الموضوع: تغطية بطولة العالم لسباقات الفورمولا وان موسم 2010

الأسترالي ويبر يفوز بسباق فورمولا 1 المجري

أحرز الأسترالي مارك ويبر سائق فريق ريد بول سباق الجائزة الكبرى المجري الذي أقيم اليوم الأحد على مضمار هانجارورينج ضمن منافسات بطولة العالم لسباقات سيارات فورمولا 1 ، لينتزع صدارة الترتيب العام للسائقين.

واحتل الأسباني فيرناندو ألونسو سائق فيراري المركز الثاني وتلاه الألماني سيبستيان فيتيل سائق ريد بول في المركز الثالث رغم أنه انطلق في السباق من المركز الأول.

ورفع ويبر رصيده إلى 161 نقطة بعد 12 سباقا من إجمالي 19 سباقا ببطولة العالم ، ليحتل صدارة الترتيب العام للسائقين بفارق أربع نقاط أمام البريطاني لويس هاميلتون سائق مكلارين ، والذي اضطر للخروج من السباق بسبب مشكلة في صندوق التروس. ويليهما فيتيل في المركز الثالث برصيد 151 نقطة.

و ديه كانت نتائج السباق

و حصل بالتالي تغيير في مراكز المقدمة لبطولة السائقين..و أصبحت كالتالي

و أيضاُ تغيرت مراكز الصانعين لتصبح كالتالي

ده ملخص صغير كده لأحداث سباق المجر

[youtube]http://www.youtube.com/watch?v=yDyzelpRM94[/youtube]

تخطي "روبنز باريكيللو" لــ"مايكل شوماخر" من أجمل لقطات سباق المجر

[youtube]http://www.youtube.com/watch?v=LqzsH4xzhuU[/youtube]

المشاركة الأصلية كتبت بواسطة mazagngi2010

كنت عايز اشارك فى الموضوع ده من زمان بس كنت موقوف
بصراحه موضوع محترم
بخصوص شوماخر السباق اللى فات فانا شايف انه لسه زى ماهو بسواقته الغير نضيفه متغيرش واهو خد عقوبه ارجاع 10 مراكز فى سبا علشان يبطل الهبل اللى بيعمله كل شويه وياريت يعتزل لان شكله بقى وحش قوى قدام الناس الشابه الموجوده دلوقتى واولهم زميله فى الفريق
وانا فرحان قوى ببيتروف

شوماخر فعلاً سيء جداً..كان نفسي روزبيرج يكمل السباق بس حظه وحش
أما نشوف الموسم الجاي هيعمل إيه في سيارة مرسيدس الجديدة اللي بدأوا يشتفلوا فيها من دلوقتي

و بيتروف عايز يثبت نفسه و هو كان فرحان جداً بالمركز الخامس
بس صعب علي النقاط اللي ضاعت من رينو من انسحاب "كوبيسا" بسبب غلطة "lollipop man"

و أتمنى عودة الماكلارين في سباق سبا لتعود إلى الصدارة مجدداً في بطولة السائقين و الصانعين

نورت الموضوع يا باشا

عدنا

معلش يا محمد اتأخرت عليك بس انا لسه شايف سباق المجر امبارح ومكنتش بدخل المنتدى بقالى اسبوع اصلا

سباق المانيا , برغم تعاطفى مع ماسا كسواق ملوش اى ذنب فى فشل الونسو فى تخطيه الا انى متفق مع فيرارى فى قرارهم بأن الونسو هو الاهم لو الفريق عنده فرصه فى حصد اى لقب

لكنى مازلت عند رأى ان الونسو اتنح وابجح وارخم واسوء زميل وسواق فى الفورميلا 1 , برغم احترافيته العاليه جوا الحلبه الا انه برا فى الحياه شخص متعجرف جدا

شوف التييم راديو بتاعه قبل التخطى " this is ridiculous " تحس انه بيقولهم شيلوه من طريقى , حتى بعد السباق فى تصريحاته وكلامه عن ماسا تحس ان محدش ليه اى فضل عليه والتخطى ده من حقه

