رابطة مالكي المكواة...لانسر 2001-2002-2003

**Haitham10** · 09-10-2010 05:23 AM

المشاركة الأصلية كتبت بواسطة shooter123

بعد البحث والتحري
اكتشفت ان الفلتر الهوا الرياضي مجرد صوووووووووووت مش اكتر حتي السيموتا التيواني برده بيديك صوت وبس وبيزود سحب العربية بمقدار لا يذكر
يعني لما تصرف عليه 250 او 300 جنية لمجرد سماع صوت مزعج او لزيادة السحب زيادة غير ملحوظة او طفيفة جدا يبقي حرام عليك
نصيحة للكل وبالذات لفامبير

منا قلت قبل كدة الفرق بشكل عام مش كتير
بس المميزات انه هيبقي عندك فلتر نضيف .. العربيه لو قرصت عليها هتطلع صوت رياضي انضف من الديفل مليون مرة وبيظهر في القرص بس ومش مزعج ابدا هي الفكرة بدل مايبقي الصوت نعرر وخلاص

اما السحب شئ طبيعي لاي عربيه بيدخلها هوا بارد هيكون ادائها احسن لكن اكيد حاجه بسيطة والفلتر بيبقي اريح حسب ماعرفت لانك بتحط فلتر خامته حلوة ومبيتغيرش انت بتنضفه بس وبيني وبينك مخنوق من العمة اساسا

فامبير انسي لزقت فدماغه خلاص ... انا لو لقيتها هعملها في وقتها ان شاء الله

حد يعرف سعر المساعدين والبطاحات ؟؟

**mr_vampire** · 09-10-2010 01:50 PM

هي فعلا لزقت في دماغي ياهيثم والله. حتي ناوي انزل للميكانيكي اللي قالي هنعمل الكوعة عند خراط واخليه يعملها قبل مااجيب الفلتر والمواسير عشان اشوف شكلها الاول وهي في حدود 25 ج فعادي يعني ولو عجبتني هكمل ان شاء الله ولو معجبتنيش مش هياس برده وهشوف صرفة تانية ( ماهي لزقت بقي وخلاص).

لو لقيت جديد او لقيت زي اللي فالصورة قولي.

**falcon44** · 09-10-2010 07:16 PM

السلام عليكم
لو سمحتوا عايز اعرف العربيه تعمل كام (مانوال) وحاله جيده واجيب المكواه ولا اجيب عربيه تانيه تنصحونى بيها .....
بس انا بتعجبنى جدا شكل واستايل المكواه
ايه رايكوا؟

**Haitham10** · 09-10-2010 09:36 PM

انا رحت غيرت النهارده المساعدين امامي وخلفي بطقم جديد
الامامي جبته ب640 تقريبا
والخلفي كان غالي ومكنش معايا يكمل كله ارخص واحد قالي 500 550
دول الkyb الياباني
جبت منهم الامامي والخلفي جبته تايواني ب350
المشكلة كان عندي الحياه محجرة وناشفه جدا
فالفرق مش واضح اوي لان المساعدين شكلهم ناشفين هما كمان الجداد بس لسه في اصوات كدة مش عارف اخرتها ايه مع اني غيرت كل حاجة بسببها عموما توبة اني اعمل هاندات تاني ولا الكلام الكخه ده :D

**mr_vampire** · 10-10-2010 01:47 AM

المشاركة الأصلية كتبت بواسطة falcon44

السلام عليكم
لو سمحتوا عايز اعرف العربيه تعمل كام (مانوال) وحاله جيده واجيب المكواه ولا اجيب عربيه تانيه تنصحونى بيها .....
بس انا بتعجبنى جدا شكل واستايل المكواه
ايه رايكوا؟

اولا العربية مانوال دلوقتي رينجها لو حالة نضيفة وفابريكة متقلش عن 63 وانتا وشطارتك بقي الاوتو بتزيد حاجة بسيطة بس خليك فالمانوال هتعجبك.
ثانيا لو دماغك فيها يبقي تجيبها وبلاش حاجة تانية لانها فعلا عربية حلوة. تبقي تطمنا عملت ايه وان شاء الله تجيب مكوة قريب وتبقي مكوجي وتنضم لنادي المكوجية.

