السيراتو - تجربتى مع القيادة السريعة

**aaet1** · 08-08-2010 10:33 PM

المشاركة الأصلية كتبت بواسطة hosamenter

مش عارف كل يوم عيب جديد شيى يدعو للقلق بس لا تراجع ولا استسلام

لأ بص يا باشا ان شاء الله مافيش قلق .... ده عادى ما أديك شفت اللى حصل مع التيوتا وغيرها وحاجات أنيل مليون مرة، وبعدين لو على التكييف أنا كمثال عديلى معاه نيسان صنى وفى أقل من سنة كان التكييف وقف خالص وراح مليون مرة التوكيل ويرجع يشتغل شوية ويقف تانى وفى الآخر قالوله ان كمبيوتر التكييف بايظ

عادى الصناعة كلها كده دلوقتى الا من رحم ربى

**Dr Zezo** · 08-08-2010 10:49 PM

المشاركة الأصلية كتبت بواسطة aaet1

2- التكييف وده كان الحاجة المحبطة، أولا أنا قبل كده كان العادى بتاعى بخليه على 22 مع تدوير هواء داخلى بلاقيه أفضل بكتير من التدوير الخارجى، أما مع السرعة العالية فلقيت انه فجأة بعد حوالى الساعة من السواقة لقيت التكييف ضاع حطيت إيدى على الأربع فتحات لقيت أفضل واحدة فيهم هى اللى جنب الشباك الشمال تليها الوسطى شمال ثم الوسطى يمين أما الفتحة اللى جنب الشباك اليمين فكانت المفاجأة ... مطلعة هوا سخن؟؟؟؟؟؟!!!
جربت أطفى التكييف وخليته أوتو مع تنزيل الحرارة لـ 20.5 والأوتو ظبطه أتوماتيكيا على التدوير الخارجى، الوضع اتحسن كتير بس الفتحة اليمين مستمرة فى الهواء اللى بقى دافى مش سخن .... قفلتها، واعتمدت على ال 3 فتحات التايين، طبعا الوضع اتحسن كتير جدا والتكييف بقى كويس بس فضل التفاوت بين الفتحات فى سقوعية الهوا، والغريبة انى لما حاولت أحولى لوضعية التدوير الداخلى لقيتها أوحش.
المهم بعد ما بقيت جوه القاهرة ومع نزول معدل السرعة لأقل من 110 بدأت الفتحة اليمين تفوق شوية

التكييف مع التدوير الداخلي لفترات طويلة يجعل الهواء جافا غير بارد

و قد يؤدي الي انعدام تأثير التكييف

حضرتك ممكن تراجع الكتالوج في هذه النقطة

و ستحتاج لحل المشكلة الي جعل التكييف يعمل لفترة علي وضعية سحب الهواء من الخارج

هذا علي حد معلوماتي البسيطة

**aaet1** · 08-08-2010 11:04 PM

المشاركة الأصلية كتبت بواسطة dr zezo

التكييف مع التدوير الداخلي لفترات طويلة يجعل الهواء جافا غير بارد

و قد يؤدي الي انعدام تأثير التكييف

حضرتك ممكن تراجع الكتالوج في هذه النقطة

و ستحتاج لحل المشكلة الي جعل التكييف يعمل لفترة علي وضعية سحب الهواء من الخارج

هذا علي حد معلوماتي البسيطة

طب كلام منطقى، لكن تفتكر حضرتك إيه سبب اختلاف قوة التكييف بين الأربع فتحات العلوية لأ وكمان فيهم واحدة بتطلع هواء دافى ؟!

**MoMohsen** · 08-08-2010 11:22 PM

التفسير المنطقى للتكييف هو ان حضرتك فى السفر او الطرق الطوالى بيكون التكييف فى اعلى اداء ليه لان بيكون الحمل اللى واخدة من الموتور لا يذكر و بالتالى بيحصل عمليه تكوين التلج و ديه مشكله قابلتنى كذا مرة فى السفر و حلها بيكون انى بفتح هوايات العربيه واخلى الهواء متجدد ودة بيدى فرصة للتلج انه يسيح وبالتالى اداء افضل للتكييف .بس دة مبيكونش الوضع لو شغلت التكييف داخل المدينه بل بيكون العكس وبيبقى الافضل وضع تدوير الهواء الداخلى لان وقتها التكييف بياخد حوالى 15% من قوة الموتور و عمرة ما بيوصل لافضل اداء.
بالنسبه للسخونه اللى جايه من الفتحة اليمين ممكن يكون السبب ان مجرى الهوا قريب من مصدر حرارى زى فرن الشكمان ولما حضرتك جريت بالعربيه لفترة بدات السخونه تأثر على الهواء اللى جاى من الفتحة دية.