كمان العقوبه اللى اخدتها فيرارى هايفه وعبيطه قوى وال FIA انحازت لهم بشكل واضح , يمكن ده سببه ان محدش يقول ان ماكلارين هى المفضله بس انا شايف ان العقوبه كانت لازم تكون بقدر الخطأ

وادينا مستنيين المحاكمه

المجر بقا , سباق ممل جدا لحد السيفتى كار

شغل الاندر جروند بتاع فيتل ده علمه درس كبير الموسم ده , يتحرق زميلك المهم تشوف مصلحتك والواد يا عينى فى البوديوم تحس انه كان هيعيط انه ضيع المركز من ايده , شخصيا ارفع القبعه لل stewards على العقوبه بتاعته لأن اللى عمله اوفر اوى

زعلان جدا على المشكله اللى حصلت مع هاميلتون ( سواقى المفضل ) , وان شاء الله فى سبا يقدر يرجع للصداره تانى

شوماخر كالعاده سواق معندوش روح رياضيه اطلاقا واستكمالا لمسلسل الغشوميه اللى مقضيه الموسم ده بس الفرق ان المره دى كان هيتسبب فى كارثه , عقوبته برده انا شايفها هايفه وكان محتاج حاجه انفخ من كدا للجديد والقديم من حركاته دى

حتى الان انا معجب جدا بأداء , روسبرج مع العربيه القديمه والجديده طلع اداء مش معقول الحقيقه وبرغم إدعاءات شومى بسوء اداء العربيه وتعديلها بالكامل وعدم رضاه عنها روسبرج زى ما يكون كان بيجيب لها اداء من بيتهم على التراك

سوتيل استكمالا للموسم اللى فات اداء مذهل , وبالذات بعد ما فيزيكلا اتركن على الرف بدأ يظهر اكتر واتوقع له قريب انتقال مهم لفريق اكبر

بيتروف مؤخرا بدأ يظهر انه مش مجرد سواق جايب سبونسر وبس , لا كمان اللى عمله مع هاميلتون فى المجر اثبت كفاءته ولولا اداء العربيه كان تخطى الماكلارين ليه هيبقى صعب

الواد كان بيحارب العربيه فى الملف اللى قبل ما لويس يعدى منه علشان تثبت لكن كان واضح قوى سوء الثبات فى العجلات الخلفيه

ويبر بصراحه اول مره الموسم ده احس انه سواق اداء العربيات التعبانه اللى كان بيركبها كانت مضيعاه , وفيتل كل يوم بيزيد احترامى ليه من ايام التورو روسو وال BMW وانا حاسس ان الواد ده هيبقى نجم فى يوم من الايام , اداءه كان دايما مميز

كوبياشى سواق عنده مستقبل مبهر , تحس انه سواق فورميلا من سنين برغم خبرته الضعيفه وانه دخل الموسم بالعربيه والظروف الغلط لكن اداءه متميز جدا

ريد بول نفسى اعرف بيجيبوا الفرق فى الاداء ده فى مجرد اسبوع ازاى , فى المانيا كانوا قريبين اوى من فيرارى بعدها ب 6 ايام بس العربيه بقدره قادر بقت اسرع ثانيه كامله من عربيه الفيرارى !!!!!!!!! , تحس انها مسحوره

ماكلارين لازم يعملوا طفره فى الاداء دلوقتى لو عايزين يتصدرو البطوله اداء الريد بول والفيرارى فى الطالع

المشاركة الأصلية كتبت بواسطة Ahmed Nouh

عدنا

معلش يا محمد اتأخرت عليك بس انا لسه شايف سباق المجر امبارح ومكنتش بدخل المنتدى بقالى اسبوع اصلا

سباق المانيا , برغم تعاطفى مع ماسا كسواق ملوش اى ذنب فى فشل الونسو فى تخطيه الا انى متفق مع فيرارى فى قرارهم بأن الونسو هو الاهم لو الفريق عنده فرصه فى حصد اى لقب

لكنى مازلت عند رأى ان الونسو اتنح وابجح وارخم واسوء زميل وسواق فى الفورميلا 1 , برغم احترافيته العاليه جوا الحلبه الا انه برا فى الحياه شخص متعجرف جدا

شوف التييم راديو بتاعه قبل التخطى " this is ridiculous " تحس انه بيقولهم شيلوه من طريقى , حتى بعد السباق فى تصريحاته وكلامه عن ماسا تحس ان محدش ليه اى فضل عليه والتخطى ده من حقه