المشاركة الأصلية كتبت بواسطة Haitham10

انا رحت غيرت النهارده المساعدين امامي وخلفي بطقم جديد
الامامي جبته ب640 تقريبا
والخلفي كان غالي ومكنش معايا يكمل كله ارخص واحد قالي 500 550
دول الkyb الياباني
جبت منهم الامامي والخلفي جبته تايواني ب350
المشكلة كان عندي الحياه محجرة وناشفه جدا
فالفرق مش واضح اوي لان المساعدين شكلهم ناشفين هما كمان الجداد بس لسه في اصوات كدة مش عارف اخرتها ايه مع اني غيرت كل حاجة بسببها عموما توبة اني اعمل هاندات تاني ولا الكلام الكخه ده :D

ايه ياعم هيثن انتا طلعت من اللي بيشيدو الهاند

. اوعا تعملها تاني بقي والا انتا عاااااااااااااااارف واديك جربت ودوقت

انا خليت الميكانيكي يعمل الكوعة اللي هتركب عالكربراتير علي فكرة ولسة هروح اخدها منه بكرة. ادعولي بقي تبقي تمام عشان اكمل الحلم واركب الفلتر اللي واكل دماغي ده.

**falcon44** · 10-10-2010 05:25 AM

شكرا لرد حضرتك على سؤالى بس حضرتك مش شايف ان ثمن العربيه زياده ولا ايه؟؟ يعنى الثمن ده ممكن يخلينى افكر فى عربيه تانيه تكون 1600 مش 1300 زى المكواه وده ممكن مثلا يخلينى ابص على الاوبترا او الانترا 2006 ......
مش عارف والله انا مشتت وفى ناس كتير بتقول ان المكواه عربيه محترمه وتمنها فيها وعربيه ممتازه على الطريق سواء جوه البلد او على الطرق السريعه بس الصراحه انا مركبتش العربيه قبل كده ومش عارف اى حاجه عنها ولما بشوفها فى الشارع بتعجبنى جدا وشكلها (بالنسبالى) احسن واشيك من البومه والكريستاله....
معلش طولت عليكوا بس عايز نصيحتكوا ومستنى الرد

**Haitham10** · 10-10-2010 08:35 AM

المشاركة الأصلية كتبت بواسطة mr_vampire

اولا العربية مانوال دلوقتي رينجها لو حالة نضيفة وفابريكة متقلش عن 63 وانتا وشطارتك بقي الاوتو بتزيد حاجة بسيطة بس خليك فالمانوال هتعجبك.
ثانيا لو دماغك فيها يبقي تجيبها وبلاش حاجة تانية لانها فعلا عربية حلوة. تبقي تطمنا عملت ايه وان شاء الله تجيب مكوة قريب وتبقي مكوجي وتنضم لنادي المكوجية.

ايه ياعم هيثن انتا طلعت من اللي بيشيدو الهاند

. اوعا تعملها تاني بقي والا انتا عاااااااااااااااارف واديك جربت ودوقت

انا خليت الميكانيكي يعمل الكوعة اللي هتركب عالكربراتير علي فكرة ولسة هروح اخدها منه بكرة. ادعولي بقي تبقي تمام عشان اكمل الحلم واركب الفلتر اللي واكل دماغي ده.

ممممممم طيب شوف كدة عشان تديها صورة وتوريهالي انا اصلا شلت الحته الي قدام في العمة عندي لاقيت الصوت اتغير شوية فشكل الموضوع بدأ يدخل دماغي بس اطلع من العفشه دي
وبعدين موضوع الهاندا دة جه معايا مرة بقرف بعيد عنك وخنقة ويومها عملت واحدة غلط بجد ومن يومها مش بس احترمت العربيه دي لاء قلت كتر خير الدنيا انها متحركتش عن مسارها ولا اتقلبت لاني قلت اقل واجب المقص هيتكسر .... والي باظ فعلا مسمار الميزان (او مسمار المساعد الكداب) لقيته متني وغيرت الجوز عندي اصلا الواحد ب25 او 20 جنيه تقريبا ياباني نضيف بالجلب بتاعته

