الموضوع: الغوث يا أهل الغوث البيجيون

السلام للكل

انا عندى سيارة 405 مو 2003 ، مشكلتى مع التكييف . 1- التكييف رغم انه مشحون من وقت قريب الا انه مش ثلاجة هو بارد لكن ليست البرودة اللاسعة؟؟؟؟
2- لما باشغل التكييف أمبير الحرارة بيعلى بعد ال90 لدرجة بأخاف من سخونة الموتور وبأضطر اقفله؟؟؟

أرجو منكم سرعة الرد ولكم جزيل الشكر

"أخوكم ومزنوق"

يسرى

السلام عليكم...مشكلة حضرتك إن مروحة الريداتير لا تعمل بالسرعة العالية عند تشغيل التكيف..لذلك مش بيبرد لا سربنتينة التكيف ولا الريداتير كويس....حضرتك إكشف على الباترون والإكسبنشن..وربنا يوفق حضرتك

المشاركة الأصلية كتبت بواسطة mohamedadelemam

السلام عليكم...مشكلة حضرتك إن مروحة الريداتير لا تعمل بالسرعة العالية عند تشغيل التكيف..لذلك مش بيبرد لا سربنتينة التكيف ولا الريداتير كويس....حضرتك إكشف على الباترون والإكسبنشن..وربنا يوفق حضرتك

يعنى ايه الباترون والإكسبنشن دول وعند الكهربائى ولا فنى التكييف؟؟؟

إن شاء الله عند الكهربائى..هو الباترون دا منظم سرعة مراوح الريداتير..أما الإكسبنشن فدا جزء من دورة التكيف بس ممكن بيكون معلق أو بايظ فيعمل كدا والإتنين تحت الفانوس الشمال الأمامى...

السلام عليكم..حضرتك موضوع الكويلات دا الكشف عليها لازم يتفك فيها التابلوه كله...وإحتمال 1 فى الميه يطلع فيها حاجة غير إن موضوع سخونية السيارة دا كافى جدا لتشخيص باترون أو إكسبنشن

المشاركة الأصلية كتبت بواسطة brainstorm

بص حضرتك هي المشكلة بظبط أن التكييف لما يتشحن مبيكملش أسبوع أو اتنين ويرجع يطلع هوا سخن وحتى لما بيكون شغال تبريدو مش بيبقى قوي بتحسه بيرتب الجو بس فـصاحبي راح لواحد بتاع تكيفات و كشف على كل حاجة حولين الموتور والراجل اللي بيكشف بدا من عند الكمبرسور و وصل لحد المواسير اللي داخلة فالكويل وقال أن مفيش تسريب في أي حتة منهم وكان فاضل الكويل فقاله الكويل بيتكشف علي في التوكيل علشان هوا(بتاع التكيفات يعني) مايفوكش الكويل.فـا رأي حاضرك ايه؟؟

لا انت ماقلتش كدة من الاول

طيب بص

انت من المعادي حسب بروفيلك

لو بتنزل مدينة نصر ابقى قوللي اوديك لبتاع التكييف بتاعي محترف و بيفك كويلات وبيختبرها لو فية تسريب حايكتشفة و يلحمه الا لو الكويل "مملح" يعني فية بارومة

انما اي صنايعي ممكن يشوف الكويل مش شرط توكيل انت شكل بتاع التكييفات بتاعك بيدلع و يادوب بيشحن و بس و مابيوجعش قلبة في شغل جامد

عالعموم شوف و لو تحب لما تيجي اروح معاك قوللي هو قريب من بيتي في مصطفى النحاس مدينة نصر

المشاركة الأصلية كتبت بواسطة brainstorm

بص حضرتك هي المشكلة بظبط أن التكييف لما يتشحن مبيكملش أسبوع أو اتنين ويرجع يطلع هوا سخن وحتى لما بيكون شغال تبريدو مش بيبقى قوي بتحسه بيرتب الجو بس فـصاحبي راح لواحد بتاع تكيفات و كشف على كل حاجة حولين الموتور والراجل اللي بيكشف بدا من عند الكمبرسور و وصل لحد المواسير اللي داخلة فالكويل وقال أن مفيش تسريب في أي حتة منهم وكان فاضل الكويل فقاله الكويل بيتكشف علي في التوكيل علشان هوا(بتاع التكيفات يعني) مايفوكش الكويل.فـا رأي حاضرك ايه؟؟

حضرتك المفروض الأول تجرب نوع فريون كويس زى الأمريكانى أو المكسيكى أو إتحاد أوروبى..حضرتك تنزل شارع نجيب الريحانى تجيب كيلو ب55 جنيه إتحاد أوروبى يكفى مرتين شحن عند حضرتك...وحضرتك تتأكد إنك لما بتشغل التكيف السرعة العالية لمروحة الريداتير تعمل مع بداية تشغيل التكيف وبكفائة..لأن حضرتك ممكن التكيف يكون مفيش أى تسريب بس بدون السرعة العالية للمروحة الفريون بترتفع درجة حرارته جدا وبيدمدد فبيضطر الإكسبنشن إنه يتفتح ويسرب جزء عشان يحمى الدورة من الإنفجار....ودا كان بيحصل عندى ودخت أبحاث كتير على النت لغاية ما إتكشفت..وبالنسبة لموضوع الكويلات فهو إحتمال ضعيف جدا لأن مفيش ضغط عالى أوى فى الكويلات..وأسف لحضرتك إنى إتأخرت فى الرد...السلام عليكم

المشاركة الأصلية كتبت بواسطة mohamedadelemam

الفريون بترتفع درجة حرارته جدا وبيدمدد فبيضطر الإكسبنشن إنه يتفتح ويسرب جزء عشان يحمى الدورة من الإنفجار....ودا كان بيحصل عندى ودخت أبحاث كتير على النت لغاية ما إتكشفت..وبالنسبة لموضوع الكويلات فهو إحتمال ضعيف جدا لأن مفيش ضغط عالى أوى فى الكويلات..وأسف لحضرتك إنى إتأخرت فى الرد...السلام عليكم

الاكسبنش ما بيسربش الفريون لبرة

الاكسبنشن فايدتة انة يحول الهاي برجر الي لو بريجر يعني من ضغط عالي لضغط منخفض, زي ماتقول كدة شبة بخاخه الاسبراي لما بتدوس عليها السائل اللي جوة بيطلع في صورة سبراي حرارتة منخفضة (بارد)

والاكسبنشن بيبقى راكب بعد دائرة الضغط المرتفع (من الكومبريسور للسربنتية و الدراير) إلى دائرة الضغط المنخفض (من بعد الاكسبنشن للكويل و حتى الكومبريسور تاني)

اللي بيفتح و يسرب ضغط لو الضغط ارتفع نتيجه حرارة او انسداد مواسير بيبقى بلف في الكومبريسور بيضرب و يسرب الفريون لبرة و ساعتها البلف دة بيتغير و يتعالج سبب ارتفاع الضغط و يتشحن فريون تاني

بتسمع صوت فرقعه مكتومة و تلاقي الفريون ضارب تحت العربية و تشم ريحتة برة و التكييف يفصل فورا لان الكومبريسور بيفصل عند عدم و جود ضغط فريون في الدائرة

الكويل بيبقى ضغط منخفض و ساعاات بيسرب فريون نتيجه ثقب فية و بيتثقب بسبب بارومة فية من تكثيف المياة علية لو الدرين ما بيصرفش كويس او مسدود و ممكن يتفك و يتلحم الا لو كان البارومة واكلاة ( مملح) ساعتها بيتغير