اقتباس:
المشاركة الأصلية كتبت بواسطة ams
ما هى لو هتطبق الحديث هتقبله سواء حبت شكله او كرهته
هى اللى هتقبله محدش هيجبرها على حاجة
سؤالى عن تطبيق الحديث اصلا؟؟؟ و ازاى ؟؟؟
الحمد لله وصلنا لنقطة كويسة
الرجل في هذا الأمر مثل المرأة تماماً
يعني زي ما حضرتك لما تيجي تتزوج هتختار برضه اللي حضرتك رايحلها هتختار برضه
طيب أنت علمت عن واحدة وتأكدت من دينها وخلقها ورضيت به
وهي علمت بدينك وخلقك ورضيت به
يعني الطرفين رضوا بالدين والخلق من بعض
خلاص كده خلصت ؟؟؟؟؟؟؟
لأ طبعاً
ليه
لأن أحد الصحابه كان هيعمل كده لكن النبي عليه الصلاة والسلام رفض منه هذا العمل
وقاله بمعنى الحديث روح شفها يمكن تعجبك أو متعجبكش في الشكل القبول الشكلي يعني
واحنا بنتكلم عن صحابي وصحابية تمام مفيش دين وخلق أحسن من كده
لكن النبي عليه الصلاة والسلام رفض هذا الأمر حتى يشوفوا بعض ويوافقوا على بعض
يبقى مينفعش تقول إنه طالما هي رضيت دينه وخلقه يبقى لازم تقبله حتى لو كانت بتحس إنه شكل القرد وكذلك هو ممكن ميعجبوش شكلها
ولو أهلها أجبروها على كده فالزواج باطل
تمام
الأدلة على تلك الواقعة:
عن المغيرة بن شعبة رضي الله عنه أنه خطب امرأة فقال له النبي صلى الله عليه وسلم : "أنظر إليها فإنه أحرى أن يؤدم بينكما" (أي تدوم صحبتكما)
رواه الترمذي
وروى جابر رضي الله عنه عن النبي صلى الله عليه وسلم : "إذا خطب أحدكم المرأة فإن استطاع أن ينظر منها ما يدعوه إلى نكاحها فليفعل" ، قال جابر : فخطبت جارية من الأنصار فكنت أتخبأ لها حتى رأيت منها ما دعاني إلى نكاحها فتزوجتها . رواه أحمد وأبو داود .