متعرفش لو عاوز المع العربيه يتكلف كام عشان شكلي هعملها يدوي

المشاركة الأصلية كتبت بواسطة falcon44

شكرا لرد حضرتك على سؤالى بس حضرتك مش شايف ان ثمن العربيه زياده ولا ايه؟؟ يعنى الثمن ده ممكن يخلينى افكر فى عربيه تانيه تكون 1600 مش 1300 زى المكواه وده ممكن مثلا يخلينى ابص على الاوبترا او الانترا 2006 ......
مش عارف والله انا مشتت وفى ناس كتير بتقول ان المكواه عربيه محترمه وتمنها فيها وعربيه ممتازه على الطريق سواء جوه البلد او على الطرق السريعه بس الصراحه انا مركبتش العربيه قبل كده ومش عارف اى حاجه عنها ولما بشوفها فى الشارع بتعجبنى جدا وشكلها (بالنسبالى) احسن واشيك من البومه والكريستاله....
معلش طولت عليكما بس عايز نصيحتكوا ومستنى الرد

اولا انا اسف علي عدم ردي المرة الي فاتت ماخدتش بالي فعلا من مشاركتك ...
من غير تشتيت انت حدد ميولك لانهي عربيه او ماركة بشكل عام وحط برضه اخر للمبلغ الي ناوي تحطه فعربيه

معلش فامبير خضك بالاسعار بس هفهمك ... السعر ده سعر عربيه فابريكة ونضيفه علي ابوها وعشان دة نادر اساسا لان غالبا مبتلاقيش حد بيبيعها فطبعا هتلاقيها غاليه ممكن توصل 66 65
لكن هتسمع فيها اسعار من اول 55 وكله حسب الحاله

الاوبترا او الالنترا لو فابريكة ونضاف عمرهم ماهينزلوا عن ال70 اصلا فيما فوق ودة عن تجربه لاني كنت حيران زيك قبل مااشتري وفكرت كتير جدا في الاوبترا

مكنة المكواة مش ضعيفه بالعكس لو مظبوطة والكرباتير مظبوط حلو بتبقي فظيعه بس انت هيبقي معاك برضه فرصه انك تحط 80 وتوفر نص فلوس بنزين بصراحه
اما لو معاك فعلا مبلغ زي 65-70
انا انصحك بحاجة واحدة يا تجيب عربيه علي ابوها بالمبلغ دة من التلاته دول او ممكن تجيب لانسر بومة 2006 بس هتبقي رشه بره غالبا اما المكواة فتعمل حسابك علي 60 مثلا 61 وتصبر هتجيب واحدة نضيفه تدخل دماغك
وبعدين متتكلمش علي مكن في عربيات ميتسوبيشي عشان دي اسهل وارخص عربيات بيتسقطلها مكن وفي منها 1600 والسعر بيبقي مغري

عموما فكر وشوف بس ابقي خد بالك من اعادة البيع لان الاوبترا انا صرفت نظر عنها لما لقيت سعرها بينزل في الارض يعني المانوال منها كانت قدامي ب56 و57 والاوتو 60 62 الكلام دة عربيات 2006 كاملة يعني اجيب عربيه تمنها 90 الف زيرو وبعدها بسنتين اخسر فيها تلت تمنها !

وربنا يوفقك في الاختيار لو في اي سؤال انا تحت امرك

**aimo** · 10-10-2010 09:22 AM

المشاركة الأصلية كتبت بواسطة Haitham10

شوف يا سيدي
اولا في حاجة انت مش واخد بالك منها ...... المكواة والبومة ال1300 توأم في كل شئ ماعدا الاكصدامات والفوانيس وانها كرباتير مش انجكشن ... يعني عالية عن الارض مش زي الاكسنت خالص خالص
المانوال بتاعها تحفه علي فكره وبمناسبة 1500 انا كان معايا اكسنت من 3 سنين 99 1500 برضه وبصراحة يعني متحاولش تقارن اصلا بس حاول تجربها مع اي حد معرفة الاول برضه
موضوع التكييف دة زي اي عربيه يعني ودة شئ طبيعي انه لازم تحس بيه في العربيه ومع الاوتوماتيك هتحسه اتقل من المانوال دة برضه في اي عربيه

