منقول : تهشم سيارة مواطن حاول تجاوز موكب السفيرة الأمريكية!

**brown-eyes** · 26-07-2010 12:16 AM

المشاركة الأصلية كتبت بواسطة ahmed samy

لا يا صاحبي

ده رد واقعي من شخص عرف انه ذليل في بلد بلا كرامه

و بيني و بينك تعبت من محاولة رفع راسي وسط الطين اللي عايشين فيه ده

خلاص بقى عرفت ان هنا لا قيمة و لا تمن

ان شاء الله ربنا يكرمنى و أعيش حر في بلد تانية مافيهاش مواكب

بس مدام أنا هنا .....يبقى لما تشوف موكب ماتتنحش علشان ماتطلعش على الرصيف أو تنضرب طلقة زي أي كلب .

اوعى تيجي

اوعى تفكر تيجي

الأمال اللي بتقول ان الردود مخيبة ليها دي أحلام

لا أنا و لا أنت و لا أولادنا هايشوفوا البلد دي زي ما نتا عايز يمكن بعدهم ...و يمكن أكتر من كده

بس احنا و هم ...لأ

يبقى نعيش بقى

عندك حق الزعل مابقاش ليه لازمة بصراحة هي مصر كده وهتفضل كده واللي عايز يعيش مبسوط لازم يتاقلم مع الوضع
انا جربت كذا مرة اعيش كده ولاقيت الحياة حلوة يعني اركن صف تاني ولو واحد داخل عكس عديه هتلاقيه الحياة حلوة عارف انا عاجبني حاجة في الطليان بيتعاملو مع اي حاجة يعني في ناس بتركن صف تاني كتير وساعات ناس بتغلط كتير مابلاقيش خناقات ولا اي حاجة يعني لو واحد ماشي قدامك وقف فجاة تعديه وتطلع منه عادي خالص باكتير اوي بيشتمو وهما بصراحة الشتيمة في بقهم عادي حتي في التلفزيون :)

ربنا معاك وتخلص موضوع السفر بسرعة لان احساس ان الواحد متعلق كده احساس وحش اوي عارف انك هتسافر ومش عارف امتي انا عشت الموضوع سنتين وتعبت الواحد ما كان بيصدق يشوف اي حاجة سلبية ويقعد يشتم في البلد واللي ماسكنها
عموما مفيش فايدة !

**Dr Ahmed** · 26-07-2010 01:01 AM

المشاركة الأصلية كتبت بواسطة COOLCHEETOS

اه طبعا لازم تكون كيداهم جزء من الخبر

بس اللى انا مستغربله ازاى السيراتو مقصاتها اتكسرت وفضلت حتة واحدة ازاى يعنى كل عجلة ماخدتش جزء من العربية وراحت فى ناحية
واتبقى صاحب العربية ماسك الطارة وقاعد على كرسى وتحتيه فردة كاوتش
تبقى اكيد مش سيراتو

ههههههههههههههههههههههههه هههههههههههه

**MOSTAFABASAL** · 27-07-2010 01:42 AM

المشاركة الأصلية كتبت بواسطة zakiali

الحرس الخاص ليه الحق في الدفاع بالطريق دي من غير تفكير .. لأن ممكن السياره دي تكون مفخخه واللي عمل كده الصراحة وحب يعمل فيها ستيف واندر وهو شايف الأعلام الأمريكية وعربيات الفورد اكسبيديشن المصفحة وراها .. غبي الصراحة وكويس انهم مضربهوش بالنار كمان .. يحمد ربنا ان أمن الدولة مخدهوش ونفخوه هو وعيلته كلها

