بعد حيــرة نوع العربية ... حيرة جديدة (( خليجى ام توكيل )) CeratoKoup ؟؟؟؟!!!

**CeratoKoup** · 26-07-2010 04:51 AM

بعد السلام...

عارف انة مش اول موضوع في المنتدى و انة طرحت فية المنــاقشة اكتــر من مرة
بس انا حبيت اكتب الموضوع دة للاسباب التــالية:-

1- بعد الحيرة من اختيار نوع العربية و استقريت الحمد لله علي CeratoKoup و كنت ناوى اجبها ان شاء الله من التوكيل كمــان كذا يوم

لكن صدفة و انا بقلب في المنتديات اتعرفت علي المنتدى هنـا حتى العضوية لسة جديدة .. المهم ...

لقيت مقارنات بين الوكيل و بين الخليجى ... و ياريتها كــانت اسقرار علي رأي واحد لكن للاسف كتر الردود حيرت الواحد اكتر

نــاس تقول الخليجى احسن من المصري عشـان اوبشنز اعلا
مع انى اتفرجت علي الاتنين و مفيش فرق غير 6-CD Changer و الاير باجز كانت 10 .... طبعا المواصفتين دول اعلا للخليجى

مش كفاية الحمد لله استقريت علي عربية...........
دلوأتى هدخل في حيــرة خليجى ولا مصــري

اتمنــى ان الردود تفيدنى عشــان انا كلها اسبوع ان شاء الله و هشتري العربية
مش عاوز الردود تحير الواحد اكتر

معلومة اخيرة انا شايف ناس استهانت اوى بالضمــان الخمس سنوات او 100 ألف كيلو !!!!
معتقدش مهما حصل ان يكون في حد بيستخدم معدات الوكيل او يفهم في العربية زيهم ....

و اسف علي الاطـــالة

**yasserelsayad** · 26-07-2010 05:10 AM

ميزة التوكيل ضمان 5 سنين
ميزة الخليجى كماليات اكتر زى ما انت قولت + نظام التحكم فى الثبات الالكترونى esp
ومبروك عليك العربية مقدما

**Atrees** · 26-07-2010 02:05 PM

نصيحتي لكل واحد سال - انا من وجهة نظري ان ضمان 5 سنين دي حاجة نادرة في العربيات - وتعتبر ميزة تضاهي سعر الخليجي الارخص وكمالياتة الاكثر

مع احترامي لاختيارات جميع الاعضاء انا شايف الوكيييييييل افضل بسبب النقطة دي بسسسسسسس

بس حيطلعو عينك لو فكرت تلعب في العربية

شوف بقي انت حتلعب في العربية وحركات يبقي ابعد عن الوكيل عشان حيعسفك

**blackknight** · 26-07-2010 02:14 PM

بص يا سيدى زى ماقال ياسر الصياد و عتريس الموضوع كله فى كلمتين انت ناوى تلعب فى العربية يعنى مثلا تركب زينون او تغير الكاسيت و تركب dvd ولا ناوى تستقر على الكماليات المتاحة لو انت الشخص الاول يبقى خليك فى الخليجى مع ملاحظة انه لا يوجد ضمان فى السيارات الخليجى و انما يمكنك دفع 4000 جنيه و جعل السيارة تحت مظلة الصيانة مع الوكيل- صيانة فقط وليس ضمان- اما لو حبيت تكتفى بالكماليات المتاحة يبقى مبروك عليك سيارة الوكيل مع ملاحظة ان الوكيل بيعمل عروض فى الصيف زى صيانة وتغيير زيت مجانية - مش مجانية قوى يعنى ب 75 جنيه بدل 350 جنيه

**CeratoKoup** · 26-07-2010 02:46 PM

بص يا سيدى زى ماقال ياسر الصياد و عتريس الموضوع كله فى كلمتين انت ناوى تلعب فى العربية يعنى مثلا تركب زينون او تغير الكاسيت و تركب dvd ولا ناوى تستقر على الكماليات المتاحة لو انت الشخص الاول يبقى خليك فى الخليجى مع ملاحظة انه لا يوجد ضمان فى السيارات الخليجى و انما يمكنك دفع 4000 جنيه و جعل السيارة تحت مظلة الصيانة مع الوكيل- صيانة فقط وليس ضمان- اما لو حبيت تكتفى بالكماليات المتاحة يبقى مبروك عليك سيارة الوكيل مع ملاحظة ان الوكيل بيعمل عروض فى الصيف زى صيانة وتغيير زيت مجانية - مش مجانية قوى يعنى ب 75 جنيه بدل 350 جنيه

تمــام .. اصل الاغرب ان في نـاس كانت بتقول ان الخليجى التكيف احسن من المصري ؟
ازاى يعنى اذا كان الاعتماد بتاع التكيف علي قوة المحرك و العزم و هما ثابتين في كل الانواع يبقي منين تكيف احسن ؟

السؤال الاخير العربية الي شوفتها كانت خليجى (( كويتى ))
اسمع ان السعودى احسن طبعا صح ؟

**blackknight** · 26-07-2010 03:06 PM

والله موضوع سعودى ولا كويتى ده معرفش غعنه حاجة غير ان الفارق بيكون فى عدد الايرباجز بس و بتبقى باقى العربية واحدة بدون اختلافات . يعنى موضوع الاختلاف الرئيسى بيبقى فى الكماليات بس و الله اعلم

