الموضوع: تجربتى مع مركز السبع

يا بسكوتة انتي فعلا بسكوتة و دا باين في كلامك الجميل و بصراحة انتي جبتي الخلاصة

بقولها وبكل صراحة لولا ربنا اولاً ثم مركز صيانة السبع كان زمانى بايع التيدا من زماااااان
يجماعة احنا بشر ومفيش اى حد مابيغلطش بس اما تكون نسبة الاخطاء لا تذكر بالنسبة للمزايا فده إنجاز
بصراحة مركز السبع تعبو معايا كتير وكانو بيحاولو يرضونى بأى طريقة كأنها عربيتهم ومتهايألى لو كنت روحت لأى مركز تانى مكانوش هايعملو معايا اللى عملو مركز السبع
بإذن الله انا قربت اروح معاد الصيانة بتاعى وناوى اعمل تقرير مصور للمركز وكل الخطوات اللى بتتم أثناء الصيانة وتشوفو مدى الاهتمام والاتقان

ثواني بس يا رجالة
أزاى وطوا الدبرياج وهو أساسا مش بيعلي ولا يوطي عشان علي زيت
و حكاية الدوران الصبح دي و الله اعلم من البطارية
و النور العالي فعلا كان عندى زيك بالظبط كان ضارب لفوق خالص و الواطى كمان بس و انا بعمل صيانه ال1000 قولتلهم عليه و دخلت كمان الورشة غتاته في البريك بتعهم و خليت الفنى ايلي هناك يعمله قدامى
يعنى المشاكل دى تتحل عادى
و تقريبا برضة صوت التكييف عادى عشان بيحمل علي الموتور فده طبيعي متقلقش

المشاركة الأصلية كتبت بواسطة baskota

ميرسى يا بيشوى
ربنا يخليك ده بس من ذوقك :_alshmokh23[1]:
مش هتجيب المدام وتيجى بقا ولا اقاطع قسم نيسان ده خالص

بصراحة يا بسكوتة اسكندرية دلوقتي كل جمهورية مصر العربية بتصيف فيها .. ان شاء الله هنيجي في رمضان و بعدين قسم نيسان مش هيبقي ليه طعم من غيرك

المشاركة الأصلية كتبت بواسطة tigerman

نرجع تانى للكلام فى الموضوع . العميل زى متفضل قال انة نزل بعد ساعة ولاقى العربية لسة مدخلتش ودة مش اهمال زى متفضل وقال... دة لان السيارة اتحددلها ميعاد تسليم من البداية العميل موافق علية وموقع فى محضرة الاستلام بالموافقة على ميعاد استلام 4 ونص وحيث انة جة الساعة 1 و 40 دقيقة ونزل ولاقى العربية زى مهيا بعد ساعة يعنى الساعة كانت تقريبا 2 و 40 دقيقة او 3 وطبعا الصيانة بتاخد ساعة ونص زى مقولنا فى البداية يبقى المهندسة كانت وضحه فى شغلها من البداية لما حددت ميعاد الساعة 4ونص فعلا الموضوع مش اهمال وتقصير وبرود الموضوع مش اكتر من نظام للشركه الموظفين والمهندسين والادارين بيطبقوة والا اكيد ميزعلش حد
ملحوظه : الشركه مسئولة عن ميعاد تسليم السيارة للعميل بعد الاصلاح وطالما العميل موافق يبقى الكلام على ميعاد التسليم مش التسلم
طبعا مش حتكلم كتير عن موضوع سرقة السيارات من عندنا لان عدد السيارات المسروقه لحد دلوقتى يفوق الخيال والوصف حوالى 0 حالة سرقة وثانيا لان "مفيش" افراد امن موجود فى مكان السيارة وثالثا لان العميل تقريبا مش بياخد بالة ان دة هوة النظام الموجود فى اى مركز صيانة تانى
نتكلم عن " الولد " الا المفروض انة يكون فنى مدرب وفاهم وواخد كورسات فى نيسان مصر فى الاصلاحات الا اذا مكنش واحد من الفنين الا بيسافرو الامارات كل سنة على حساب الشركة عشان يخدو كورسات على اعلى مستوى فى نيسان الشرق الاوسط وبعيدا عن كلمة "ولد" والا طبعا بتوحى بعدم اقتناع العميل بشكل الفنى الا بيشتغل فى السيارة فممكن يحصل فعلا ان فية مشاكل تحصل فى السيارة ومتشوفهاش غير بعد متخرج من المركز ودة مش بيحصل فى السبع بس دة ممكن يحصل فى اى مركز فى العالم كلة والا مكنوش عملو خدمة عملا اساسا لمعرفة رأى العميل فى الاصلاح وشكواه . واكيد خدمة العملا عندنا اتصلو زى ماكل العملا الكرام بيجو عندنا وبنتصل بيهم وساعتها ممكن وياريت تقولنا هما ردو على شكوة حضرتك ازاى ومسبقا اى عميل بيشتكى من اى مشكلة فخدمة العملا بحددة ميعاد تانى يجيى يفحص فية السيارة مع مدير الورشة او مدير المجموعة شخصيا وكمان العميل بيقدر يحدد الميعاد الا يناسبة
طبعا فى النهاية اسف على طول ردى وازعاجى لحضراتكم واحب ابلغ من دلوقتى انى مش برد بشكل رسمى على شكوى العميل لانى مش مسئول عن دة انا برد بدافع عن احترامى للشركة الا شغال فيها وبحس فيها بكل تقدير للعملاء سوا كانو على حق او لا
واخير احب اقدم كامل احترامى لكل كلمة تفضل العميل وقلها وارجو انة يلاقى معاملة افضل وخدمة افضل لسيارتة فى اى مكان يختارة

وشكرا ..,,

الحقيقه كلام كله ذوق وفى قمه اللياقه

ولكن انا لما باكتب عن راى فى خدمه قدمها لى مركز خدمه مشهور زى السبع الذى كنت اتوقع منه مستوى عالى من الاحترافيه

باقيم الخدمه كالتالى :

المشاكل اللى كانت فى العربيه ومدى امكانيه حل المشاكل ولو حضرتك قريت كلامى بتركيز حتلاقى فيه اللى ممكن يضايق اى بنى ادم طبيعى وهو خروج العربيه بعيب ما كناش موجود فيها وهى داخله وهو ضعف السحب مع تشغيل التكييف

وكذلك عدم حل مشكلتين وهما:
1- تاخر الدواره صباحا
2- صوت الونه فى التكييف

مش حاطول كتير علشان يبقى فيه تركيز فى الكلام

لو ده فى رايك حاجه متضايقش اى عميل يدخل عندكم يعمل صيانه 1000 يبقى انا اللى عندى حاجه غلط مش انتم