الموضوع: تتجوز اجنبيه ولا تغسل صحون (وتستمر المأساه للهروب)

على فكره انا بوجهه رساله لكل الى عاوزين رقم الروسيه انا والله مشفتها اصلا عشان اعرف رقمها

بس ممكن نعمل مقابله لشباب نايل موتورز فى الغردقه وهناك مش حتاجو ارقام الجثث كلها هناك ههههههههههه

ها حد رايح

المشاركة الأصلية كتبت بواسطة pro_samir

هو مفيش اختيارات تانية ؟

أظن تركيا أرحم وفي احتمال انه يقدر يطلع منها علي أي بلد تانيه لو رايح سياحه ،، في واحد صاحبي ابتدي المشوار بتركيا ولف شوية بلاد وبقاله كذا سنه مستقر مش فاكر في البرازيل ولا المكسيك

وخليه يسال علي موضوع التعاقدات بتاع ايطاليا

إديني بقي تليفون الروسيه

على فكره هو بيفكر لو راح تركيا يعمل كده ويحاول يطلع اى بلد تانيه بس هى هى الفكره حيفضل مهاجر غير شرعى ويشتغل اى شغلانه

المشكله ان الاختيارين فيهم مميزات وعيوب يمكن عيوبهم اكتر

المشاركة الأصلية كتبت بواسطة tifana2010

على فكرة أنا كنت عايزة أعمل نفس الموضوع دا من أسبوع بس أنت سبقتنى أهه
بس كنت حأسمية "عندما يبيع الرجل نفسه"
لأن الموضوع دا منتشر بقاله كام سنة و قد يبدأ من الأماكن السياحية فى الغردقة و شرم الشيخ
يعنى لما بنت صغيرة أهلها من فقرهم يجوزوها لراجل كبير أو ثرى عربى بتوع حقوق المرأة أعتبروها جريمة تجارة رقيق و المفتى حرمها أدام الله فضله
طيب الشباب كان زمان يروح يشقى زى أنت ما بتقول فى غسل الصحون أو غيره فى بلاد بره لان محدش يعرفه هناك مع أنه لو اشتغل فى التراب فى بلدنا أو حتى فى الزبال حيكسب برضوا
بس بدل ما يشتغل زى الرجاله لقى حاليا عروض من عجائز الغرب بالزواج مقابل المال يا ترى المفتى حيحرمها برضوا
و ناس كتير متجوزين فى مصر و متجوزين بره أجنبيات برضوا عشان موضوع الإقامة و ينزل لولاده ومرأته المصريه شهرين فى السنة و لا حاجة
بصراحة أنا مش عارفة دا نسمية ايه بالضبط ..........

نسميه قهر الرجال
اللهم انى اعوذ بك من غلبة الدين و قهر الرجال

المشاركة الأصلية كتبت بواسطة totty

أخوانى الاعزاء السلام عليكم و رحمة الله و بركاته ......بسرعه و بدون تردد اقدر احكم على الموقف ده بالرجوع الى تاريخ مصر فى معاملة اهلها اولا لو تاخدوا بالكوا احنا ماشيين عكس الدنيا كلها و لكن سبحان الله مازالت مصر واقفه على رجليها ازاااااى ده اللى انا مش فاهمه لكن ماعلينا علشان ما اطولش فى الكلام انا مع حديث رسول الله صلى الله عليه و سلم انه اذا ماركب ابن ادم الريح ليهرب من رزقه لركب الرزق البرق و سقط فى فمه المساله بس محتاجه شويه صبر و تركيز مع الله لانه هو الملاذ الآمن ففروا الى الله اخوانى نحن فى زمن قال فيه رسول الله زمن الغريب او على الاقل نحن على اعتابه فاقبض على دينك و لتبك على خطيئتك و ليسعك بيتك و دع مسألة الرزق للرزاق لأنه يعلم خائنة الاعين و ما تخفى الصدور و اعلم يا اخى انك ستسأل أمام الله فأعد له الرد الحقيقي الشافى الخالص .....إذن فالحل هو ان تقبل بالقليييييل هنا فهو خير من كثيييييييير هناك على الاقل انت فى وسط اهلك و ناسك ان احتجت اليهم كانوا فى جوارك . و إذا استعنت فاستعن بالله ..فإنه من استعان بالله اعانه و من إستعان بغير الله أهانه .....عليك بالتزام الصلاه .....ثم الدعاء فإنه مخ العباده و اعلم ان الله يفرح باقترابك منه فكن عند حسن ظنك بالله يكن الله عند حسن ظنك به ....إنه الإيمان بالله آمن بانه سيساعدك من كل قلبك و تذلل لله ولا تياس من الدعاء فإنه لا يياس من رحمه الله إلا القوم الظالمون .....قل آمنت بالله ثم استقم .......و الله الموفق

