Jac B 15

**ahmedchina** · 05-08-2010 10:05 AM

المشاركة الأصلية كتبت بواسطة tamerking

وبعد اذنك يا أ / احمد ممكن اعرف مؤشر حرارة الجاك b15 بيكون معلم عند المنتصف ام قبله ام بعده بمعنى الطبيعى بتاعه بيكون ايه ولو ممكن تصورهولى والعربيه دايره ومعلم العلام الطبيعى بتاعه طبعا والعربيه سخنه
واسف هتعبك معايا ومشكووووووووووور
وهذا الطلب ايضا من ملاك ال b15 لو معاندهمش مانع وشكراااا

بالنسبة لمؤشر الحرارة من يوم ما جبيت العربية و هو أقل من الشرطه اللى فى المنتصف بحاجة بسيطة بالنسبة للصورة ممكن ارفعها فى اقرب فرصة .
بالنسبة لزيادة سعر العربية أعتقد دة بسبب زيادة الجمارك الجديدة ال9% و عجبى

**MoHaMed HaMeD** · 05-08-2010 12:36 PM

انا شوفت واحد نبيتى اول انبارح قدوم مول السريا ف شارع ولى العهد حوالى الساعه 9 بتاعت حد هنا ف المنتدى

**odaoda** · 05-08-2010 12:56 PM

9 فالمية
يعنى العربية الى 100 الف تبقى ب 110؟!!!
يعنى اللانسر بدل 110 هتبقى 121 الف!!!!
وكذلك باقى العربيات

**mmffor** · 10-08-2010 06:30 PM

78000 علشان عربيه صيني ب موتور 1500 سي سي طب ما انا اكمل و اجيب ياريس يا ولاد الحلال و حتى لو موتور 1300 او موديل 2009

**odaoda** · 10-08-2010 08:51 PM

مبروك على حضرتك اليارس ومعلش سبلنا الصينى

**ahmedchina** · 11-08-2010 10:21 AM

المشاركة الأصلية كتبت بواسطة mmffor

78000 علشان عربيه صيني ب موتور 1500 سي سي طب ما انا اكمل و اجيب ياريس يا ولاد الحلال و حتى لو موتور 1300 او موديل 2009

مبروك عليك الياريس يا ريس و ياريت طالما ما بتحبيش الصينى متجيش جانبو و إحنا راضين بنصيبنا و الحمد الله و كل عام وإنت بخير

**n_i_t_e** · 11-08-2010 03:51 PM

المشاركة الأصلية كتبت بواسطة mmffor

78000 علشان عربيه صيني ب موتور 1500 سي سي طب ما انا اكمل و اجيب ياريس يا ولاد الحلال و حتى لو موتور 1300 او موديل 2009

اليارس أختيار جيد جدا زي ما حضرتك قولت و دي من أحسن العربيات المستعملة اللى فى السعر ده و كنت ناوي أجيبها و بعدين الجاك بقت نصيبى.
بس فى ناس بتحب تجيب جديد ..بيريحوا دماغهم كام سنة من الصيانة و بيفرحوا نهم أول هاند للعربية و مبيكونش عندهم الشك اللى ساعات بييجي لبعض ملاك المستعمل أن المالك الأول يكون عامل فيها حاجة...كمان فى ناس مبتحبش أجراءات المستعمل و وجع الدماغ يدور على عربية و يروح يشوفها و بعدين نقل ملكية و يكشف فى توكيل..الجديد أريح للدماغ.
بالنسبة انها صينى أنا أختلف معاك..أنا مبقولش دي صينى و دي أوروبى و هكذا..أنا بقول دي ب60000 و دي ب70000 و دي ب80000 و أعمل فى حسابى البراند نيم Brand name
يعنى من الأخر كل عربية على قد فلوسها و الدليل أن فى هيونداي i30 أو شيفروليه كروز سعرهم فوق ال130000 و كوري و داخلين فى شريحة الأوروبى العالى أوي زي رينو فلوانس. مش معنى كده ان ملهومش سوق. هم بيقدموا منافسة فى الكفاءة مع عربيات نفس السعر و الا مكنوش كلفوا نفسهم يدخلوا فى منافسة مع الأوروبى طالما انهم خسرانين و مكنوش صنعوا العربيات دي من الأساس.
و أخيرأ..لو محدش جرب محدش هيشتري...اللى حاليا بيشاركوا فى تقييم الجاك هم الملاك الأوائل للعربية و اللى خدوا الريسك فى شراها بدون خلفية شرائية لسوقها فى مصر و وظيفتنا فعلا نقول هل الناس اللى بتفكر فيها تشتريها أو لأ. بعد كده كل واحد يقرر و يشوف أي أختيار أفضل لفلوسه و حسب هو ميال للمستعمل أو للجديد أكتر و بالنسبة للمستعمل بأتفق مع حضرتك اليارس أختيار ممتاز لكن يبقى حب الناس و ميلهم للجديد فى السعر ده فى الحسبان

كلامى لجاك 1 و جاك 2 الأستاذ Ahmedchina و Adaoda ههههههه يا جماعة بلاش تضايقوا أو تاخدوا التعليق على أنه هجومي العربية برضه لسه فى أول طريقها و مخدتش سمعة كفاية أكيد فى ناس كتير هتكون قلقانة و خايفة منها خصوصا بسبب سمعة المنتجات الصينى فى مصر و ادينا بنقدم رأينا بموضوعية عشان نفيد الناس و نساعدها و ربنا يباركلنا فى جاكاتنا

**odaoda** · 11-08-2010 04:18 PM

رد موضوعى بس قولنا بقى اية اخبار العربية معااااااااك؟
وكل سنة وانت طيب

**n_i_t_e** · 12-08-2010 11:37 AM

الحمد لله كويسة أنا استخدامى للعربية محدود جدا يعنى ممكن مرة فى الأسبوع و ساعات بنزل أسخنها بس عشان البطارية عامل لحد دلوقتى 3500 كم .
العربية جربتها فى ظروف سفر صعبة (اسكندرية - مطروح) و كانت محملة 4 أفراد و شنط و كان جو حار الحمد لله التكييف كان كويس بس حسيت أن سحبها بطىء شوية و النقطة دي أنا مطمن على كلامك أن السحب أتحسن بعد صيانة ال5000
عندي بس مشكلة واحدة لمبة انذار نظام العادم منورة على طول و رحت للتوكيل مرتين كل مرة يغيروا الحساس تنطفى أمشى بيها شوية بسيطة تنور تانى قلت أسيب الموضوع لصيانة ال5000
العربية ارتفاعها عن الأرض ممتاز و وسعها حلو أوي مناسبنى لأنى طويل شويه.
هل فى تحسن فى استهلاك البنزين بعد صيانة ال5000؟؟

**odaoda** · 12-08-2010 01:05 PM

اعتقد افضل اداء للاستهلاك للبنزين هتوصلة هو 6.9 او 6.7 لل 100 كم وافتكر دة كويس الحمد الله حسب الظروف المختلفة

الموضوع: Jac B 15

LinkBack

أدوات الموضوع

عرض

-

-

-

-

-

-

-

-

-

-

الكلمات الدلالية لهذا الموضوع

المفضلات

المفضلات

ضوابط المشاركة