امبارح غسلت الريداتير عشان الجو اليومين دول حر جدا وطبعا طلعت منة بلاوي وصدأ كتيييييير
و بتاع الريداتيرات قالي متجيبش مياة حنفية تاني وحط مياة خضراء

انا سالتة علي الانواع اللي عندة وهو رشحلي نوع اسمة MASTER صناعة مصري و تركيز 20 % ب15 جنية الجركن

حط خرطوم مياة في القربة ودورت العربية وفصل الكوعة اليمين في الريداتير ووصلها بخرطوم وطلع منة المياة اللي دخلها من القربة وفضل يزود بنزين بس لاحظت ان المياة شدة طلوعها ضعيفة وهو قالي عادي

بعد حوالي 10 دقائق كدة لقيتة بطل العربية وفصل الخرطوم ووصل كوعة الريداتير وخد القربة غسلها برة ورجع وصلها تاني ودور العربية وابتدي يفضي الجركن في القربة

العربية اخذت حوالي 4 لتر من الجركن .... انا استغربت جدا لاني عارف انها المفروض تاخد حوالي 7 لتر وسالتة علي الموضوع دة قالي اصلها هتنقص معاك و انت ابقي زودها من الجركن

انا طبعا مشيت مضايق جدا جدا وحسيت انة مش فاهم حاجة

النهاردة بقي بفتح القربة عشان ازودها لقيتها مش ناقصة وكمان المفاجاة اني لقيت المياة الخضراء فيها صدأ

انا حاسس انة كان في مياة في الموتور وهو منزلهاش كلها والمفروض كان يحط خرطوم هواء يزق بية المياة دي

اعمل اية ....اروح لمحطة موبيل اعملها بالغسالة بتاعتهم واحط مياة تاني بس هما مش بيحطو غير مياة من عندهم الجركن ب 50 جنية وبرضو معرفش هيحط خرطوم هوا ولا لأ

ولا اسيبها شهر كدة ولا حاجة وابقي اعملها .... بس انا خايف من خلط المياة العادية المصدية بالخضراء