الموضوع: تقرير مقابلة نمور كيا 6/8/2010 (قول بسم الله ماشاء الله )

السلام عليكم و رحمة الله و بركاته

يعني انا مش عارف ابدأ ازاي و اقول ايه غير ان المقابله دي كانت
من اجمل, و احلى المقابلات اللي حضرتها مع اخواتي اعضاء نايل موتورز

الأول عايز اعتذر عن تأخر ردي, لكن انا بقالي يومين بكتب في الرد ده
لأني مش متعود اقول رأي في الناس بالكتابه, لان انطباعي بيكون واضح
بس انا بحاول و يا رب الكلام يسعفني و اوفي كل الناس قدرها...

لكن خلونا نتفق ان الكلام ده نسبه صغيره من قدر كل الأعضاء عندي

بجد مفيش كلام يوصف قد ايه اليوم كان راااااااااااااااااااائع بكل المقاييس
و اجمل ما فيه كل النـــاس اللي حضرت و اللي اتشرفت بالتعرف عليهم
او اللي كنت اعرفهم قبل كده, و اتشرفت بمقابلتهم مره تانيه

أبوليلى... كل الشكر و التقدير للمجهود الجبار اللي قمت بيه
و يكفي انك ما كلتش إلا لما اتأكدت ان الكل مش ناقصه حاجه
و ده طبعاً غير التنسيق و الترتيب للمقابله مع ادارة العزبه,
شرفني التعرف عليك, و كنت سعيد جداا بالنقاش معاك

اعضاء قسم نيســان نورونا بجد, و القعده احلوت بوجودهم...

انا مش عايز انسى حد, لأني بجد كنت سعيد جداا بكل فرد حضر المقابله
لكن انا هقول بعض اسامي الناس اللي جمعني بيهم حوار, و دردشنا سوا

د.أحمد سامي: شرفني جداا التعرف عليك, و الحديث معاك سواء عن
السيارات, او عن موضوعات اخرى... بجد انسان محترم جداا,
مثقف, فاهم, و دمه خفيف جدااااااااااا... فين الصوره يا دوك.؟؟ ;-)

م.أحمد اسماعيل: اتشرفت جدااا بالتعرف عليك, و زي ماتخيلتك بالظبط,
شخص هادي, مثقف, دمه خفيف, بتعمل دويتو رااائع مع د. احمد سامي :)
كنت سعيد جداا بالحديث معاك يا كبييير الكياويه, و انت غاني عن التعريف :))

أ.كريم منير: صديقي المحترم, اللي فعلا يشرف اي حد انه يتعرف عليه
لأنه انسان غايه في الاخلاق و الاحترام, و بيحاول يساعد الاعضاء بكل الاشكال.
كنت سعيد جداا اني شوفتك يا كريم, لأن بقالنا فتره طويله ماتقابلناش...

أ.احمد مصطفى: صديقي و اخويا اللي بجد بردو بتشرف جداا بمعرفته و صداقته
بجد انسان قمه في الاحترام و التواضع, و خدوووووم جداااااا, ربنا يباركله...
كنت سعيد جداا اني قابلتك بعد فترة غيابي, لأنك من الناس اللي فعلا بعتز بيهم
و بصداقتهم جدا جدا, و اتمنى اشوفك انت و ابوليلى لأننا جيران, و بحق عرب :))

محمد حمدي: صديقي و رفيق الكفاح و اخويا, شرفني جداا مقابلتك و التعرف عليك
فعلا انسان قمه في الذوق و الاحترام, و من الناس اللي كنت حابب اتعرف عليهم
و قد كان, المقابله دي كانت سبب اني اتعرف على انسان محترم جداا زي محمد حمدي

ميدو الجيزي: شاب محترم جداا, يمكن ماكنتش اعرفه قوي قبل ما اقابله,
لكن ما شاء الله, المقابله كانت خير معرفه بيه... سعيد جداا بالتعرف عليك يا باشا

نورمال: شاب هادي, و محترم جداا, من ضمن الناس اللي كنت حابب اشوفهم
و المقابله كانت خير وسيله للتعرف عليه... سعيد اني شوفتك يا باشا

زواااوي: بسم الله ما شاء الله, و ربنا يزيد و يبارك, انسان طول بعرض على حق
و كانت الكلمه المشهوره لكل اللي يشوفه اول مره.. (( أكيييييييد انت زواوي..!! ))
انسان محترم جداا, و دمه خفيف, و كنت سعيد جداا بمقابلته...

