حساس الحراره

**ashrafnoby** · 03-08-2010 09:31 AM

بسم الله الرحمن الرحيم

انا عايز اغير السرموستات بتاعت الكوع وعايز اسئل الخبراء لل95 1600 مانيوال .عايز اعرف امتى يكون السرموستات بتاعه الكوعه تالف ومش شغال وهل يمكن انى اغيرها يحساس درجه حرارته اقل مثلا يكون 82 درجه.

وهل يمكن ان اغيرالسرموستات الخاصه الموجوده بالريداتير بتاعه المروحه الخاصه بالسرعات على سرعه الاولى72 درجه -سرعه ثانيه82 درجه .
ومين احسن واحد اجيب من عنده الحساسات دى وتكون مضمونه.
وهل ترتيب الحراره ده صح ولا لا. بمعنى هل تكون الكوعه درجه حرارتها 82 والسرعه الاولى82 ولا الاحسن تكون درجه حراره الكوعه 82 والسرعه الثانيه 82 ايهما افضل او ايهما اصح.
وهل لو جبتها من التوكيل هيكون سعرها كام.

ياريت حد من الاخوه الافاضل مالكى ال95 يرد عليا او اى حد عنده معلومه ممكن يفيدنى
وشكرا جزيلا مقدما

**فادى محمد** · 03-08-2010 12:29 PM

بص ياا اشرف ...
-ترموستات الكوع بتبقي مقفوله والموتور بارد لحد درجه حراره معينه (حوالي 82د) تبدا تفتح علشا ن الدوره تستمر ...عاوز تعرف ترموستات الكوع شغاله ولا لا والعربيه بارده الصبح بعد ماتدور زود بايدك بنزين من الاكسراتير وشوف الخرطوم الرفيع اللي جاي من الرادياتير وداخل ع القربه لو لقيتته بيتدفق منه ميه والموتور لسه بارد اعرف ان الترموستات مفتوح او بايظ او مش موجود اساسا لانه المفروض مايعديش ميه الا لما يسخن ولذلك لو العربيه استاندارد معاك تلاحظ ان الحراره بتعلي ببطيء وبعدين عند 82 دى تقريبا بتكون شبه ثابته لان الترموستات فتح .

-الترموستات اللي ممكن تغيرها بدرجه حراره اقل هي ترموستات الرادياتير مش الكوع وماانصحكش لانك هتلاقي العربيه بارده باستمرار وتستهلك بنزين اكتر وتتعبك بالذات في الشتاء وبعدين انت كده بترهق المراوح لان المروحه مش هتلحق تستريح الا وتشتغل تاني فمالوش اي لازمه تلعب في العربيه وماتسمعش كلام الصنايعيه .

-هو عندي في البي (غالبا نفس موتورك مع فروق بسيطه في الشكل)السرعه الاولي تبدا عند 90د وتبرد لحد 80د والسرعه التانيه تبدا عند 95 د وده في حالات الخطر

-اعمل الصح ومالكش دعوه بترتيب درجات الحراره لانها استاندارد

-طبعا التوكيل تشتري منه افضل قطع الغيار بس غالي شويه ,افضل نوع ترموستات الرادياتير هتجيبها جي ام هتعمل حوالي 95ج بره التوكيل من اميركان ستارز او اي محل متخصص اوبل ورا دار القضاء العالي

**ashrafnoby** · 03-08-2010 03:30 PM

السلام عليكم ورحمة الله وبركاته
انا متشكر جدا يا hellboy على الرد.
بس انا عندى خرطوم رفيع طالع من الكوع وداخل القربه وخرطوم من الريداتير داخل الكوع وفى الصبح ان شاء الله سوف ادور السياره واشوف الخرطوم الرفيع الخارج من الكوع اذا جاب ماء يبقى الكوع باظ ودى لما العربيه تكون بارده . مش كده ولا ايه كلامى كده صح ياباشا.
اما قطع الغيار ( حساس الحراره السرعه الاولى 82- حساس الحراره السرعه الثانيه هجيبها 88 ولا ايه رايك ودى احسن من السرعه تكون على 92 )
عايز اقولك انى شوفت حساس كوع درجه الحراره مكتوبه عليا 92 درجه. وللعلم الحساس ده عندى وده انا جايبو من عربيه استيراد . علشان كده انا كان اقصدى انى اجيب حساس كوع درجه الحراره 72 وللعلم انا شوفت فى كتاب قطع الغيار حساس كوع يبدا من 72-82-92 ودى علشان اختلاف درجات الحراره.
شكرا للمتابعه

**فادى محمد** · 03-08-2010 04:37 PM

وعليكم السلام ورحمه الله وبركاته ...
تمام كده ربنا يوفقك وركب حساس الحراره بتاعها بدرجاته الاصليه .

اخوك ؛فادي محمد

**فادى محمد** · 03-08-2010 04:39 PM

المشاركة الأصلية كتبت بواسطة waoola_78

انا لما اشتريت العربيه الميكانيكى قالى ان الترموستات اللى فيها بتاع 128 وبيشتغل سرعه اولى عند 70 والسرعه التانية عند 90

الطبيعي بتاع العربيه (متوسط الحراره) هو 80د ومعني كده ان الموتور مش هيسخن ابدا لان المروحه بتشتغل عند 70 د وهتلاقيها شغاله علطول زي عربيات زمان بنظام (الدريك) وبكده ترهق المراوح وتضعف عزم العربيه وتزود استهلاكها للبنزين -هو ال128 زي الاوبل برده؟؟

**tananybasha** · 03-08-2010 04:41 PM

يا فادى سيبلى حاجة اقولها
حرام عليك

**فادى محمد** · 03-08-2010 05:11 PM

المشاركة الأصلية كتبت بواسطة tananybasha

يا فادى سيبلى حاجة اقولها
حرام عليك

تلميذك يا كبييييييييير

**tananybasha** · 03-08-2010 05:21 PM

انت خليت فيها كبير
انت بقيت استاذ

-

-

الموضوع: حساس الحراره

LinkBack

أدوات الموضوع

عرض

-

-

-

-

-

-

المواضيع المتشابهه

تجربتى فى تنظيف البوابه و المانيفولد و حساس الأيدل و حساس موقع الاكسراتير اللانوس

حساس الحراره راكب على كوعه المياه

طريقة فحص مدى سلامة حساس الحراره بالسياره , يرجى الترجمه .

حساس الحراره فى البولو

الكلمات الدلالية لهذا الموضوع

المفضلات

المفضلات

ضوابط المشاركة