عموما انصحك تجرب المكواة مع اي حد تعرفه الاول عشان برضه تاخد القرار النهائي ... يعني شوف علو العربيه وفراملها والباور بتاعها وهكذا جرب طريقة سواقتها الاول واذا كنت مجرب بومة قبل كدة يبقي مش هتلاقي اختلاف كتير وربنا يوفقك للي فيه الخير ان شاء الله ونورتنا ياجميل

شكراً يا هيثم قوى على المعلومة وان فعلاً سوقت البومة 1600 اوتو وعلى طريق سفر ساعات طويلة كمان وعجبتنى جداً , بس انا ملاحظ ان الشباب هنا بتنصح بالمانيوال . مع انى بغير عشان اخلص من المانيوال

**aimo** · 10-10-2010 09:30 AM

المشاركة الأصلية كتبت بواسطة mr_vampire

مش هقولك اكتر من اللي هيثم قاله جربها بسسسسسسسسس والله ماهترضي تتنازل عنها. ركوبة تمام وشبابي وعلو عن الارض حلو جدا حتي وانتا محمل. تكييفها مش بيموتها يعني ( انتا راكب ياباني حطها في دماغك اوي)كربراتير يعني ممكن تحط 80 وتظبط كهربا وتعيش بمزاج قطع غيار زي الفل

شكراً Vampire على ردك , انتا كده بتجرى ريقى بالبنزين 80 اللى مكنتش متخيل انه ينفع احطه فى عربيتى فى يوم من الايام
بس واضح ان كل الشباب بيحطوا 80 وعايشين حياتهم , مع انى مصمم على الاوتو , بس ميزة العلو عن الارض والتوفير فى البنزين بجد هيخلونى افكر تانى اجيب مكواه مانيوال .

**Haitham10** · 10-10-2010 11:42 AM

مع اني مبحبش المانوال وكل ركوبتي دايما اوتوماتيك بس اعتقد في المكواة هيكون افضل لان الطبيعي المانوال بيبقي اقوي من الاوتوماتيك فلو هتفرق معاك اوي هاتها مانوال وطبيعي هتوفر معاك بنزين تقريبا من 50 ل 100 كيلو في التفويلة
لو لاء هات اوتوماتيك وريح الجمجمة من حاجات كتير

بمناسبة بنزين 80 ههههههه شايفك متشجع اوي وحاسس بيك طبعا عشان تفرق تفويلة ب70 جنيه وتفويلة ب33 35 جنيه مثلا
الكرباتير ده ميزة وعيب .... عيب ان لازم حد يظبطه صح ومش اي حد يحس بالفرق انه مش مظبوط الا الي شاف او اتعود علي العربيه
وميزة طبعا لانك بتظبطه علي اي بنزين عايز تمشي بيه حتي لو هتخلط تلتين 80 وتلت 92 ودة الي غالبا بعمله ومفيش كركرة اصلا طالما الكهربه مظبوطة

وخلي بالك اللانسر عموما 1300 بيبقي غير 1600 في العفشة والمكنة والفتيس وطبعا البومة 1600 ملهاش حل

علي فكره الكريستاله حلوة برضه بس معتقدش انت هتحبها عشان هي زي الاكسنت بتحك في الارض او يمكن اكتر وضيقه من جوه
وفرق السعر مش كتير

الموضوع: رابطة مالكي المكواة...لانسر 2001-2002-2003

LinkBack

أدوات الموضوع

عرض

-

-

-

-

المواضيع المتشابهه

رابطة مالكي البطة - لانسر 1992 : 1995

رابطة مالكي الشارك- لانسر 2008 : 2012

لانسر اخر شكل المكواة موديل 2003 للبيع

مطلوب ضرورى كتالوج لانسر 2001 او 2002 او 2003

ما الفرق بين لانسر 2001 2002 2003 و بين لانسر 2004 2005 2006

الكلمات الدلالية لهذا الموضوع

المفضلات

المفضلات

ضوابط المشاركة