أغتيال يوسف السباعي - أنور السادات - الكوماندوز المصري - الكرامة المصرية

**ahmedsamir79** · 26-07-2010 09:41 PM

كان تصرف أحمق و طفولي من السادات

**mahmoud_afifi** · 26-07-2010 10:19 PM

السادات كان عنده كرامه بس متكبر وده كان واضح جدا في حرب اليمن.
وكان متكبر حتى على جميع الدول العربيه وتقريبا ده سبب بداية كره الناس لمصر بعد عبدالناصر الله يرحمه.
جه حسني مبارك وكملها خالص بقى.

موضوع جميل بالمناسبة وانا كنت قريت عنه قبل كده عشان بحب الحاجات التاريخيه.

**kh_talaat** · 27-07-2010 11:33 AM

المشاركة الأصلية كتبت بواسطة جمال

من معلوماتى ان الذى امر بتنفيذ عملية قبرص هو السادات
اما من قام يقيادة العملية من مصر و خطط لها فهو حسنى مبارك

استاذ جمال عميد المنتدى

واحشني كتير والله ... ازدنا يا باشا من خبراتك

**kh_talaat** · 28-07-2010 11:07 AM

أعتقد نتيجة العملية لخصتها الصحف المصرية وقتها في جملة واحدة

فقدنا 15 شهيدا لننقذ 11 رهينة ... !!!

**hesham_tawfiq** · 28-07-2010 12:26 PM

كان عمل احمق من السادات بس حتى فى حماقته كان سابق زمانه
اللى عملو هو دلوئتى امريكا وفرنسا وكل الدول الغربيه بتعمله اقتحام وتنفيذ عمليات كوماندوز فى اراضى دول اجنبيه بدون اعلام حكوماتها
السادات لما حسبها كان فاكر ان قبرص دوله هفء وبدون جيش فهتكون فرصه للعب دور والظهور بمظهر الشرطى فالمنطقه ومش هيقدروا يردو علينا بس اخد درس قاسى

**AshTurbo** · 28-07-2010 01:32 PM

هو كله هيدخل يقول عمل أحمق كدة وخلاص هو السادات كان عارف أن القوات القبرصية هتضرب الجنود في ضهورهم وتموتهم وهم بيحرروا ركاب مصريين وبيقبضوا على أتنين مجرمين حثالة موتوا راجل محترم محب للقضية الفلسطينية ومدافع عنها بحجة أنه راح مع السادات لأسرائيل ؟

قبرص كدولة تواطئت مرتين مع القتلة مرة لما سمحتلهم أنهم يدخلوا البلاد بأسلحة ويدخلوا الفندق بالأسلحة بتاعتهم من غير تفتيش ولما تركت الوفد المصري بأكمله دون حماية كل دة أهمال وعدم أحترام للدولة المصرية والمرة الثانية لما مرضيتش تسلم المجرمين لمصر وحكمت عليهم بحكم مؤبد مع أن المفروض يعدموا وبعد كدة أطلقت سراحهم بعد كام سنة .

السادات ياجماعة رد فعله واضح وهو لا تسمح ولا تهاون مع من يقتل أو يأسر أبن من أبناء مصر وهو اللي أمر بأرسال الجنود وحسني مبارك كان هو النائب وقتها والسادات كان مسافر والنائب هو من يدير شئون البلاد في غياب الرئيس يبقى محدش يقولي عمل أحمق من السادات والمقصود من الموضوع ليس تحديد المسئول ولكن المقصود أن أيام السادات كان في قيمة وكرامة للمواطن المصري لكن دلوقتي الواحد بقى دمة بيتحرق وقلبة يتعصر وكل يوم أولادنا بيموتوا ويتسحلوا عشان يجيبوا القرش اللي ياكلوا بيه ... القرش اللي مش لاقينوا في بلدهم زي ماهم مش لاقيين كرامتهم بالظبط .... الكرامة يا أخوننا فاكرينها ولا نسيتوها ؟

**Dr Zezo** · 28-07-2010 03:33 PM

هو السادات كان عارف أن القوات القبرصية هتضرب الجنود في ضهورهم وتموتهم وهم بيحرروا ركاب مصريين

الفكرة كالتالي

الطائرة التي كانت تحمل القوات الخاصة المصرية تم ابلاغ القبارصة انها تحمل وزيرا مصريا للتفاوض مع الارهابيين و متابعة الموقف

اي انك لم تأخذ اذن الدولة صاحبة الشأن

ماذا تتوقع منهم

يستقبلوك بالورود ؟!

ننظر حولنا

فرنسا دولة عظمي اختطف لها رهينتين مؤخرا في منطقة دول الساحل و الصحراء قامت بالتعاون مع قوات دولة مالي بالتدخل العسكري لتحرير الرهنتين

مثال اخر

عندما اختطف مسلحين من دارفور مصريين و المان ارسلت المانيا تطلب من مصر ارسال فريق من القوات الخاصة الالمانية للمساهمة في اي عملية لتحرير الرهائن

و ظهروا بالفعل مع القوات المصرية

لو قامت هذه القوات الاللمانية بالهجوم علي مطار شرق القاهرة العسكري و احتلته لتنطلق منه الي تحرير الرهائن الالمان دون اذن مصر

ماذا سيكون رد الفعل ؟!

