الموضوع: موضوع مخصص عن المدن والتجمعات السكنية الجديدة من تجارب الأعضاء.

موضوع ممتاز ..
ياريت لو حد قدامه فرصة كويسة في الشروق لشقة مساحتها لا تزيد عن 200 متر .. يقولنا عليها
وياريت يكون فيه تسهيلات في السداد ..

المشاركة الأصلية كتبت بواسطة hossam_chixo

معلش يا استاذ timtim ممكن تقولنا تفاصيل صور المشروع الى حضرتك منزل صورة
و الاسعار و لما حضرتك روحت هناك شغالين فى الموقع ولا لأ
و المساحات و تقيسمتها ازاى
و شكرا جداا ليك

المشروع اسمه حي المنتزه على 50 فدان
وفيه شقق وتاون هاوس وتقريبا خلصوا المرحلة الأولى
وفي مسجد ومول وحضانة ومركز طبي
الشقق (دا سعر شقة مميزة في عمارة بمصعد يعني ممكن يكون في اسعار اقل من كدا)
سعر الشقة : 146 الف على 3 سنوات

وسعر التاون : 215 ألف على 3 سنوات
غير وديعة صيانة 10 % بيندفع نصفها في الاول والنصف التاني تقسيط..

معلش بقى الصور دي ممكن متبقاش واضحة اوي:






رقم دفعة الاستلام اللي مش باين دا (44000)

المشاركة الأصلية كتبت بواسطة أبو حمزة

مش مريحاني خالص الحتة اللي على طريق الفيوم دي
بما فيها حدائق أكتوبر والمنتزة وبتاعة المرشدي وماشابهها مش عارف ليه

هو المنظر العام بيقول ان المنطقة مستقبلها كويس ومش هايبقى فيها لخبطة ولا عشوائية..
غير انها قريبة جدا من مدينة الانتاج الاعلامي وحي الاشجار.. يعتبروا في مربع واحد..

أسعار دجلة جاردنز ودجلة بالمز برضه للي عايز..
بس دجلة بالمز مش في حدائق اكتوبر هي جوا بعد اكتوبر

المشاركة الأصلية كتبت بواسطة egyptawy2010

شكرا على المجهود الرائع بس ممكن تقولنا امتى ممكن الواحد يسكن هناك

متهيألي مش قبل سنتين لأن الطرق مش مرصوفة لسه..

حضرتك كنت بتسأل عن التاون
هو بصراحة شكله ظريف وفكرته ظريفة بس مش عملي خالص مع ان مساحته زي الشقة بس تحس انه مفيش مساحة .. هو واخد نفس العفش اللي الشقة بتاخده بس تحس ان مفيش مساحة تتحرك فيها.. يعني لما تطلع فوق اول ماتطلع من السلم تلاقي نفسك في طرقة اقل من متر في متر وحواليك بابين غرف وباب حمام وبرضه جوا الغرف .. العفش متوزع بس برضه مفيش اي مساحة يادوبك ممرات صغيرة.. وتحت كذلك تحس انك لو عايز تفرش سجادة تصلي عليها مش هاتلاقي مكان :)
وبرضه المطبخ محندق اوي..
الشقة داخليا افضل من التاون.. (وجهة نظري) وتقدر تتفرج وتحكم..
وممكن تاخد شقتين جنب بعض وبيصمموهم لك على انهم شقة واحدة بس الشقة التانية متكونش باسمك ولا باسم الزوجة..

بس ميزة حي المنتزه ان فيه تاون هاوس وعاملين منظر كويس للكومباوند.. لان في سور للكومباوند كله والمباني اللي على الواجهة تاونات... فشكلها ظريف..

المشاركة الأصلية كتبت بواسطة mazagngi2010

كلمت سالى بتاعت المصريه الكلام اتغير عن تجربه الاخ اللى كاتبه فوق
الموقع بعد السالميه وقبل دجله
الاستلام فى 30-11-2011!!!!!!!
42 الف مقدم-10 الف جراج!!!!-وقسط شهرى 2000 جنيه لمده 5 سنين للادوار من الاول للرابع
لو هتكيش هتدفع 117
صافى المساحه 83 م ومفيش مشاكل مع جهاز المدينه لاننا نختلف عن الاخرين واتفضل زورنا واعرف كل التفاصيل وكلام البياعين المحفوظ
لو حد يعرف تفاصيل تانيه يرزعها لنا هنا

يعني الشقة كاش ب117 الف وفي 5 سنين تبقى ب 172000 !
مع ان صاحب الموضوع كان بيقول كاش 110 وتقسيط 5 سنوات 132!!
والتشطيب اخباره ايه؟ نصف تشطيب برضه؟