الموضوع: الحقونى يا جدعان فى عرضكو انا فى مطروح و محتاس

المشاركة الأصلية كتبت بواسطة samirayad

حمدا لله على سلامتك أولا

وسؤال كده على السريع

هو عرف منين أن مجموعة الخامس تعبانه

من وصفك ولا جرب العربيه معاك

على فكره هو واضح أنه مش شاطر أوى

لأن صعب تحيد العيب من الغويشه أو مجموعة الخامس ( إلا بعد تفوير الفتيس )

الله يسلمك يا هندسة
و الله هو الراجل قال ممكن تكون حاجة مفكوكة عند العصاية بس دخل و جرب وقالى ان حكاية التروس اللى نعمت دى و بعدين قالى انا هحل الفتيس و الشغل ده بس طبعا قولتله مش النهارده لانى مش هينفع اعمل شغل هناك و غالبا لما هعمل الشغل ده هيبقى عند عبده

المشاركة الأصلية كتبت بواسطة emo_ayman

وعليكم السلام ورحمة الله وبركاته.

بكرة بمشيئة الله هكون جنبك فى مطروح.فى اى حاجة ممكن اساعدك بيها او اجيبها معايا تقدر تساعدك؟

ولو الاخ الفاضل المهندس سمير(بارك الله فيه) يقدر يقول على اى حاجة تنفع الاخ صاحب الموضوع اقدر اعملهاله؟

طمنا يا باشا انك وصلت بالسلامة و لو عزت حاجة من مطروح قولى و يا ريت لو اقابلك على الاقل ابقى اتعرفت على حد من اعضاء المنتدى طالما حكاية اننا نتقابل كلنا دى مش نافعة مع الناس

الموضوع ده حصل معايا فى الاكسنت بس كان الغيار الرابع وبقى بينطر كتير مشيت بيها حوالى شهريتن تلاته وبتاع الفتيس قالى لو كان الخامس كنت فكين الفتيس من الجنب بس وقلتلك فيه ايه لكن كده لازم نفور الفتيس كله ونشوف فيه ايه ريحت دماغى وجبت واحد استيراد وبدلتهم

بص بصراحة انا لو لقيت ان فى حلين واحد انى افور الفتيس و واحد تانى هختار الحل بتاع التفوير لسبب عشان اطمن على باقى اجزاء الفتيس و كمان ان شاء الله هغير ديسك و بلية و اسطوانى بالمرة بما انى و نزلت الفتيس و خصوصا ان اللى كنت مشترى منه العربية كان ربنا يسامحه مش بيعمل فيها اى صيانة تقريباو ده اللى اكتشفته
يعنى كل الصيانات اللى بعملها دى اول مرة تتعمل فى العربية

سلام عليكم يا شباب
اولا الحمد لله انا رجعت القاهرة
اللانوس عربية اصيلة و الله يا جدعان انا رجعت بيها من مطروح على الرابع بس كنت سايق 80\90 بس و صلتنى و كمان كنت شايل فيها حاجات كتير غير افراد الاسرة و هى فى حالتها دى ..... الحمد لله اووووووى
المهم بقى انا بكرة ان شاء الله عايز اعمل الشغل اللى فى العربية اروح لمين و لا اروح للمكانيكى بتاعى ولا فى حد متخصص فى الموضوع ده يعنى ايه افضل الحلول ؟؟