يعني على كده اللي ساكنين في ايجار مش رجالة؟
و فين المنطق في الكلام ده؟؟؟؟؟؟؟؟؟؟؟ ايه المشكلة واحد اول الشهر يقول هات الايجار ؟؟؟؟؟!!!!!!
مش عايز ارد عليك رد مش هيعجبك .....
عرض للطباعة
يبقى ايه؟
يبقى المستقبل فى علم لغيب وكله عند ربنا علام الغيوب
انت تعمل اللى عليك وتتاكد من الحاجات الاساسيه
اللى هى الاخلاق والتعليم والدين و الطباع
الماديات بتروح وتيجى
ياجماعه انا برده عندى اخوات بنات وبشوف اللى بيجوا يتقدموا
والله العظيم عمر ما كان سبب رفض واحد فيهم هى الفلوس فى المقام الاول
والله اكتر من واحد جه ومستواهم المادى حلو جدا جدا جدا جدا و اترفضوا علطول
الماديات عمرها ما كانت الاساس
امال احنا اهالينا اتجوزوا ازاى محدش يقنعنى ان كل الناس زمان كان عندها شقق تمليك والكلام دا
دا فيه ناس كانت بتسكن مع اهاليهم فى نفس البيت
اللي بيقول ان العريس ممكن يبقى عنده شقة تمليك و يفلس و يبيعها, هل بنفس المنطق ده لو جالك واحد عاطل حتجوزه بنتك لأنه ممكن يكون بيشتغل و يسيب الشغل؟؟؟؟؟ لأ طبعا. الواحد ممكن يبقى غنى و يفتقر, يبقى بصحته و يمرض, يبقى بيشتغل و يترفد....... الخ, كل دي غيبيات و الواحد مش معقول يقيس حياته و مستقبله عليها, الواحد المفرض يعقلها و يتوكل.
بصفة عامة أنا مش عارفة ليه الناس بتهاجم أهل العروسة و بيتكلموا على الطلبات المبالغ فيها و الكلام ده كله.الموضوع أبسط من كدة بكتير. الناس ليهم طلبات معينة, كتيرة قليلة هما حرين. و انت كمان حر توافق أو ترفض, و اللي هما مش موافقين عليه فيه غيرهم حيبقوا راضيين بيه.
نرجع بقى لموضوع الشقة الأيجار جديد دي. الراجل أكيد من حقه انه يحس انه متطمن على بنته و انه على الأقل ضامن انه مقفول عليها باب مع جوزها مش حيجي حد بعد كام سنه يخرجهم من بيتهم هما و ولادهم لو خلفوا و يا عالم سااعتها الطروف لما ييجي يأجر شقة تانية حتبقى عاملة ازاي. هو فكر فيها كدة و طلب من العريس يجيب شقة تكون ليهم لمدة طويلة حتى لو أيجار بس طويل. مش شايفة انه غلطان.
بالمناسبة, انا اصلا أول ما أتجوزت أتجوزت في شقة ايجار جديد:shine[1]:
هل اللي عملتوا ده كان عيبه مثلا كنت مكسوف يعني عشان إتجوزت في شقه إيجار يبقى الناس ليه بعضهم بيفتكرها عيبهاقتباس:
بالمناسبة, انا اصلا أول ما أتجوزت أتجوزت في شقة ايجار جديد
لأ طبعا و ده المفروض يكون العادي بتاع الناس كلها
بس بعضنا أهليهم ساعدوهم و جابولهم الشقه
معتقدش ابداااا إن في واحد جاب شقه من شقاه و تعبه و هو لسه في بداية حياته إلا قليل خالص
في رأيي ( لا إحنا مستأجرين و لا مأجرين قانون قديم ) إن حكاية الإيجار القديم في كلام كتير و هضم حق لصاحب الملك
و الحمد لله إني مش من الناس اللي بيلموا 600 جنيه في الشهر مثلا على عمارة في الدقي تساوي ملايين
أنا على فكرة واحدة مش واحد.:girlsthink:
أنا أكيد مكنتش مكسوفة عشان متجوزة في ايجار جديد, بس كل واحد و ظروفه. يعني أنا جوزي كانت ظروفه متسمحش يشتري شقة, و أنا كنت بحبه جدا و مستعدة أستحمل أي ظروف معاه. و ربنا كرمنا أن أهلي وافقوا مع اني كنت متوقعة اعتراضهم و مستنياه بس هما كمان احساسهم اني عايزاه و انه انسان كويس و يستاهل خلاهم متساهلين جدا.
بس كوني انا كنت راضية بحاجة مش معناها ان اللي ميرضاش بنفس الظروف يبقى وحش. كل واحد من حقه يختار اللي يريحه سواء العريس أو العروسة و زي ما حضرتك شايف من الردود فيه رجالة كتير برضه مترضاش تتجوز في أيجار جديد. كل واحد ليه تفكيره و كل جوازة و ليها ظروفها.
كلام سليم
لكنه لا يمنع إن ممكن يكون فيه إنسان أمين وقمة في الأخلاق ومناسب من جميع الإتجاهات
لكن المشكلة معندوش شقة
في هذه الحالة لو هقدر أساعده زي ما عمل سيدنا الخضر مع سيدنا موسى وأجيبله شقه وأجوزه بنتي ويبقى يدفعلي ثمنها براحته أو مش هاخد منه حاجة
يا أقوله كل شيء نصيب ومش هينفع من غير شقة
أخلاق الأنسان ودينه وأمانته رقم واحد
ومادياته وشقته برضه رقم واحد مش رقم إتنين
ليه بس يا دكتره
متحبكهاش
أهل العروسة ليهم حقوق وشروط برضه لأن بنتهم غاليه عليهم
من حقهم يتشرطوا على ولاد الناس طبعاً
الواحد في الزمن ده بيتجوز واحدة وأبوها بيشاركه في جميع تكاليف الزواج من التجهيز للفرح لغيره
وبعد ده كله مش عايزينه يتشرط
في الحالة دي طالما مش عايزينه يتشرط
يبقى نمشيها نظام إسلامي
العريس عليه كل حاجة من أول المهر للشبكة لتجهيز البيت بالكامل بالبيت بالهدوم بالرفايع ببابا غنوجه بالفرح بالمأذون بمعونة الشتا
والعروسه تروح بهدومها فقط