رابطة مالكي المكواة...لانسر 2001-2002-2003

**ahmedmezo** · 18-12-2010 09:05 PM

المشاركة الأصلية كتبت بواسطة hanycar

متشكر لردك يا احمد ميزو
لكن عملت ايه فى موضوع مفتاح النور بتاع الشبورة

السلام عليكم
معملتش حاجة مش لقية
والله الموفق

**shooter123** · 19-12-2010 03:28 AM

مش لاقية ازاي ما هو عندك تحت علي الشمال جنب بكرة تعلية وتوطية نور التابلوة

**HANYCAR** · 19-12-2010 07:21 AM

يا شوتر مكان مفتاح نور الشبورة موجود فعلا جنب مكان زرار تعلية وتوطية نور التابلوه لكنه مكان فيه طبة ومش راكب فيه المفتاح لازم الاول يجيب مفتاح الشبورة وبعدين يفتح الطبة ويركبه

وبعدين يا جماعة كان ليهههههههههههههههههههه استفسار عن لمبه النور العالى والواطى اللى عندى بتاعة الفبريكة مش فاكر بالضبط 80/130 بس بالليل نورها ضعيف وكنت عاوز اغيرها 200/260 بس خايف من شدة الاضاءة وسخونية اللمبة تسيح الفوانيس وبعدين هل لو ركبت 200/260 لازم اركب لها كتاوت وهل تركيبه علشان تقوية الاضاءة واللا لسبب اخر وما هو
وارجو الرد لانى سالت كذا مرة ومحدش افادنى فى الموضوع ده

**shooter123** · 19-12-2010 05:10 PM

طبعا لو شالفابريقة 90 /105 ولو عليت عن كدا طبعا حتركب كتاوت

جرب تركب عدسات علي نفس اللمبات حتخليلك الاضاءة ولا الزينون والله وعن تجربة مركبها عندي واللي مركب زينون بيقلبلي عشان اطفي نوري

**HANYCAR** · 19-12-2010 06:15 PM

متشكر لاهتمامك يا شوتر

اجيب منين العدسات دى وتركب ازاى من داخل الفانوس واللا خارجه
ولو جبت لمبة 200/260 وركبتلها كتاوت هل ده فيه غلط
والاهم من ده كله هيسيحوا الفوانيس واللا لالالالا

**shooter123** · 19-12-2010 10:21 PM

العدسات من عند اي حد بتاع اكسسوار وطبعا حتفك الفوانيس

الكتاوت حتضطر تركبه ( مع اني مش معاك في تغيير لمباتك لفولت اعلي )

ومش حتسيح الباغ بتاع الفوانيس متخفش
بس انا مش عايزها لاني خايف علي ضفيرة الكهربا من الكتاوت اللي انت عايز تركبه

جرب الاول حوار العدسات ده وبالمرة ابقي ركب رينجات بما انك حتحل الوش بتاع الفوانيس بيبقي شكلهم تحفة

**Haitham10** · 20-12-2010 06:32 AM

الله يسلمك يا هاني انا النت مقطوع من عندي وكنت عملت حادث خفيف والحمدلله بالنسبة للفوانيس متقلقش علي الباغة بتاعتها واللمبات الي جربته كويس النيرفا الاصلي وسعر اللمبة 20 -25 جنيه الماني ونورها ابيض والكتاوت مفيش منها مشكلة ولازم لو هتركب لمبات عالية وموضوع التسخين اكيد بياكل بنزين خصوصا في الشتا دة اما البنزين تقدر تقول اتعودت عليه واني امشي هادي احسن بقوة المكنة براحتها عشان مستهلكش خصوصا اني اوتوماتيك وبالنسبة ل احمد خرطوم الباور جبته من عماد السمباوي وده في طريق ابو حماد اول الزقازيق امام شيبوب ومش لاقي الكارت بتاعه بصراحه عشان اجبلك رقمه بس هو حاجاته نضيفه وعجبتني واسعار هاديه ولاحظ ان في اتنين سمباوي .. واحد في الزراعه وواحد بره في طريق ابو حماد

**ahmed_h_g** · 21-12-2010 12:23 AM

موضوع ممتاذ
أنا معاكوا

**A7MED_PHARMA** · 21-12-2010 02:35 AM

بس انا سمعت يارجالة أن العدسات مش بتظبط
مع إني ناوي عليها...لكن مستني لما أغير لون العربية...وأخليه إسود
ساعتها هعمل العدسات..وأعمل الفانوس سموك

**shooter123** · 21-12-2010 02:37 AM

المشاركة الأصلية كتبت بواسطة ahmed_h_g

موضوع ممتاذ
أنا معاكوا

تشكر يا عم الحج بس انت عربيتك بروتون كما هو موضح في البروفايل بتاعك وغالبا بعض الاحجات اللي حنقولها هنا مش حتنطبق علي عربيتك
عموما نورتنا
واحد شاي يا هيثم للضيف الجديد