الموضوع: الشقة لازم تكون ايجار قديم

المشاركة الأصلية كتبت بواسطة ahmed1981

يعني المفروض الواحد يرمي بنته وخلاص
المفروض يحاول على قدر إستطاعته إنه يختار واحد مناسب لها

واحدة مثلاً من مستوى مادي مرتفع وكل أهلها عايشين في تمليك فمن حق أبوها يطلب لها شقة تمليك
وممكن القبول بالإيجار في حال إن واضح إن الشخص المتقدم أمين ومعاه دخل هيقدر يجيب شقة وعنده الحماس لكده

لأن في نوع من الشباب ليس أمين في كلمته ومجرد ما يتجوز في شقة إيجار تلاقيه برد وقاعد يفكر في أمور أخرى وعربيات ومصاريف وينططها في شقق إيجار ولكن أهم حاجة يمتع نفسه

عموماً الإختيار لبنتك في هذا الزمان صعب جداً لأن الناس الأمناء قلوا جداً

أحكيلك عن واحد عنده عيادة وعربية وبيفكر يأسس عيادة تانية
وبيقول لأبو العروسة هتجوز في شقة إيجار
طبعاً أبوها قاله يا تمليك يا تروح تلعب بعيد

بشمهندس أحمد
معنى كلام حضرتك أن أصلا لازم الأب يدور فى المقام الأول على الشخص الكويس المحترم لبنته مش الشقة

المشاركة الأصلية كتبت بواسطة ahmed1981

كلام سليم

لكنه لا يمنع إن ممكن يكون فيه إنسان أمين وقمة في الأخلاق ومناسب من جميع الإتجاهات
لكن المشكلة معندوش شقة
في هذه الحالة لو هقدر أساعده زي ما عمل سيدنا الخضر مع سيدنا موسى وأجيبله شقه وأجوزه بنتي ويبقى يدفعلي ثمنها براحته أو مش هاخد منه حاجة

يا أقوله كل شيء نصيب ومش هينفع من غير شقة

أخلاق الأنسان ودينه وأمانته رقم واحد
ومادياته وشقته برضه رقم واحد مش رقم إتنين

كده تمام جدا

أخلاق الأنسان ودينه وأمانته رقم واحد
ومادياته وشقته برضه رقم واحد مش رقم إتنين

بس الفكرة أن فى ناس كتيرة عايزة كل حاجة من أول يوم!!!!
شقة و عربية و ممكن اتنين علشان واحدة ليها بس و كمان تشطيب الشقة يكون مفيش زيه و كل الأجهزة الكهربائية تكون موجودة
الناس دى بتبقى بتبيع بنتها مش بتشترى راجل!!

يا سلام لو فى مبدأ المساعدة

على العموم أنا بعتبر أهم شرط فى الجواز طبعا بعد الدين
مرعاة الفارق الاجتماعى و الثقافى و المادى بالنسبة للراجل و البنت