الموضوع: السيراتو - تجربتى مع القيادة السريعة

المشاركة الأصلية كتبت بواسطة xshadow

بص يا سيدي،

بالنسبة لصوت الموتور، فنا شايف إنو بيهدة بعد ال-140 د عادي، لأن غالباً إنت بتكون بتعدي عربية مثلاً أمت دايس بنزين شوية فالفتيس بيقوم مسقط يجيب النقلة التالت و صوت الموتور يعلى لحد 140 (أو أكتر ممكن لحد 160 لو دايس جامد) بعدين ييجي يقوم نائل للنقلة الرابعة يقوم يهدى.. الموتور مبيفضلش سابت على النقلة الرابعة من سرعة 100 عادي ممكن بيرجع تاني للتالت في أي وقت تدوس فيه

أما بالنسبة لموضوع التكييف، جرب حضرتك تحط على درجة حرارة "low" و هتلاقي مفيش هوى سخن أو دافي بيطلع مل فاتحة اليمين.. و تفسير الموضوع دة حاجة بسيطة

التكييف دلوقتي فيه مجريين هوا .. واحد بيطلع هوا صاقع و واحد بيطلع هوا سخن (أو عادي مش متأكد) .. لما حضرتك بتزبط درجة حرارة التكييف على مثلاً 20, الهوا الصاقع بيطلع لحد أما الحرارة توصل ل-20.. بس لو فضل يطلع هوا صاقع، هتلاقي الحرارة وصلت 19 مثلاً، فهو بيحل المشكلة دي بإن هو بيخلي الهوا السائع بالهوا السخن عشان يزبط درجة الحرارة.. انما لو حضرتك حطيط على درجة حرارة "low" مثلاً، مش هيحتاج يستخدم أي هوا سخن و بالتالي هتلاقي مفيش هوا دافي طلع.. بس لازم تلاقي هواية أقوى مل تانية لأن في وحدة منهم بتبقى أئرب لمخرج الهوا الصاقع (و ظني انهم إلي فالنص)

و على فكرة، أنا عندي زيك بالظبط موضوع الهواية إلي فاليمين و كنت سألت عليها أبل كدة عادي، فمتقلقش مش مشكلة إن شاء الله

و يارب أكون فدتك

تحياتي

الحمد لله يا جماعة عديت على الوكيل النهاردة فرع روكسى وكشفلى على التكييف ولقى مخلوقات كتيرة عايشة فى مواسير الكومبيروسور والماسورة اللى مودية على الفتحة اليمين أصلا مسدودة تقريبا وهناك قاموا بالواجب والدنيا رجعت ربيع لأ وأحسن من الأول كمان

واللى عرفتوا منهم هناك ان طبيعى الاتنين اللى فى النص يكونوا أقوى من الجوانب

تحياتى للجميع وشكرا

بس بالمناسبة إيه اللى جاب سيرة تفتيح المواتير هنا، والعالم اللى فتحوا الماتورة فتحوه ازاى بطفاشة يعنى :)) لأ بجد لو العربية اتوماتيك إيه الأسلوب الأمثل للتفتيح

بعد أربع أيام ياجماعة مشكلة التكييف رجعت تانى !!!!!!!!!!!!!!!!!