رابطة مالكي المكواة...لانسر 2001-2002-2003

**Haitham10** · 21-12-2010 03:23 AM

بصوا بقي اولا واحشني الرغي بتاعنا بأمانة

ثانيا ً اسعار للي عاوز يعرف

مقصات امامية استيراد 2 = 350
مقص خلفي تايواني = 110
قنطرة طولية امامية = 200
شبكة امامية2003 زيرو استيراد =200
شبكة عادية جديدة تايواني = 110
مراية باب تايوانى نضيفه = 110
مراية باب استيراد = 250 350
خرطوم باور استيراد = 150
جنوط لانسر14 استيراد = 1000
طنابير صيني جديدة امامي = 150
طنابير استيراد امامي = 250 - 300
فوانيس امامية = 400 - 500
زجاج باب امامي = 80 افضل نوع ملون اصلي
زجاج باب استيراد = 100
كبوت استيراد زيرو = 800- 1000 بالشبكة

دول الي فاكرهم دلوقت لان في حاجات كتير جبتها منهم واللي مكتوب سعرين له دة بيكون حسب الحالة ودة الرينج بتاعه

انا شلت الجنوط ال15 الله يحرقها وجبت جنوط لانسر حلوة اوي 14 وكاوتش جديد بمقاس العربيه الاصلي والفرق شاسع اوي اوي ياجماعة

كان نفسي اركب فوانيس شبورة لما كنت بعمل شغل في العربيه وللاسف معملتهاش بس مازلت معاكم فيها

بالمناسبة شفت مكواة بيضا كبوتها فيه عازل حراري اسود جوه وكمان كان فيها فوانيس شبورة مدورة تحت كان نفسي الاقي صاحبها اسأله سؤال الغلابة بتاعنا هههههههه

سعر المكنة ال1600 البومة بفتيسها الاوتوماتيك وحقيقي زيرو 5000 مع المبادلة
ودة عند عماد السمباوي بتاع الزقازيق حقيقي شكل المكنة الي خلاني اسأله

- عاوز اعرف سعر مكنة الازاز الي في الباب بكام
- ايه احسن تيل فرامل امامي وخلفي لاني جربت تيل فرتكلي الطنابير فلازم اغير كله مع بعضه

واللي جاي يلحق الشاي قبل ما يبرد في الاسكيمو الي احنا فيه

**A7MED_PHARMA** · 21-12-2010 03:46 AM

سعر المكنة ال1600 البومة بفتيسها الاوتوماتيك وحقيقي زيرو 5000 مع المبادلة
ودة عند عماد السمباوي بتاع الزقازيق حقيقي شكل المكنة الي خلاني اسأله

هيا المكنة الي محطوطة على يمين المحل أول ماتخش..ومحطوط على ضفيرة الكهربا مشمع بلاستيك..صح؟؟؟؟
الراجل ده أكبر تييييييييتتتتتتتتت تييييييتتتتتتتتتت في الزقازيق
حرامي وش
المكنة دي نفسها ... قالي عليها 4000 بالمبادلة مع المكنة بتاعتي
وأنا عارف ميكانيكي في ميت غمر .. سقط مكنة 1600 اوتوماتيك لمكوة..ودفع 4000 فرق بين المكنتين
بس المكنة الأصلية كانت عاوزة وش سلندر ومحلولة 50 مرة قبل كده
.................................................. .................................................. .................................................. .........
بص ياهيثم
لما تحب تجيب حاجة لعربيتك من الزراعة..روح لأحمد بتاع عالم السيارات
هوا غالي صحيح..لكن أرحم من السمباوي الزفتاوي ده ألف مرة
,,,,,,,,,,,,,,
الشبكة على فكرة أنا جايبها بــ 150 جنيه بتاعت الــ 2003

بس قولي
إنت شيلت الجنوط الــ 15 ليه
وكان مقاسها كام؟؟؟

**A7MED_PHARMA** · 21-12-2010 07:22 AM

والله ياهيثم بالنسبة للمواتير..أنا في دماغي إني هغير الموتور بــ 1600 مانيوال(بحب المانيوال جدااااااا)..ومش بستريح للأوتوماتيك
ولو عاوز مواتير...إنزل بورسعيد..ممكن تلاقي مواتير 1800 كمان للانسر

