الموضوع: Jac B 15

يا استاذ احمد ربنا يباركلك والحق اجرى بالاف دى عشان يبقوا 15 فعين اى حاسد
كل الشكر ليك على اهتمامك الواضح بالرد على كل حاجة كبيرة او صغيرة وعدمتوانيك عن تفنيد اى عيب فالعربية
ربنا يباركلك يارب

معلش لى سؤال وانا بتفرج عليها سالت المندوب وقال لى ان ماتورها يابانى وعفشتها برده هو الكلام ده بجد ولا لا

حضرتك لموتور موتور تكنولجيا يابانية متسوبيشى ومحفور علموتور متسوبيشى تكنو ومينفعش يكتب كدة الا لو كان الموتور كدة فعلا
الموتور 1500 سى سى و104 حصان وهو نفس الموتور الموجود فعربيات كيتييييييييير فالصين واعتقد هوهوالموتور الموجود فى البريليانس اف اس فى
اما العفشة فهى بنظام مكسفورن المتطور والنظام دة مستخدم فعربيات كتيييييييييير جدا
اعتقد فالالنترا والاوبترا تقريبا وعربيات تانية كتير

النهاردة كنت مع صحابى و اكتشفوا أن المية فيها قليلة قلتله أن مؤشر الحرارة ثابت فى النص و معلاش خالص بس فى النهاية زودناها مية عادية لأن مكنش عندي ساعتها مية خضرا..ده عادي و لا ايه بالنسبة لعربية زيرو؟

ممنوع إضافة مياه عادية
و دى مستوى المياة فى العربية عندى
المياة العادية تؤدى الى أكسدة الرياديتير من الداخل و ينسد و العربية تسخن ياريت تغير المياة العادية بمياة تبريد
و شكرا
و مبروك العربية

الماتور مصنع بمعرفة متسوبيشى و تنكنولوجيا مستوبيشى بس مصنع فى الصين فى مصانع ميتسوبيشى دونج أن بالصين و هو مصنع مشترك بين ميتسوبيشى و مصنع محركات صينى و الموديلات دى كلها موديلات التسعنيات مع تعديل و إضافة تنكولوجيا جديدة و هو نفس الماتور الموجود فى السبلندور مع تقليل السى سى من 1600 سى سى الى 1500 سى سى مع الاحتفاظ بنفس القوة و العزم و طبعاً تقليل معدل الاستهلاك علشان بقت 1500 بدل 1600 .
بالنسبة للعفشة و نظام التعليق حسب بعض المواقع العربية دى و هى فى مراحل التطويل كانت بتطور على شاسية هيونداى إلنترا الشكل القديم و السيراتو الشكل القديم و فعلا لو قارنت بين العربيتين من تحت هتلاقيهم زى بعض تماماً و أنا قارنت بنفسى مع واحد صحبى \
و عموما العربية متقليقش فى أى حاجة .