كلام حضرتك بصراحه جميل وانت عندك حق
بس لو الى عاوز يهاجر ده مش بيهاجر عشان الرزق او المال انت ممكن تعمل فلوس هنا بس فى ثوانى بخ متلاقيش حاجه
ده بالنسبه للرزق لكن لو الى بيهاجر بيهاجر عشان يهرب من الجحيم اليومى الى بقى هنا والفساد الى بقى فى كل حاجه
اكل شرب هواء مصالح كل حاجه فى حياتنا مليانه بالفساد
انا مش بشجع الطرق الى الشباب بيهرب بيها زى الطرق الى معروضه على صاحبى لكن برضه اهى احسن من الى سافر على مركب وكملها عوم ولا الى قعد مع عجله الطياره ومات متجمد من البرد اظن دول الى سافرو بطرق فظيعه والعياز بالله

لكن انتم ليه مش بتفكرو الناس دى سافرت كده ورمت نفسها فى التهلكه ليه

يعنى الى بيدفع 50 الف فى فيزا حتى لو مضروبه ده واحد بيدور على رزق او فلوس !!!!!!! طب ما ال50 الف يفتحو مشروع محترم بس حيقعد اد ايه المشروع ده
اظن مفيش فى البلد دلوقتى مشروع ناجح غير بالسرقه والنصب
ارجع للحاله الاقتصاديه وانت تتأكد ومع ذلك برضه شيل الفلوس والرزق من حسابتكم واحسبوها بطريقه العيشه المحترمه
حد يكره يعيش محترم ويعامل كأنسان

المشاركة الأصلية كتبت بواسطة fadod

هو موضوع الهجره داه لفين وأي بلد داه موضوع نسبي للغاية ، بمعني فيه ناس من مصر من أقصي أقاصي الفلاحين والصعيد ، من الناس اللي ساكنه في بيوت من طين ، ومش لقيه العيش الحاف ياكلوه بتلقيهم راحو طالعين علي الاردن أو سورية ، مثلا يعني ويمكن ناس بقت تروح السودان اليومين دول ويشيل فيها رمل أو يشتغل أي حاجه حرفية ويحس إن العيشه بتاعته حلم بره لانه مكنش طايل العيشه ده في بلده ، يعني بقي ياكل تلات طقات،ساكن في بيت مسلح وكده
واحد تاني عايش هنا في مدينه نصر و عنده شقه ثمنها 300,000 وبيقبض 4000 -5000 جنيه في الشهر ومعاه ياريس ، عايز يهاجر أمريكا ولا أستراليا علشان يعيش في فيلا ويركب مرسيدس ،وهكذا
فهي ده طبيعه الانسان بيحاول يسعي ومليان طموح ، تركيا ولا روسيا ، يبقي الواحد يحسبها ويشوف إقتصاد البلدين دول هيبقي أحسن من حاله هنا قد إيه وإيه نوعيه الشغل وإيه الميزات اللي ممكن يجنيها أو يحس بيها مع الأخد في الإعتبار الغربة والبعد عن البلد وكل دة

أنا مقتنع إن فيه ناس عايزه تسافر وتتغرب من أجل انها تسافر بلد تكون فيها ادمية ومراعاه للقوانين ،مفيش رشوة ولا فساد ،ليك حريتك انك تقول اللي عايز تقوله ..كل دة مفهوم وداه اللي يمكن يكون مضايق معظم الناس هنا حتي و عيشتهم مش وحشه للدرجه ده

كلام جميل وموزون جدا

انا زمان كنت فاكر ان الى بيسافر بره ده من فئه المطحونين ومش لاقى يشتغل لكن دلوقتى الوضع مبقاش كده
زى منت قولت ناس مرتبها 5000 جنيه وبتفكر تهاجر او تسافر ولو عرفت واحده اجنبيه حتمسك فيها بسنانها عشان تاخده بره مع انه عايش هنا ماديا مستريح وكل الناس بتحسده
بس هل هو هنا نفسيا وادميا مستريح ؟؟؟؟؟ ده الى فى ناس كتير بقت تجهله

انا شايف ان الى لسه عاوزين يقعدو هنا وماسكين فيها دول اخدو التطعيم واتحصنو لكن الى التطعيم مأثرش فيه يعمل ايه يموت هنا بالحصره ولا بالشلل ولا لا ولا ولا ولا

ههههههه انا شايف ان نتيجه الاستفتاء لحد دلوقتى فى صالح روسيا ههههههههههه

مش بقولكم نعمل مقابله فى الغردقه