منتهى الخطورة

1- الطنابير المهواة بتكون مصبوبة بهذا الشكل وليست مخرمة بالتشغيل ، وحتى لو متخرمة بالتشغيل بيتعمل لها معالجة حرارية لإزالة اجهادات التشغيل مما يضمن تواصل الروابط المعدنية فى بنيتها (بنية المعدن بتكون اشبه ما يكون بألياف اللحوم او الخضار) ولو انا قطعت فيها عشوائيا فأنا بقطع فى الياف المعدن اللى بتنشأ اثناء التبريد بعد الصب وده هيضعفها تماما ويعرضها للتشرخ والكسر

2- التخريم العشوائى فى الطنابير هينشأ عنه خلل فى توزيع الوزن على الطنبورة مما سيخلق غربلة فى العجلة مهما حاولت ارصصها ، ولو رصصتها على الموتوسيكل ، اتزان العجلة هيتلخبط لو فكيتها لأى سبب

لو عايز تصرف يبقى تشيل الطنابير وتجيب طنابير مهواه

لو مش عايز تصرف يبقى تسيب طنابيرك زى ما هى

لكن الإفتكاسات دى خطر جدا