عندما نتكلم بالمقارنة مع المواقف الامريكية او الاسرائيلية لنا وقفة

لأنه هذه الدول لها قوة قادرة و قاهرة عسكريا و سياسيا و اقتصاديا لتنفذ اهدافها

اما انت

فلا

اذن تلوم من تسبب في عدم وجود القوة القاهرة لديك كي تتمكن من حماية مواطنيك بالشكل الذي تراه

لا تحييه علي مغامرة ادت الي فضيحة عسكرية و سياسية

و استشهاد 15 جنديا يرتدون الزي العسكري المصري و بأسلحتهم المصرية و وقوع الباقي بالاسر لهو اشد و اوقع ضررا من مقتل وزير مصري في عملية ارهابية و احتجاز رهائن اخريين

**hesham_tawfiq** · 28-07-2010 04:01 PM

المشاركة الأصلية كتبت بواسطة ashturbo

. الكرامة يا أخوننا فاكرينها ولا نسيتوها ؟

ياباشا ومين قاللك بس اننا نسيناها
احنا بنتكللم على عمل تم لايمت للاعراف الدبلوماسيه والعسكريه والسياسيه بصله

وبعدين لما تشوف الفيلم اللى فالرابط تكتشف ان الوزيرالقبرصى كان بؤول انهم قبل تدخل المصريين كانو تقريبا توصلوا لصيغه لحل المشكله

طب حط نفسك انت مكانهم وقول هتتصرف ازاى ماهوزى منتا خايف على سمعة بلدك هماكمان والحادثه وقعت على ارضهم يبئى هما على الاقل يكونو عارفين باللى هيحصل من طرفنا

لعلمك انا بحب الراجل دا جدا جدا وبحترمه لانوكان سابق تفكير مجموعة الحكام الجهله اللى كانو فى عصره وكفايه انو لولا عدم تقديم الدعم الكافى من الدول العربيه مكنش اضطر لقبول وقف اطلاق النار

**aymanshebl** · 21-05-2013 11:09 AM

معلش مع ان الموضوع قديم بس انا حبيت اوضح بعض النقاط واضح من الاحداث و الاغتيال ان قبرص كانت متواطئة بالسكوت و العلم عن الاغتيال لان الناس داخلة الفندق باسلحتها فى ظل وجود مؤتمر دولى و كمان سمحت للطائرة بالعودة اليها مرة اخرى بعد رفض دول عديدة لهبوطها منها عدة دول عربية و كمان اللى حصل ساعة التفاوض من منح المجرمين جوازات للهروب بها و كذلك المحاكمة و العفو و اطلاق سراحهم كل ده يدل على التواطوء ولا لا مش كل حاجة بتحصل بين الدول تتقال لكن الواحد بيقرأ بين السطور لان قبرص نفسها افرجت عنهم بعد تهديدات ابو اياد بضرب اهداف و منشات سياحية فى قبرص يعنى تاثير مباشر على اقتصادها السادات الله يرحمها كان عارف كل ده بدليل انه ارسل فرقة كوماندوز لتحريرو تاديب الجناة لكن اصطدام بخيانة الجانب القبرصى و انحيازه للجناة و قطع العلاقات ردا على هذا الموقف بعد ما القوات و الرهائن رجعوا و كرمهم مش اخفاءا للهزيمة لكن تقديرا لدورهم البطولى اللى لم يكتمل و قبرص لم تقف موقف الدول المحترمة فى التعامل مع الموضوع و الجناة و انما موقف واحد خايف على الكام قرشين اللى بييجو للبلد يبقى السادات هيقف متفرج على التهريج ده لا طبعا فكان لازم يتصرف على هذا النحو و بأسأل سوال مين من القادة اين كان ممكن يعمل اللى السادات عمله الراجل كان راجل دولة بجد و معملش الفعل ده عن خطا او بطريقة طفولية الراجل ده نادرا انه يتكرر بجد الله يرحمه و تصرف تصرف الدول المحترمة الكبرى اللى بتحمى حياة و كرامة مواطنيها فى اى مكان فى العالم و يكفى نشوف اللى بيحصل فى سينا دلوقتى و بالنسبة للقضية الفليسطينية اللى ساعتها كانوا بيقولوا ان السادات اتخذها ذريعة للتنصل منها و انا عاوز اعرف هو اللى تنصل منها و لا هما ؟؟؟!!!

الموضوع: أغتيال يوسف السباعي - أنور السادات - الكوماندوز المصري - الكرامة المصرية

LinkBack

أدوات الموضوع

عرض

-

-

-

-

-

المواضيع المتشابهه

فى مثل هذا اليوم عودة الكرامة المصرية طابا

دعوة لشراء المنتجات المصرية إنقاذا للإقتصاد المصري

السادات بطل العزة و الكرامة عاش بطلا و مات شهيدا

خطاب النصر للزعيم أنور السادات

رسالة الرئيس أنور السادات إلى الملوك والرؤساء العرب عشية توقيع معاهدة كامب ديفيد

الكلمات الدلالية لهذا الموضوع

المفضلات

المفضلات

ضوابط المشاركة