الموضوع: Jac B 15

المشاركة الأصلية كتبت بواسطة hish172005

الاخ الذى يعيب فى السياره الجاك وفى من اشتراها والله يأخى هذا عيب وتجنى على الناس وانا اعرف 3 ممن اشتروها فهم ليسوا جهله كما تدعى بل فى مراكز عليا ومكانه مرموقه وكانو يقودون قبلها سيارات مثل الرينو والهيونداى وعن تجربه شخصيه فقد استعنت من احدهم هذه السياره وبادلته بسيارتى فى نذهه عائليه ووجدت ان هذه السياره لاتقل فى الامكانيات و جوده الخامات عن سيارتى الالنترا فى شيئ بل وجدت فيها ما يفوق سيارتى مثل السنسور بارك و الabs , ebd ....فأرجو أن تحكم على الاشياء بناءا عن تجربه وليس فرجه فى شارع

انا قلت رأيي بصراحة و عايز الجد : لبجلك لما كنت في الامارات اعمل في شركه كانت التويوتا الهايلكس موديل 2001 برقبة الجاك 2008 الزيرو و كان عندنا في الشركة تويوتا تكييفها كان لسه شغال و كل كمالياتها تعمل بكفاءة! الجاك كانت زيرو و بعد سنه من الاستعمال تعطل التكييف و الزجاج الكهرباء و ريش التكييف باقت حادفه على جنب على طول مبتثبتش في النص و غرنا اكرة الباب مرتين و اللون الخشبي اتمسح من الطارة و بقى باين لون بلاستيك معفن ! دا غير الاداء الضايع من سرعه لا تتجاوز ال 140 الى اقصى حد للتحميل 700 كج مع انها لحد 1 طن بس لو حملت 1 طن العفشة بتفيس و العربيه بتنام على الارض و مبتسحبش خالص! من الاخر فضيحه! في حين الهايلكس تصل 170 بكامل حمولتها او اكثر و الدواخل و الصالون سليمه كأنها جديده! الكلام ده للي بيستشهد ان الجاك عربيه مشهوره كسيارات نقل! هيا فعلا مشهوره برخص الثمن و رداءه التصنيع!!!
انا كنت من كتر الكلام اللي الاخوه انتقدوني دلوقتي قالوه اقتنعت بيها و فعلا لما رحت اشوفها لقيتها مقلب! التابلوه اللي الاخ بيقول جلد! ده جلد صناعي رديء شبه المطاط و مع درجات الحراره و شمس مصر حيشقق و يفرول اسرع من البلاستيك حتى و حيجرب معاك بعد اول سنتين! التكييف فعلا ضعيف لأنهم كانوا بيسلموا العربيه و كانوا مشغلين التكييف على اعلى درجه مده طويله و لما دخلت العربيه محستش ببروده خاااااااالص فحرام نقول تكييف حلو على مروحه فريش! الدواخل فعلا متواضعه جدا بطريقه غير متوقعه من عربيه صيني ! كنت اعتقد انهم حيسوقوا لصناعتهم بتصميم مبهر للتابلوه مش حاجه بالتواضع ده! بس بصراحه العربيه جميله فعلا من بره! و اعتذر عن ابداء رأيي في الاداء لانني لم اقود السياره! و لم اتعمد اهانة احد و اسف لو اخطأت في حق احد بس بصراحه اي نصيحه بتصدر لازم ناخد بالنا ان في حد ممكن يدعي علينا بسببها! و شكرا

المشاركة الأصلية كتبت بواسطة tamerking

يا باشا الله يطمنك لانى خلاص باخد قرار شراء لهذه السياره لانها عجبانى عن الريليانس fsv وانت كده شجعتنى وطمنتنى

مبروك عليك و ربنا يكفيك شر طريقها

المشاركة الأصلية كتبت بواسطة mmffor

في شارع النصر بجوار ميدان الساعه بعد ادارة مرور مدينة نصر , انا اتفرجت على العربيه و كنت فاكر على حسب كلام الناس هنا انها معجزة و كنت فعلا تبعا لكلامهم بدأت ارشحها و اشكر فيها لكل حد بس لما جربتها و اتفرجت عليها و لا انصح اي شخص بيها عربيه جميله من برة و بس, تكييف زبالة و تابلوه خامتة ازبل و الستايل بتاع التابلوه ممل و كماليات في الضياع و السعر استهبال على مواصفاتها !!!!
لا انصح اي شخص بيها لأن ب 75000 ممكن اجيب 7 او 8 عربيات ما بين اوروبي و كوري و ياباني و ماليزي ولا اني اجيب اللعبة الصيني دي. و يا جماعة المنتدى يا ريت لما نشكر في عربيه يبقى بموجب خبرة في السيارات مش نبقى زي الجهلة اللي اول مرة يشوفوا عربيه في حياتهم و يبقوا مبهورين بيها ! يا اما تبدي رأي بخلفية خبرة و موضوعية يا اما تذكر ان الرأي المطروح رأي شخصي بدون خلفية في السيارات

يرجى استخدام أسلوب أرقى وعدم الاتجاه الى شخصنة الحوار
مشرف 12 أ

غريبة أوى ! يا باشا اعتقد الذى له حق الكلام و الحكم على السيارة هم من يملوكنها فقط , مش معقول كل واحد يشوف عربية مجتش على هواه تبيقى و حشة و مش عارف إية ! لعلم سعادتك أنا اول واحد إستلم العربية فى مصر و العربية دلوتى عاملة 12000 كيلو فى شهرين و نصف و شغلى كله سفر , وبصراحة مبسوط بيها و هى صفقة رابحة بكل المقايس و الكلام الحضرتك بتقول إن هو عيوب دة أجمل ما فيها و كلها وجهات نظر ملحوظة انا بسوق عربيات أكثر من 12 سنة و ركبيت الكورى و اليابانى و الالمانى و الصينى , و لكل مميزاتة و عيبوبة و شكرا@ مشاركتك

سير الكاتينة كاوتش و ليس جنزير , على فكرة حكاية البريليانيس ال إف إس فى و الماتور التيوتا دة كلام غير صحيح دة ماتور صينى بريلينانيس مطوره بنفسها على تقليد لاحد مواتير توياتا و إن كنت أشك فى النقطة دى على العموم أنا هدور فى المواقع الصينى على الموضوع دة و إن كنت قرات تحليلات كتير على النت الصينى عن العربية محدش جاب موضوع توياتا دة . و تويوتا مش بالغباء دة علشان تخلق لنفسها منافس