بالنسبة للجنوط..أنا عندي 205/50/15
وعفشتي ناشفة كيك في الطرق الزراعية..وتخبيط وترزيع..لكن على الأسفلت .. لووووووووووز
وأنا مستغرب الموضوع ده
الانسر المفروض 14 ..أنا كبرتهم وخليتهم 15..والعربية مش مستريحة
ولما كان عندي دايو..كان مقاسها الاصلي 13 .. كبرتهم وخلتهم 15 ..والعربية كانت مستريحة
فأنا متهيألي إن التخبيط الي عندي ده من الجلب أو المقصات

......
بالنسبة للعدادت
أنا مش واخد بالي دلوقتي..لما أشغل العربية وأنا مروح هقولك

**Haitham10** · 21-12-2010 06:15 PM

ابو زياد
ممكن تقرا الموضوع هتلاقي فيه اسعار اكصدامات متهيقلي لاني مش متذكرها
الفوانيس انصحك تروح لكهربائي ينضفهملك ويغسلهم كويس هيرجعوا حلوين لو محوقش فيهم يبقي هات اتنين تانيين وخلاص

**HANYCAR** · 21-12-2010 09:41 PM

سؤال مهم
هو المكواة لما بتفتح الكونتاك .. بيكون في لمبة تشك للموتور

يعني مثلا عندي الحزام والبطارية والزيت والفرامل اليد والباب

هل في حاجه تانية بتظهر الي هي علامة الموتور ؟ لان جالي تهيؤات انها اختفت من عندي[/quote]

مبروك على التجديد ولوانى زعت بكلمة الحادثة بس واضح انه ادالك همة فى تظبيط العربية

بالنسبة للمبة التشك على ما اعتقد انها موجودة فى الانجكشن فقط ومع العلم اننا كاربيراتير ولكن مش ظهرة عندى لا هى ولا لمبة الحزام
وبالنسبة لفوانيس الشبورة عاوز اللاقيلها حل كان الدكتور احمد قاللى على فوانيس d-max المستطيلة بتاعة الشبورة وسالت عليها واحد باع اكسسوار معرفة قالى انها وحشة فهل يا هيثم فوانيس الشبورة اللى شفتها المدورة اجمل واللى المستطيلة ولو عندكم فكرة عن المفتاح بتاعه بيتباع فين وهل العربية مجهزة بضيفرة كهرباء علشنهم واللى هنخلى الكهربائى يعملها

**HANYCAR** · 21-12-2010 11:16 PM

يا جماعة ان نزلت للعربية بعد ما قريت مشاركة هيثم
وبصيت على لمبة التشك بتاعة الماتور لاقيتها مش منورة ولمبة الحزام كذلك لدرجة انى فكيت تابلوه العددات ولقيت اللمبات بتاعة الاشارات دى غير راكبة بالمرة ففكيت بتاعة فرامل اليد وركبتها فى مكان الحزام مرة ومنورتش ورجعت ركبتها فى مكان لمبة الماتور بردو منورتش رجعتها لمكان فارمل اليد للتاكد من اللمبة نورت فواضح انه حسب تجهيز العربية بتكون اللمبات دى شغالة

والحاجة الجديدة اللى وجدتها لما فكيت الوش الموجود به مفتاح المريات وجدت مكان لمفتاح الشبورة والفيشة بالسلك بتاعها راكب فى الوش من جوه لكن مكان المفتاح مقفول وهل الفيش اللى مفروض تركب فى فوانيس الشبورة مجهزة من عند الاكصدام ده لسه مبصتش عليه

**A7MED_PHARMA** · 22-12-2010 02:18 AM

طب عاوز سؤال
أنا ناويأغير اللون....ترشحوا إيه؟؟؟

-

-

-

الموضوع: رابطة مالكي المكواة...لانسر 2001-2002-2003

LinkBack

أدوات الموضوع

عرض

-

-

-

-

-

المواضيع المتشابهه

رابطة مالكي البطة - لانسر 1992 : 1995

رابطة مالكي الشارك- لانسر 2008 : 2012

لانسر اخر شكل المكواة موديل 2003 للبيع

مطلوب ضرورى كتالوج لانسر 2001 او 2002 او 2003

ما الفرق بين لانسر 2001 2002 2003 و بين لانسر 2004 2005 2006

الكلمات الدلالية لهذا الموضوع

المفضلات

المفضلات

ضوابط المشاركة