**A_H_M_A_D** · 27-07-2010 09:10 AM

لو كان عمل كده مع موكب وزير مصري كان هايحصله الأنيل من كده

**Mzeid** · 27-07-2010 10:16 AM

لا تعليق و فخور أني مصري يا جدعان

بس للأعضاء اللي بيقولوا دة موكب و مش موكب دي بلدي مش بلدهم

**Dr Ahmed** · 27-07-2010 12:07 PM

المشاركة الأصلية كتبت بواسطة mzeid

لا تعليق و فخور أني مصري يا جدعان

بس للأعضاء اللي بيقولوا دة موكب و مش موكب دي بلدي مش بلدهم

وهو فى بلدهم بيحصل كده؟

**Mzeid** · 27-07-2010 12:10 PM

المشاركة الأصلية كتبت بواسطة dr ahmed

وهو فى بلدهم بيحصل كده؟

ههههههههههه
ضحكتني يا دكتور

**mahmoud5777** · 27-07-2010 12:49 PM

اكيد هو اللى غلطان لأن فى العادى الموكب بيبقى طاير
ومن وجهة نظر الحراسة هما طايرين وفجأة يلاقو عربية طاير وعمال يمين في شمال عاوز يخطى أو حاجة هاتفكر فيها انو ده عاوز يعمل حاجة تانى احتمال تفكر فيه انو ده موش فاهم هو بيعمل ايه وفى الحالة دى يبقى نفهمه وده اللى حصل افترضو حسن النية وراحو مزنقين عليه بس
والغلطه غلطتوا
وعلى ما اظن انو لو فى موكب مشابه فى اى دولة خاص بدولة اخرى محتمل ان يتهاجم علشان الدولة بتاعتوا بتتعرض لانتقادات كتير حراسته هاتتصرف بنفس الطريقة
احنا اتصرفنا بنفس الطريقة فى اديس ابابا وكمان ضربنا نار والريس لف ورجع على المطار على طول بيدون سابق انزار
يعنى من الآخر ده التصرف الطبيعي

**tamatemo** · 27-07-2010 01:31 PM

انا كنت شغال في شركة في وسط البلد جنب السفارة الامريكية

البهوات وهما ماشييت بالاكسبلورر او الكسبيديشن ماشيين بيها فاتحيين الازاز والرشاش طالع منه والعربيات ارقمها خضرا يعني بيتقول للبعيد هيئة دبلوماسية

وعربيات حراستهم معروفة باللون الاسود وعربيات الشخصيات العامة عربيات بيضا واحيانا بيتكون عربيات فان
لما يجي الافندي وفاكر نفسه ذكي وعاوز ياخدهم من الجنب

دي حاجة تانية بقي

يحمد ربنا انها جت علي قد العربية

لو في موكب تاني لوزير مهم هنا في مصر كان زمانه اتصفي
او لو موكب الريس هايعدي بعدها بساعتين وهوا كان واقف في الشارع شكلو غلط هايتعمل فيه انيل من كدا

ثما هما فعلا براحتهم
لان السيارة الدبلوماسية جزء من سيادة الدولة

يعني معلق نمرة دبلوماسية تابعة لامريكا
يبقي العربية واللي جواها امريكي ويخضع للقانون الامريكي

مش المصري

**Hegazio** · 29-07-2010 01:51 PM

المشاركة الأصلية كتبت بواسطة zakiali

الحرس الخاص ليه الحق في الدفاع بالطريق دي من غير تفكير .. لأن ممكن السياره دي تكون مفخخه واللي عمل كده الصراحة وحب يعمل فيها ستيف واندر وهو شايف الأعلام الأمريكية وعربيات الفورد اكسبيديشن المصفحة وراها .. غبي الصراحة وكويس انهم مضربهوش بالنار كمان .. يحمد ربنا ان أمن الدولة مخدهوش ونفخوه هو وعيلته كلها

يا سلام عليك ولد .. كنت عاوز أقولها والله
و برضه تصرفهم سليم 100 %

الموضوع: منقول : تهشم سيارة مواطن حاول تجاوز موكب السفيرة الأمريكية!

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

موكب الرئيس يتحدي موكب الـ 30عام

قوائم مقاطعة المنتجات الأمريكية و الصهيونية ( منقول للإفادة )

شرح علمى مبسط جداً لأزمة المال الأمريكية (منقول)

الكلمات الدلالية لهذا الموضوع

المفضلات

المفضلات

ضوابط المشاركة