كمان العقوبه اللى اخدتها فيرارى هايفه وعبيطه قوى وال FIA انحازت لهم بشكل واضح , يمكن ده سببه ان محدش يقول ان ماكلارين هى المفضله بس انا شايف ان العقوبه كانت لازم تكون بقدر الخطأ

وادينا مستنيين المحاكمه

المجر بقا , سباق ممل جدا لحد السيفتى كار

شغل الاندر جروند بتاع فيتل ده علمه درس كبير الموسم ده , يتحرق زميلك المهم تشوف مصلحتك والواد يا عينى فى البوديوم تحس انه كان هيعيط انه ضيع المركز من ايده , شخصيا ارفع القبعه لل stewards على العقوبه بتاعته لأن اللى عمله اوفر اوى

زعلان جدا على المشكله اللى حصلت مع هاميلتون ( سواقى المفضل ) , وان شاء الله فى سبا يقدر يرجع للصداره تانى

شوماخر كالعاده سواق معندوش روح رياضيه اطلاقا واستكمالا لمسلسل الغشوميه اللى مقضيه الموسم ده بس الفرق ان المره دى كان هيتسبب فى كارثه , عقوبته برده انا شايفها هايفه وكان محتاج حاجه انفخ من كدا للجديد والقديم من حركاته دى

حتى الان انا معجب جدا بأداء , روسبرج مع العربيه القديمه والجديده طلع اداء مش معقول الحقيقه وبرغم إدعاءات شومى بسوء اداء العربيه وتعديلها بالكامل وعدم رضاه عنها روسبرج زى ما يكون كان بيجيب لها اداء من بيتهم على التراك

سوتيل استكمالا للموسم اللى فات اداء مذهل , وبالذات بعد ما فيزيكلا اتركن على الرف بدأ يظهر اكتر واتوقع له قريب انتقال مهم لفريق اكبر

بيتروف مؤخرا بدأ يظهر انه مش مجرد سواق جايب سبونسر وبس , لا كمان اللى عمله مع هاميلتون فى المجر اثبت كفاءته ولولا اداء العربيه كان تخطى الماكلارين ليه هيبقى صعب

الواد كان بيحارب العربيه فى الملف اللى قبل ما لويس يعدى منه علشان تثبت لكن كان واضح قوى سوء الثبات فى العجلات الخلفيه

ويبر بصراحه اول مره الموسم ده احس انه سواق اداء العربيات التعبانه اللى كان بيركبها كانت مضيعاه , وفيتل كل يوم بيزيد احترامى ليه من ايام التورو روسو وال BMW وانا حاسس ان الواد ده هيبقى نجم فى يوم من الايام , اداءه كان دايما مميز

كوبياشى سواق عنده مستقبل مبهر , تحس انه سواق فورميلا من سنين برغم خبرته الضعيفه وانه دخل الموسم بالعربيه والظروف الغلط لكن اداءه متميز جدا

ريد بول نفسى اعرف بيجيبوا الفرق فى الاداء ده فى مجرد اسبوع ازاى , فى المانيا كانوا قريبين اوى من فيرارى بعدها ب 6 ايام بس العربيه بقدره قادر بقت اسرع ثانيه كامله من عربيه الفيرارى !!!!!!!!! , تحس انها مسحوره

ماكلارين لازم يعملوا طفره فى الاداء دلوقتى لو عايزين يتصدرو البطوله اداء الريد بول والفيرارى فى الطالع

تحليل رائع..و متفق معاك جداً
بالنسبة لسباق ألمانيا..أنا شايف إن فيتل معرفش يتصرف صح..عايز يزنق ألونسو..راح ماسا طالع منه مع شعار اللي يحصلني يكسرني..أنا شايف انه كان اهتم أفضل بإنه يطلع بأقصى سرعة و يمسك خط السباق بدل شغل التزنيق اللي عمله ده
شيء منطفي جداً اللي عمله فريق الفيراري مع ماسا..لأن البطولة ممكن تفرق على نقطة واحدة..زي بطولة 2008 بين هامليتون و ماسا
هي المشكلة كانت في غباء الرسالة اللي وصلت لماسا
العقوبة طبعاً حاجة مضحكة جداً .. وكلاركسون اتريق عليها في أحد حلقات السيزون ال15