**medo111** · 09-08-2010 02:30 AM

ممكن تكون اقوي فاتحه هي اول فاتحه بيجلها هوي التكييف وبالتدرج فظل ان التكييف ادائو مبقاش مظبوط ف الفرق بينهم بان

**aminibrahim** · 09-08-2010 02:58 AM

انا عندي العربيه في اسوان والتكييف ليل ونهار وبدون فصل لان الجو زي الخليج والحمد لله ثلاجه

اما فكرة الغيار بيبقي 4 في الاوتو عند ال120 او ال100 انا كتر بحول مانىوال وبكون ع ال60 وبلاقيه 4 مش عارف دا طبيعي؟

**ghazy12** · 09-08-2010 03:15 AM

شوف يا باشا...

أولا: صوت الموتور ده عادي, لأن كل مواتير الكوري خشنه, و صوتها
عالي نسبياً, و ده معروف

و انا شخصياً شايف ان الجير بوكس الـ4 سرعات بردو من ضمن الاسباب
و ده رأي و وجهة نظري...

ثانياً: تكييف السيراتو فعلا مش ممتاز, لكن بردو مش سئ

الفكره ان الجو الفتره اللي فاتت و لحد دلوقتي فعلا صعب و يهد اي
تكييف, فبلاش تزعل قوي من موضوع التكييف ده, و لو حاسس
ان في حاجه ممكن تروح التوكيل تشييك على دورة التبريد...

الموتور و سحب العربيه لا جدال عليه خااالص, لأن موتور السيراتو
قوي ما شاء الله, و لما بيتفتح صح, كل سنه و انت طيب :))

ربنا يباركلك فيها و يديك خيرها و يكفيك شرها...

كل سنه و انت طيب و رمضان كريم...

تقبل تحياتي...

**Ahmed Samy** · 09-08-2010 04:33 AM

المشاركة الأصلية كتبت بواسطة ghazy12

لأن موتور السيراتو
قوي ما شاء الله, و لما بيتفتح صح, كل سنه و انت طيب :))

ههههههههههههههههههه

ايوة كل سنة و انت طيب ...

ألف سلامة

**ghazy12** · 09-08-2010 05:34 AM

المشاركة الأصلية كتبت بواسطة Ahmed Samy

ههههههههههههههههههه

ايوة كل سنة و انت طيب ...

ألف سلامة

تصدق فعلا احنا الاثنين فتحنا الموتور بنفس الطريقه...

و احنا الاثنين بردو كل سنه و انت طيب, و بنفس الطريقه...

ماحدش يفتح موتور السيراتو يا جدعاااااااااااااااااااااا ن... هههههههههههههههههه

**xShadow** · 09-08-2010 02:29 PM

بص يا سيدي،

بالنسبة لصوت الموتور، فنا شايف إنو بيهدة بعد ال-140 د عادي، لأن غالباً إنت بتكون بتعدي عربية مثلاً أمت دايس بنزين شوية فالفتيس بيقوم مسقط يجيب النقلة التالت و صوت الموتور يعلى لحد 140 (أو أكتر ممكن لحد 160 لو دايس جامد) بعدين ييجي يقوم نائل للنقلة الرابعة يقوم يهدى.. الموتور مبيفضلش سابت على النقلة الرابعة من سرعة 100 عادي ممكن بيرجع تاني للتالت في أي وقت تدوس فيه

أما بالنسبة لموضوع التكييف، جرب حضرتك تحط على درجة حرارة "low" و هتلاقي مفيش هوى سخن أو دافي بيطلع مل فاتحة اليمين.. و تفسير الموضوع دة حاجة بسيطة

التكييف دلوقتي فيه مجريين هوا .. واحد بيطلع هوا صاقع و واحد بيطلع هوا سخن (أو عادي مش متأكد) .. لما حضرتك بتزبط درجة حرارة التكييف على مثلاً 20, الهوا الصاقع بيطلع لحد أما الحرارة توصل ل-20.. بس لو فضل يطلع هوا صاقع، هتلاقي الحرارة وصلت 19 مثلاً، فهو بيحل المشكلة دي بإن هو بيخلي الهوا السائع بالهوا السخن عشان يزبط درجة الحرارة.. انما لو حضرتك حطيط على درجة حرارة "low" مثلاً، مش هيحتاج يستخدم أي هوا سخن و بالتالي هتلاقي مفيش هوا دافي طلع.. بس لازم تلاقي هواية أقوى مل تانية لأن في وحدة منهم بتبقى أئرب لمخرج الهوا الصاقع (و ظني انهم إلي فالنص)

و على فكرة، أنا عندي زيك بالظبط موضوع الهواية إلي فاليمين و كنت سألت عليها أبل كدة عادي، فمتقلقش مش مشكلة إن شاء الله

و يارب أكون فدتك

تحياتي

الموضوع: السيراتو - تجربتى مع القيادة السريعة

LinkBack

أدوات الموضوع

عرض

-

-

-

-

-

-

المواضيع المتشابهه

سلسلة سلوكيات القيادة الأمنة - الحلقة السادسة (القيادة الليلية)

تجربتى .. مع السيراتو وتكنو1

تجربتى الشخصية مع السيراتو فى السعودية

عند تهدئة سرعة السيارة أثناء القيادة دون توقف....وسؤال للماهرين في القيادة

تجربتى مع السيراتو على 180

الكلمات الدلالية لهذا الموضوع

المفضلات

المفضلات

ضوابط المشاركة