ياه فكرتوني بايام زمان انا متابع قديم شويه انا من ايام موسم 94 ووفاة ايرتون سينا و صعود نجم مايكل شوماخر وانا كنت بحب اوي دايمون هيل اللي كان دايما بيخنق عليه مايكل شوماخر مش اكتر وعموما مايكل فالاخر اعجبت بيه لاسلوبه الهجومي انما بعد حوار باركيللو ده كده بقا سواق ميكروباص يا جدعان وانا كان نفسي من زمان الاقي مصريين بيتكلمو فالفورميلا وان ومصدقتش عنيا اما شفت كم الناس الجامده اللي هنا فالموضوع ده رغم اني مبقتش متابع زي زمان الا اني فرحان اوي واحب اضيف رايي اللي يعتبر ولا حاجه جمب اراءكم خصوصا انكم بجد عارفين كويس اوي وبتتكلمو فالاساليب والتجاوزات ربنا يزيدكم وموضوع جامد جدن اشكر اللي ابتداه
رايي في سباق المجر
احب اقول حاجه سباق المجر على مر السنين اللي بيحتل الصداره بعد الانطلاق خلاص كده هوه الفايز الا لو هطلت امطار او حصل انسحابات وعشان كده على مر السنين السياره الاقوى فالموسم هيا اللي كانت دايما بتكسب فيه طبعا اليومين دولم مفيهاش اقوى سياره زي زمان التنافس بقا عالي جدن على عكس المواسم اللي تلاقي فيها فريق واحد مسيطر
المفضلات