الموضوع: Jac B 15

مساء الخير على الجميع ...... ممكن اعرف سعر الجاك b15 وايه التوكيل بتاعها وهل هو كويس ولا لا... وهل العربية دى بالحجز ولا تستلم فورى واقرب معرض فى مدينة نصر اقدر اتفرج عليها فيه .

وللجميع جزيل الشكر

صباح الخير وشاكر جدا للاهتمام

المشاركة الأصلية كتبت بواسطة mmffor

في شارع النصر بجوار ميدان الساعه بعد ادارة مرور مدينة نصر , انا اتفرجت على العربيه و كنت فاكر على حسب كلام الناس هنا انها معجزة و كنت فعلا تبعا لكلامهم بدأت ارشحها و اشكر فيها لكل حد بس لما جربتها و اتفرجت عليها و لا انصح اي شخص بيها عربيه جميله من برة و بس, تكييف زبالة و تابلوه خامتة ازبل و الستايل بتاع التابلوه ممل و كماليات في الضياع و السعر استهبال على مواصفاتها !!!!
لا انصح اي شخص بيها لأن ب 75000 ممكن اجيب 7 او 8 عربيات ما بين اوروبي و كوري و ياباني و ماليزي ولا اني اجيب اللعبة الصيني دي. و يا جماعة المنتدى يا ريت لما نشكر في عربيه يبقى بموجب خبرة في السيارات مش نبقى زي الجهلة اللي اول مرة يشوفوا عربيه في حياتهم و يبقوا مبهورين بيها ! يا اما تبدي رأي بخلفية خبرة و موضوعية يا اما تذكر ان الرأي المطروح رأي شخصي بدون خلفية في السيارات

حقيقى الكلام ده يا جماعه !!!!!!!!!!
ارجوكم بسرعة ردوا على الكلام دة لحسن انا كنت ناوى اشتريها واتصدمت لانها كانت عجبانى اوى من كلامكم ومشكوريييييين

المشاركة الأصلية كتبت بواسطة odaoda

يا بااشا انا مبنصحكش بحاجة غير انك تنزل تشوفها وانت تكتشف ان كل هذا الكلام ليس لة اساس
التابلوة خاماتة اروع ما يكون مكسى بالجلد وليس بلاستيك زى العربيات الاخرى
والتكيف اداؤة بلنسبة ليا مرضى جدا وعاجبنى ويا ريت لو تشوف حد مالك العربية فالمكان الى انت فية وتشوفة
ومعتقدش انهم بيسمحوا ان حد يجرب التكيف دة كلام مش منطقى انة يحصل فالمعرض وملوش اساس من الصحة الا لو كان حاجز العربية
امابقى ان استايل الطبلوة وحش فانا بردو هسيبها لزوقك والصور والحقيقة تحكم على ذلك
عموما استخير والى شايفة صح اعملة
لكن لو هتشترى وانت حاطط فدماغك انها صينى وكلام الاخ الى دخل وصفنا بالجهلة دة فدماغك هتلاقى الهواجس طل حبة تضايقك فبلاش تشتيرها احسن

ياباشا كتر خيرك انك طمنتنى لان العربية دى عجبانى جدا وانا كنت متأكد ان شركة جاك من اكبر الشركات ومش قليله فى الصين ودى بقالها مدة طويييييييله بتنتج سيارات النقل التقيل وفى ناس ايضا اشتروها فى مصر وشكروا فيها فمش ممكن ميش هيعرفوا يعملوا سيارة سيدان على الاقل تكون معقولة واعتمادية0
وعايز من حضرتك حاجه كمان بما انك من ملاك هذه السيارة واتمنى ان يشترك معانا فى الحوار الاستاذ/ احمد شاينا ( وده بعد اذنك طبعا ) انا كنت عايز اعرف هل سير كاتينة الموتور بتاع الجاك b15 حديد ام كاوتش لان المفروض ان هذا الموتور نفس اللى فى مثيلتها البريليانس fsv وانا كنت سألت بتوكيل ال fsv وقالولى انه كاتينة حديد فهل هم زى بعض0
واخيرا اتمنى انك وجميع الاعضاء الكرام تقولولى رايكم بما يرضى الله اشترى الجاك ولا بريليانس ولا ابعد عنهم هما الاثنين واروح اجيب عربية المصريين الفيرنا لانى محتاج عربية ثانية وعايز اقدر اعتمد عليها
وانا فى انتظار ردودكم ونصائحكم المحترمة واسف للاطااااالة0
ومشكوريييييييييييييين0