**waleedelpiloot** · 26-07-2010 03:24 PM

هاتها توكيل وتوكل على الله ما تضمنش بعد ما تجبها خليجى يبقى فيها حاجة بايظة زى (ابوليلى) جايبها خلجى وتطلع فيها عيب فى الفتيس ولحد دلوقتى مش لاقلها حل وكمان كتر الايرباجز دة مش ميزة اد ما هوة خراب لو لاقدر الله حصل حاجة خبطة من جنب ولا حاجة هتلاقى الايربجز فاتحت والصالون بااااظ دة الواحد لما لا قدر الله بتتفتح الطارة بتاعة السواق بيغلب عشان يجب واحدة عيرها ولا يصلحها
والتكيف كلللة واحد عملوها معايا الاشتغالة دة برضوا والله نفس الكلام حصل اصل التكيف اشد والدهان بيستحمل وفيها 10 ايرباجز
وشوف كدة اللينك دة بتاع مشكلة ابوليلى
الجزء الاول
(اخطر مشكلة فى السيراتو وحلها مع بائعه البخور)http://www.nilemotors.net/Nile/152992-a.html
الجزء الثاني
ا خطر مشكلة فى السيراتو - الجزء الثانى)http://www.nilemotors.net/Nile/155609-a.html

**Ahmed Samy** · 26-07-2010 03:27 PM

أهلا بحضرتك معانا

شوف يا سيدي ما حدش يقدر يقوللك اشتري دي و انت مغمض ....لأن الحالة بتاعتك انت و احنا بنعرض عليك الفكرة بتاعة كل واحد و رؤى مختلفة

القصة أخرها عندي :
الوكيل عنده ميزة يتيمة و بيحاول يلعب بيها بكل طاقته و بيحاول يبروزها و ينفخها جامد و هي ضمان 100 ألف أو خمس سنين

غير كده كل المزايا للخليجي ....

1 - وجود نظام esp وده نظام الثبات الإليكتروني و في نظري يستاهل ضمان الخمس سنين لأنه بيخلي العربية عربية تانية و ممكنة تقرا عنه هنا في المنتدى أو على اليوتيوب.

2 - الست اسطوانات و المراية التعتيم و الأيرباجات الكتيرة

3 - سرعة التسليم

4 - كل ده بسعر أقل ممكن يوصل لـ6000 جنيه
______________________________________________

طيب ...أولا حتة ان الوكيل أحسن واحد يفهم في العربية دي مقولة مش دقيقة قوي لأن العربية مش معقدة اساسا و الوكيل (ما بيصلحش) علشان يفهم ولا مايفهمش قوي الوكيل بيغير و دمتم .

الضمان بالنسبة ليا مش عامل أساسي لأن العربية فعلا مشاكلها شبه معدومة في الأساسيات مافيش غير مشكلة زميلنا أبو ليلى اللي عنده الفتيس ظهر فيه مشكلة ...و دي برضه ليها حل انك تشتري ضمان سنة أو سنتين من أمان الشرق مع تكنو ون ...و بكده لو ظهر فيها حاجة هاتبقى انت متغطي بضمان .

الصيانة متوفرة في كل حتة لأن العربية هي هي السيراتو العادية ...و عندنا مركز تكنو ون بيصون لينا -أعضاء المنتدى- عربياتنا و بخصم كويس و اهتمام ممتاز . و طبعا 4000 جنيه بكل أمانة حراااااااااااااااام يتدفعوا للوكيل مقابل أي اصلاح لأن كل الناس و أنا منهم صلحت أعقد الحاجات بره لأني خبطت العربية.

غير كده انك في عربية الوكيل ماتقدرش تركب زينون ,جي بي إس , فلاتر , تغير عفشة اسبور الا تحت عين الوكيل و بإذن منه علشان تحافظ على ضمانك ...و إلا ..مالكش ضمان

الموضوع في النهاية هايرجعلك برضه

واضح وضوح الشمس ان الخليجي تكسب ......و الناس أكترها بتشتري خليجي

بس لو ان خايف و مأثرة فيك حكاية الضمان ....

يبقى امشي جنب الحيط و هات عربية الوكيل

**M7amD_7amDy** · 26-07-2010 03:28 PM

بص ياسيدى

أنا لو مكانك هجبها خليجى أعلى فئة وده عشان سبب واحد فقط وهو الـ (( ESP )) والنظام ده مش موجود فى أعلى فئة وكيل

أنت لو تعرف أهمية النظام ده أو عندك خلفية عنه مش هتفكر فى عربية الوكيل أصلا :)

لو متعرفش ايه النظام ده؟ أدخل على اليوتيوب وأكتب ESP وعييييش

أنا معاك ان الضمان 5 سنين مهم وميزة كويسة جداا بس انا شايف ان الخليجى يكسب

من الأخر هما 3 حاجات هعملهم

1- هجبها خليجى سعودى من عند جابر عبد الشهيد أعلى فئة

2- هشترى ضمان أمان الشرق من تكنو وان (سنة على الأقل)

3- هستمتع بركوبة الكوب

ومبروك مقدما

-

الموضوع: بعد حيــرة نوع العربية ... حيرة جديدة (( خليجى ام توكيل )) CeratoKoup ؟؟؟؟!!!

LinkBack

أدوات الموضوع

عرض

-

-

-

-

المواضيع المتشابهه

بيكانتو للمدام : خليجى و لا توكيل ؟!

خليجى ولا توكيل

باسات خليجى ولا توكيل ؟

رجاء من كل واحد معاة السيراتو يكتب العربية دة توكيل ولا خليجى ولمشكلة الى حصلت معاة

النترا توكيل ولا خليجى

الكلمات الدلالية لهذا الموضوع

المفضلات

المفضلات

ضوابط المشاركة