الموضوع: بعد ما العربية توصل لل 90 بلاقى رجه خفيفة فى الدريكسيون

لو ال90 عندك يا باشا بتيجى مع اخر غيار للعربية يبقى ترصيص للعجل مفيهاش كلام لكن لو بتبقى ماشى بالعربية و بتجرى و مرة واحدة تلاقى رجرجة جامدة و تروح ده عيب فالكربراتير بيبقى فى باب مخروم فبينزل بنزين زيادة

ثرصيص يا باشا

المشاركة الأصلية كتبت بواسطة ahmedshafei77

طيب ممكن اعرف ايه الترصيص ده

والعربية زيرو بقالها معايا 8 شهور بس

وشكرا

الاخ الفاضل

العربية بتخرج مترصصة من المصنع بس اللى بيحصل ان 80% من الترصيص بيطير لما تاخد مطب جامد يقوم يحصل معاك الرعشة و الاسم العلمى غربلة فى الدركسيون . بس لو لاحظت انها بتيجى عند حتة معينة و دى النقطة الحرجة زى مبتقول 90 او 95 بس لو عديت ال 100 بتلاقيها خفت خالص . طالما العربية جديدة يبقى زى الاخوة ما قالو اظبط هوا و رصص العجلتين الاماميتين و الترصيص قية منة نظامين اما عن طريق فك العجلة ووضعها على جهاز او وهى راكبة بمكنة الترصيص اللى بيسموها الحصان ال2 زى بعض

بص ياباشا
الرعشه عند السرعات العاليه بتبقى لسبب من الاتى
عيب فى الكاوتش : لازم تتاكد ان مفيش فرده معووجه او جايبه سلك وعلاجه تغيير الكاوتش التالف وليس تبديل مكانه
عيب فى الجنط: وده نتيجة مطب غالبا وعلاجه الترصيص
عيب فى الخزنه: وعلاجها اما حشو الخزنه او تغييرها
واخيرا ان كانت الرجه اثناء الفرامل فدى تبقى ريجه فى الطنابير او انعواج نتيجة استخدام الفرامل فى مناطق متعرجه كتير او لعدم تغيير تيل الفرامل بعد ما يخلص او لمرورك فى ميه والطنابير سخنه فبتتعوج وفى الحاله الاخيره دى بتغير الطنابير اما الحالتين السابقتين فبتروح المخرطه تمس الطنابير ب 30 جنيه

رصص وكل حاجة ان شاء الله هتبقى زي الفل

تمام يا ميدو بس كتر مس الطنابير غلط بيخفها اوى و مبتقاش مستحملة و بعيدن الاستاذ عربية زيرو يعنى لسة قدامة شوية عقبال ما يبتدى يدخل فى مواويل الترصيص و ظبط الهوا و الاتزان
الكاوتش يا باشا عند السرعة العالية لو عمل رجرجة بيبقى من ان هوة ركن جنب رصيف فحك جامد فناحية من الكاوتش خفت فبتطلع مكانها بالونة هوا و ده خطر لانه ممكن يضرب لاقدر الله على الطريق و لو جايبة سلك فميدو كلامة مظبوط