الموضوع: تقرير مقابلة نمور كيا 6/8/2010 (قول بسم الله ماشاء الله )

السلام عليكم ورحمة الله وبركاتة
( اللهم بلغنا رمضان )
ايه الجمال ده والحلاوة دي و الشقاوة دي
بجد ناس زي السكر والعسل الابيض
مش هقول كلام قليل لان الكلام عليكم لازم يطول
هبدأ الكلام بشكر (صاحب الفرح) ابو العروسة العزيز الغالي ابو ليلي
(اللي زعلنا كلنا لما مجبش ليلي معاه)
ونروح علي الدكتور الجامد اوي رفيق الطريق وصاحب صاحبه بجد الدكتور اسامة اللي اتشرفت بلقائة والصلاة معه في مسجد واحد اللهم اجمعنا في الجنة يارب العالمين
ثم الجميل (محمد توفيق) وحينما تراه تحس بأنك امام نجم سنمائي بجد يعني نقول (مهند) مثلا طبعا هو مقطع الدنيا في الكلية بس مرضيش يتكلم ربنا معاه بقي يا جماعة ويبعد عنه المعجبات في رمضان
ثم الاستاذ الفاضل عمرو سعد كم انت جميل يا رجل ربنا يكرمك (ويحرسك من الانتظار علي الدائري في انتظارنا)
وكابتن الكباتن يعني الحكومة وادبها يعني الحرس الوطني يعني تحيا مصر برجال الجيش الاشاوس والمقدم (عمرو شرف) اللي بجد اتحرمنا من انسه لما اضطر للمغادرة بدري
وسع طريق الونش جاي اخيرا ربنا رضي عني وشفت الوحش الباشا (زواوي) علي سن ورمح وبجد احنا ظلمناه كثيرا ده كان قاعد بجانبة ناس ضخمة جدا (فيجو وياسر الصياد الجمال جدا) كانوا هياكلوا دراعه يا عيني بدل المحشي
وعم الشباب ومهندس الجيل القادم يعني الخلق العالي يعني الشباب اللي بجد الواحد بيفرح بيهم ربنا يكرمك يا محمد (نورمال) ويخليك لاهلك رافع راسهم دايما لانك مثال للتربية المثالية ويخليك لينا تقطع التورتة دايما
و الدكتور الجميل احمد سامي اللي عامل بوستر جامد به (اوبتكل اوليوجن) عالي اوي وانا لما عرفت بعدين ان اللي بالي بالكم دي افتكاسه صوابع دعيتله في سري ان (مايا) وليلي القادمة بأذن الله يظبطولو صوابعه ويكسروهملو (بعد الشر طبعا) والشباب البورسعيدية الجمال اللي بيمثلهم عم الدكاترة الباشا (الجيزي) اللي مرتحش الا لما غير ولبس الشورت وقعد براحتوا وكمان مهندس السيراتو اللي شدنا كلنا ليه بتلقائيتة و احساسة العالي م.محمد غازي اللي مركب مسمار زي اللي في رجلي من 10 سنين يعني بقينا صحاب مسامير وهيزمر في المطار زيي يارب تم شفائة علي خير ولا تحرمة من متعة السجود اليك قولوا معي امين امين يارب العالمين
والباشا اسامه اللي هيتجنن من 280 حصان بتوع السيراتو هو ميعرفش ان السيراتو بتجيب حصنه عربية غير مخلطة ولا ايه
وكمان الاستاذ الفاضل ( احمد اسماعيل ) الراسي اوي وكمان استاذنا (احمد سعد) كم كان وجودكم منور المكان بجد والصديق الجديد اللي اتمني انه يبطل جري بسرعة عالية الجميل (السويدي) محتاجين من معاليك مشاركة اكتر من كده شوية والشباب بقي الجمال بتوع النيسان والاستاذ احمد مصطفي والباشا حسام اللي منور في قسم كيا وكمان شباب امان الشرق ربنا يكرمهم بكام اوردر كده
واخيرا الف شكر للاستاذ كريم علي حضوره واختم بشكر مرة اخري للغالي ابو ليلي ويارب نجتمع جميعا علي محبة الله وطاعتة ولا تنسونا بالدعاء بالخلف الصالح ولا ننسي نصيبنا من قيام رمضان يا جماعة اوصي نفسي وأوصيكم بالله عليكم

اخوكم في الله

م.حاتم السباعي