الموضوع: الحقونى يا جدعان فى عرضكو انا فى مطروح و محتاس

السلام عليكم فى الاول

انا عندى مشكلة بتهيألى انها جامدة جدا
المشكلة بدأت من امبارح
كان واحد زميلى فى الشغل قابلنى و انا ماشى على المحور المهم شدينا مع بعض هو عربيته 2007 و انا عربيتى 2002 المهم شدينا لاحظت ان فى فرق كبير فى السحب بينى و بينه يعنى لو افترضنا ان عربيته لانوس يبقى انا عربيتى كانت 128 او اشد حاجة بسيطة
المهم وصلت الشغل و خلاص
و انا طالع من الشغل لقيت ان العربية السحب بتاعها بقى ضعيف بقت كانها 128 بجد
قولت يمكن بيتهيالى
المشكلة الكبيرة حصلت النهارده و انا مسافر مطروح
طبعا قبل ما اطلع شيكت على المية و ظبطت الكاوتش و زيت الباكم و الباور اتطمن عليهم و كذلك زيت المووتور طبعا دا اول حاجة
بعد ما عديت البوابات بتاعه القاهرة فى طريق اسكندرية الطريق كان مغرى و مشيت معظم الطريق 140 بس حاسس ان العربية مخنوقة و صوتها عالى قولت اكيد المشوار ده هيفكها
فصلت ازود لغاية ما وصلت 160 و الوصلة بتاعة وادى النطرون كلها واخدها 160 كم/س العربية مكانتش عايزة تجيب اكتر من 160 مع انى كنت لازق الدواسة فى الارض
و بعدين ريحتت شوية بعد ما عديت طريق وادى النطرون يعنى عند العلمين
طلعت بالعربية و مشيت و عادى
المصيبة
و انا ماشى اديت الخامس مفيش دقيقتين لقيت الغيار نطر بمعنى انا التعشيقة اتفكت و كانى دايس بنزين على المور
اتفاجئت قولت جايز مكنتش مدى الغيار كويس فاديت الخامس تانى و اكدت عليه لقيته فك تانى
هديت شوية و قلت همسكه بايدى يعنى مش هخليه يرد
و قد كان ميكت فعلا العصاية شوية و مشيت و حاولت ترد ولكن انا كنت ماسك العصاية بتاعة الفتيس فمرجعتش و لكن سمعت صوت زى بتاع غيار مش متاخد كويس
و عدت نفس الحركة كذا مرة
فى الاخر بقيت ماسك العصاية و لكن كان التروس مش ماسكه فى بعض يعنى بسمع صوت احتكاك التروس مع بعض لكن العربية مبتمشيش يعنى كانها مش واخده الغيار اصلا
فكيك و حاولت اجيب الخامس تانى لقيت ان العصاية بتروح فى مكانها الطبيعى لكن المشكلة مازالت قائمة فى الاخر مشيت حوالى 130كم على الرابع ما بين 80/ 90 حاجة زل يعنى

انا مش عارف دلوقتى المشكلة فين
هل ممكن تكون فى ان قاعدة الفتيس مش مظبوطة و لا مجموعة تروس الخامس باظت و لا ايه
انا عارف انى قرصت على العربية لكن انا سافرت قبل كده مع زميلى الغردقة و اخدنا الطريق كله فى 3 ساعات و نص و 170 /180 و مكانش فى مشاكل و الردار مسكنا 170 المقصود ان اللى انا عملته النهارده بتهيألى فى نطاق الطبيعى

اسف جدا للاطالة و لكن حبيت اشرح الموضوع بالتفصيل و كل اللى عملته عشان الصورة تكون عندكو كاملة
تحياتى للجميع
و فى انتظار الافادة
انا لسه واصل مطوح من شوية و مش عايز اخلى حد يعك فى العربية