه
هو مدي لنفسه الأمان علشان لو فك الموتور ممكن يلاقى مشكله صغيره زى الصبابان أو حاجه تانيه علشان كده أدالك رنج من 500 الى 1500 جنيه حسب أحتياجات الموتور

**samirayad** · 22-07-2010 04:38 PM

جرب تستعمل زيت معدنى

بمدى لزوجه 20w50

وبلاش تخليقى المره دى

وليكن
زيت فيسكو 2000

**أبو صلاح** · 22-07-2010 04:39 PM

المشاركة الأصلية كتبت بواسطة samirayad

جرب تستعمل زيت معدنى

بمدى لزوجه 20w50

وبلاش تخليقى المره دى

وليكن
زيت فيسكو 2000

ده بيمشي كام كيلوا ده ياباشا ؟
وبييجي من محطات كار جاز ولا منين ؟

**samirayad** · 22-07-2010 04:42 PM

المشاركة الأصلية كتبت بواسطة أبو صلاح

ده بيمشي كام كيلوا ده ياباشا ؟
وبييجي من محطات كار جاز ولا منين ؟

فعلا من محطات (كار جاز )

وبيعمل 75 ج

وخليه أول مره على 5000 وتابعه كل ألف

على فكره أنا حغير النهارده من موبيل xhp لفيسكو 2000

**أبو صلاح** · 22-07-2010 04:45 PM

المشاركة الأصلية كتبت بواسطة samirayad

وخليه أول مره على 5000 وتابعه كل ألف

هو المفروض بيمشي اكتر من كده ؟

**samirayad** · 22-07-2010 04:47 PM

المشاركة الأصلية كتبت بواسطة أبو صلاح

هو المفروض بيمشي اكتر من كده ؟

والله المهندس / محمد التازى

بيقول بيقعد حوالى 10 آلاف
http://www.nilemotors.net/Nile/124594-a.html

بس أحنا نشوفه حيعمل أيه الأول

لحد 5 آلاف

الموضوع: زهقت من فتي الميكانيكية في نقصان الزيت

LinkBack

أدوات الموضوع

عرض

-

-

المواضيع المتشابهه

جوان تاكيهات نوبيرا و نقصان الزيت .......هام

سؤال هام عن نقصان الزيت

حل نقصان الزيت

نقصان الزيت و دخانة رماديه خفيفة في الفايز

نقصان الزيت ومشكله بالحرارة

الكلمات الدلالية لهذا الموضوع

المفضلات

المفضلات

ضوابط المشاركة