حسام اوبتراوي: صديقي العزيز اللي كان نفسي اتعرف عليه من زمااان و هو غاني
عن التعريف... انسان هادي جداا, خلوق, و ما شاء الله كل الناس بتحبه و هو يستاهل
كنت سعيد جداا اني شوفتك اخيرا, و اتعرفت عليك, و ده يشرفني يا باشا :))

يــاسر الصياد: و انا اللي كنت فاكرك متجوز و مخلف كمان... هههههههههههه
بجد شاب كاريزما جداا, و ذوق, و محترم, و دماغه ما شاء الله عاليه, و فاهم
كنت سعيد جداا بالتعرف عليك و الحوار معاك, و ان شاء الله نتقابل تاني قريب.

اسلام BlackKnight: بسم الله ما شاء الله, انسان مثقف جداا, و محترم
نقاشه متحضر, كنت مستمتع جداا بالكلام و النقاش معاه, و سعيد اكتر اني
اتعرفت عليك في فرصه زي دي يا باشا... اتمنى نتقابل تاني :))

HAGAN: المهندس زميل المهنه, و اخويا الكبير اللي عمل نفس العمليه اللي
في رجلي من 8 سنين, و كان شرف ليا اني اتعرف عليك و اتكلم معاك يا فندم
اتمنى اشوفك قريب على خير بإذن الله...

محمد رماح: الشاب المحترم و الخلوق, و اللي بجد بعتبره اخويا و اكتر كمان
كنت سعيد جداا اني شوفتك, و اسمحلي اشكرك على اهتمامك و سؤالك عليا
في فترة غيابي, و ده شئ اعتز بيه, و اسعدني جداا... شكراا جزيلا على ذوقك

اكتووووو: ابو كف رقيق و صغير, انت بجد من الناس اللي انا بحبها جدااا
لأنك بتتعامل بكل تلقائيه مع كل الناس, و انسان بسيط و طيب جدااااا
لا خلاف على انك انسان محترم و خلوق طبعاً, و كنت سعيد اني شوفتك...

أ.عمرو سعد: البيكانتاوي الاصيل, كنت سعيد بالتعرف عليك, و لو اننا ماتكلمناش
مع بعض كتير, لكن ما شاء الله كل الناس بتحبك و ده اكبر دليل على انك شخصيه
محترمه, و الجايات اكتر يا باشا, و ان شاء الله اشوفك على خير قريب...

أبوليلى: و ختامه مسك يا باشا, انا اتشرفت بالتعرف عليك و الحديث معاك
و اسمحلي اشكرك مره تانيه على المجهود الجبار اللي قمت بيه, ربنا يبارك فيك
شخص قمه في الذوق و الاحترام و التواضع, و كتاباته تشهد على ثقافته و ابداعه,
قلم أبوليلى من الاقلام المشهوره في القسم, و الكل بيحب مواضيعه الشيقه جداااا
و انا واحد منهم, و بكرر انه هيبقى بحق عرب لو ماتقابلناش تاني لأننا جيران :))

و في الاخر انا بعتذر لأي حد انا نسيته, سواء اتكلمت معاه او لأ, بس العدد كان كبير
ما شاء الله, فالذاكره هتخوني اكييد, لكن القعده عمرها ما كانت هتبقى بالجمال ده إلا
بوجود الجميع بدون استثناء, و اكيييد شرفني حتى اني اسلم على الكل فرد فرد...

بجد الكلام مستحييييييل يوفي المقابله دي حقها, لكن اللي اقدر اقوله اني كنت سعيد جداا
بالتواجد وسط عمالقة كيا و نيسان و باقي الضيوف, و كان شرف كبير ليا...

كل مقابله و انتوا بخير و صحه و سلامه, و كل سنه و انتوا طيبين, و رمضــان كريم

اخوكم محمد غازي

غازى باشا : والله ياراجل الرد اللى انت كاتبه ده لا يوجد تعليق يكفيه بصراحة الناس كلها كانت مبسوطة بوجودك معانا فى المقابلة - خاصة ابوليلى اما طلب التوضيح الخاص بال Torsion beam اظن فاهمنى :) - و اتمنى من الله شفاءك السريع و الكامل علشان تتنط زى مانت عايز على السقالات