الموضوع: Jac B 15

المشاركة الأصلية كتبت بواسطة mmffor

في شارع النصر بجوار ميدان الساعه بعد ادارة مرور مدينة نصر , انا اتفرجت على العربيه و كنت فاكر على حسب كلام الناس هنا انها معجزة و كنت فعلا تبعا لكلامهم بدأت ارشحها و اشكر فيها لكل حد بس لما جربتها و اتفرجت عليها و لا انصح اي شخص بيها عربيه جميله من برة و بس, تكييف زبالة و تابلوه خامتة ازبل و الستايل بتاع التابلوه ممل و كماليات في الضياع و السعر استهبال على مواصفاتها !!!!
لا انصح اي شخص بيها لأن ب 75000 ممكن اجيب 7 او 8 عربيات ما بين اوروبي و كوري و ياباني و ماليزي ولا اني اجيب اللعبة الصيني دي. و يا جماعة المنتدى يا ريت لما نشكر في عربيه يبقى بموجب خبرة في السيارات مش نبقى زي الجهلة اللي اول مرة يشوفوا عربيه في حياتهم و يبقوا مبهورين بيها ! يا اما تبدي رأي بخلفية خبرة و موضوعية يا اما تذكر ان الرأي المطروح رأي شخصي بدون خلفية في السيارات

يرجى استخدام أسلوب أرقى وعدم الاتجاه الى شخصنة الحوار
مشرف 12 أ

أنا سوقت عربيات كتير منها بيجو 504 و شاهين و فيات سيينا و دايو لانوس و سوزوكى فيتارا و سكودا أوكتافيا و دايو نوبيرا و بيجو 407 قبل كده و حاسس بالفرق فى الجودة و الخامات فى كل عربية
الجاك بصراحة أنا شايف أن أمكانياتها أعلى من سعرها بكتير ... لو هفرض على كلامك ان رأيي و أنا مالك العربية بدافع الانبهار و التعصب فأنا عندي والدي و أخويا ساقوها و بيشكروا فيها عن العربيات اللى ساقوها و هم ساقوا اكتر منى

مش هرد على باقى كلامك لأن فيه اساءة لملاك العربية و احنا أكبر من اننا نتجادل على الفاضى بره الموضوع فى اسلوب الحوار نفسه

المشاركة الأصلية كتبت بواسطة tamerking

والله يا احمد باشا انا مش عارف اشكر حضرتك ازاى على اهتمامك بالرد وانتا فعلا ما بتتأخرش على اى حد عايز يعرف معلومة عن ال b15 بحكم ان اول مالك واكتر واحد استخدم العربية ديه فى مصر تقريبا0
وانا كان عندى سؤال بعد اذنك انت عارف طبعا ان حجم العربيه ديه كبير جداااا فهل سحب الموتور ال 1500 cc كافى لحجم العربيه ديه فعلا واللا يوجد كسل وبطئ فى التجميع والمناوره وتخطى السيارات التى امامك اذا احتجت ذلك اثناء القيادة وانت عارف شوارعنا الجميله طبعا وأد ايه تلاقى ناس ممكن تستفزك جدااااا وانتا سايق0
وانا متأكد انك هترد عليا بكل صدق وحياديه 0 ومشكووووور

شكرا على ذوقك و ربنا يوفقنا ان نكون خير دليل للاخرين
بص حجم العربية كبير دى حقيقى بس وزنها تقيل شوية حوالى 1315 كيلو جرام فارغة يعنى بدون ركاب و دى بشكل او بأخر له تاثير على التسارع بتاع العربية و الوزن يعطى نوع من الثقة و الطمانينة لنسبة لعامل الامان . من خلال التجربة خلال الفترة الماضية , خلال أول 5000 كيلو كنت حاسيس إن العربية تجميعا بطئ شوية لكن بعد صيانة ال5000 السحب إختلف كتير جداً لاقيت العربية بتشد فى السحب أكثر من الاول .
و أدل موقف إن إمبارح كنت عندى ظروف عائلية خاصة جداً إستدعت إنى أجرى بسرعة عالية و أعدى من عربيات كتير على الطريق و بصراحة العربية كانت أكثر من ممتازة . و على فكرة كل عربية لها إسلوب فى القيادة يختلف عن الاخرى بمعنى إنك إذا عرفت العربية بتاعتك إزاى تاخد منها احسن أداء فى كل موقف . و بعد صيانة ال10000 بصراحة حاسيس إنها لاتختلف كثير عن اللانسر ال1600 (سوقتها لفترة شهرين ) بالنسبة للمناورة زى ما قلت مفيش إحساس بالبطئ و لاحاجة المهم تعرف إزاى تاخد النقلة الصح اللى تعطيك أفضل معدل تسارع .
بالمناسبة كنت مع مديرى فى العمل و هو معاه مرسيدس سى 280 و كنا على طريق سفر الى إجتماع أنا كنت فارق عنه فى أول الطريق لانه كان ماشى براحتة لكن لقيتة شد مرة واحدة فقلت أشد معاه بصراحة لغاية ال160 كنا زى بعض بس هو فرق بعد كدة و انا محبتش أجرى أسرع من كدة .
طبعاً كان نفسى العربية دى تيجى بموتور 1600 كان هتعطى قوة أكثر بس الماتور ال1500 دة حوالى 104 حصان و عزمة 135 نيوتن يعنى ميختلفش كتير عن ال1600 اللى فى اللسبندور أو الاف إس فى أو الانسر ال1600 .

ألمؤشر وانت ماشى بيوصل للنص او قبلة بسنة بسيطة جدا مش هتلاحظها
لكن الصبح بدرى قبل التسخين هتلاقية عادى عن الصفر
ومبروك العربية وتعملنا تقرير كدة عن موديل 2011

غلط الرفع فالسعر كدة مش مقتنع انهم يزودوا السعر بالمنظر دة بصارحة ودى سياسة تسويقية غير جيدة بالمرة
المفروض السعر يزيد لما الاقبال يزيد فالفئة السعرية لكن كدة الشركة بتروح بسعر العربية لفئة جديدة او على الاقل سعر العربية هيبقى زى العربيات الى فنفس الفئة
ياريتهم سبوها عن سعر 70000 او بالكتير 74000 لكن 78000 كتير ليس على العربية لا
ولكن على ارتفاع مقدارة 8000 جنية فشهرين فقط !!!!!!!!!!!