المجر سباق ممل فعلاً .. أنا اتشائمت لما لقيت باتون(سواقي المفضل) في المركز ال11
و فيتل لما دخلت السيفتي كار و عمل الحركات بتاعته ديه..قلت ايه الغبي ده..ده انت و ويبر نفس النقاط
يعني المفروض تقرب منه علشان تنافس على المركز الاول في السباق و في بطولة السائقين

بالنسبة لهامليتون..أنا كنت على وشك اقفل التليفزيون أو احول القناة
ايه السباق النحس ده..يعني هيضيع عليه مركزه الاول في بطولة السائقين و هيضيع على الماكلارين صدارة بطولة الصانعين..بس قلت مش مشكلة..أكيد باتون هيبقى قد المسئولية..و ياخد مركز خامس على الاقل..و اللفة تجري ورا اللفة و مفيش حاجة بتتغير و السباق خلص و خد المركز السابع..و لو كان باريكيللو لعبها صح كان باتون بقي تامن و لا تاسع.

حاجات ضايقتني قي السباق:
*خروج هامليتون
*انطلاق باتون من المركز ال11
*غباء فيتيل
*تصادم سوتيل و كوبيسا في منطقة الPit
*انسحاب روزبيرج

حاجات كويسة في السباق:
* ويبر خد المقدمة و لزق فيها مش عايز يسيبها..دخل يغير الاطارات و خرج و محافظ على الصدارة
*تخطي باريكيللو لشوماخر
*أداء بيتروف الرائع

ايه كل الكلام الكثير اللي انا كاتبه ده..مكنتش اتخيل اني اتفرج على الفورميلا أصلاً فضلاً عن ابداء ملاحظات على السباق.عقبال الWRC
شكراً لك يا أستاذنا

المشاركة الأصلية كتبت بواسطة Moh.Abdelbaset

تحليل رائع..و متفق معاك جداً
بالنسبة لسباق ألمانيا..أنا شايف إن فيتل معرفش يتصرف صح..عايز يزنق ألونسو..راح ماسا طالع منه مع شعار اللي يحصلني يكسرني..أنا شايف انه كان اهتم أفضل بإنه يطلع بأقصى سرعة و يمسك خط السباق بدل شغل التزنيق اللي عمله ده
شيء منطفي جداً اللي عمله فريق الفيراري مع ماسا..لأن البطولة ممكن تفرق على نقطة واحدة..زي بطولة 2008 بين هامليتون و ماسا
هي المشكلة كانت في غباء الرسالة اللي وصلت لماسا
العقوبة طبعاً حاجة مضحكة جداً .. وكلاركسون اتريق عليها في أحد حلقات السيزون ال15

المجر سباق ممل فعلاً .. أنا اتشائمت لما لقيت باتون(سواقي المفضل) في المركز ال11
و فيتل لما دخلت السيفتي كار و عمل الحركات بتاعته ديه..قلت ايه الغبي ده..ده انت و ويبر نفس النقاط
يعني المفروض تقرب منه علشان تنافس على المركز الاول في السباق و في بطولة السائقين

بالنسبة لهامليتون..أنا كنت على وشك اقفل التليفزيون أو احول القناة
ايه السباق النحس ده..يعني هيضيع عليه مركزه الاول في بطولة السائقين و هيضيع على الماكلارين صدارة بطولة الصانعين..بس قلت مش مشكلة..أكيد باتون هيبقى قد المسئولية..و ياخد مركز خامس على الاقل..و اللفة تجري ورا اللفة و مفيش حاجة بتتغير و السباق خلص و خد المركز السابع..و لو كان باريكيللو لعبها صح كان باتون بقي تامن و لا تاسع.

حاجات ضايقتني قي السباق:
*خروج هامليتون
*انطلاق باتون من المركز ال11
*غباء فيتيل
*تصادم سوتيل و كوبيسا في منطقة الPit
*انسحاب روزبيرج

حاجات كويسة في السباق:
* ويبر خد المقدمة و لزق فيها مش عايز يسيبها..دخل يغير الاطارات و خرج و محافظ على الصدارة
*تخطي باريكيللو لشوماخر
*أداء بيتروف الرائع

ايه كل الكلام الكثير اللي انا كاتبه ده..مكنتش اتخيل اني اتفرج على الفورميلا أصلاً فضلاً عن ابداء ملاحظات على السباق.عقبال الWRC
شكراً لك يا أستاذنا

يا باشا متقولش كدا انا معملتش حاجه اصلا انت اللى تابعت واتعلمت كل حاجه بنفسك , الفضل يرجع لك انت بس

حته هاميلتون دى ضايقتنى قوى , وعلى كدا كتير على فكرة انه يبقى فى موقف كويس جدا وفجأه يلبس او يحصله مشكله , تحس ان الدراما ماسكه فى سبويلر عربيته من يوم ما دخل الفورميلا

فيتل انا شايف انه مكنش غبى قوى , هو حسبها ببساطه

لو عمل كدا هيبقى ويبر التانى وراه فبالتالى هيحجز عنه الونزو اللى بالتأكيد محدش على الجريد عايزه يبقى فى ظهره نهائى خاصه بعد اللى وصلت له الفيرارى من سرعه , لكن العقوبه اللى خدها شقلبت له الموازين وبدل ما كان بيحمى نفسه وبيعد الجمايل على ويبر قدم المركز الاول والثانى على طبق من ذهب للأتنين

وبرغم انه كالعاده خرج من العقوبه زى الصاروخ الموجه فى ظهر الونزو الا ان مش ده السواق اللى الضغط النفسى او التنطيط وراه على التراك يخليه يغلط , الونزو شويه زى شوماخر من النوع اللى لما بيرشق فى مركز بيبقى بالنسبه له مسأله حياه او موت بعكس ان الاول بيعمل اداء عالى بدون اى اخطاء تسمح للخصم بالمرور والتانى بياخدها بالدراع زى ما كان هيتسبب فى عمل فيلم تسجيلى عن حياه براكيللو اللى انتهت على ال PITWall

حادثه سوتيل وكوبيسا طلبت معاى بضحك مش طبيعى اول ما شوفتها , كنت حاسس انهم سواقين اجره فى موقف عبود :))

اللولى بوب المحترم بتاع رينو نسى ان الفورس انديا فى ظهره وافتكر ان سوتيل عمل ال pitstop بتاعته وخلاص خارج وده اللى خلاه طلع كوبيسا من البوكس وحصل اللى حصل , وعجبنى لما كوبيسا خرج يقاوح على التراك وراح واخد عقوبه قضاها وبعدين قالك هى ليله نحس من اولها فضولى مكان انا راجع يا رجاله :)

ويبر المحظوظ الاطارات ال soft لعبت معاه المره دى دور ولا فى الاحلام واستمرت لعدد لفات قياسى خلاه طبعا بفرق سرعه الريد بول يعمل كل الثوانى دى ويقضى ال Pitstop ويطلع فى الاول بفرق كبير لسه , فى الظروف العاديه انا شايف ان ده كان هيبقى سبق فيتل او الونزو

بيتروف فعلا متميز جدا , من ساعه ما امه بطلت تحضر السباقات والواد ظهر

يمكن مكنش بيحب يجرى قصاد امه قوى !!! , مش عارف بس هو فعلا السباق ده اثبت نفسه

كمان كنت نسيت اقول هولكنبرج عاجبنى الموسم ده , حاسس ان الواد ده هيجى منه جامد مستقبلا

لو اتفرجت له على ال GP2 هتلاقى فعلا اداءه عالى قوى


لو عايز تتابع حاجه كمان , جرب ال BTCC وال WTCC و ال DTM وال GP2 وال GT1


خصوصا ال GP2 لو تابعته قريب قوى من الفورميلا ومعظم السواقين الجدد فى الفورميلا جايين منه , انا بتابع السباقات دى بس لما موسم الفورميلا بيخلص اقعد اتسلى فيهم فى ال 4 شهور الراحه بتاعه الفورميلا

الرالى مبستمتعش بالفرجه على الموسم مش عارف ليه !! , شغل لقطه من حته من كل سواق دى رخمه قوى ومش ممتعه