مشكلتي مع التوكيل و الحل غير مرضي ! يارب !

**bolok** · 23-08-2010 02:38 AM

سوري يعني بس ايه الطيبة اللى انت فيها دي ؟؟؟؟!!!!
معلش يعني اعتبرني زي اخوك الكبير بس انت غلطاااااان اكتر من التوكيل ..
انت ازاي تستلم عربيتك بايظة وتاخدها وتمشي في كل مرة ... لا وكمان تدفع فلوس ...
استاذي الفاضل " الساكت عن الحق شيطان أخرس " مبالك بقى لما يكون الحق ده حقك انت ...
انا حاليا مش بلوم الوكيل انا بلومك انت ... انت اللى في كل مرة تروح هناك متغاظ وشايط يقومو ضحكين عليك بكلمتين وواضح انك من النوع الخجول اللى مش بيحب مشاكل ... وترجع تطلع غضبك في النت ...
اسف على اسلوبي الهجومى عليك بس والله انا متغاظ دلوقتى اكتر منك مش من الوكيل اد مهو منك ....
معلش اعتبرني بنصحك نصيحة اخوية واعتبر ان اخوك هو اللى بيكلمك ... انت تروح هناك وتقول على كل مشاكلك او حتى تروح فرع تاني للتوكيل وتطالب بكل حقوقك كاملة .. بس المرة دي ماتخرجش من هناك الا وانت واخد جميع حقوقك ...

**Deshahcoka** · 23-08-2010 03:09 AM

باشا والله انا مش زعلان من كلامك ده انتا فوق راسي و فعلاً انتا زي اخويا.

انتا صح انا بصراحة متغاظ و محروق من نفسي و مش عارف اعمل ايه كل مرة اروح و ارجع البيت اقعد قدام الكمبوتر احكي الي حصل معايا معاكم على امل حد يسمع !

و انا اعملهم ايه يعني ؟ انا شكيت و قلبت فوق دماغي و انا مسكتش ده انا بكلم الكول سنتر برضه ولا هوا هنا مش معربرني! يقلي و بعدين نعملك ايه روح الفرع !

انا بجد زهثت و كنت بفكر في سفرية للقاهرة لتوكيل القطامية و الواحد يكشف على العربية من اولها لاخرها هناك و يحطوها على الكبمبيوتر و كدة يعني ! و يشوفوا حورا يغير حاجة بتاعت الزواية ورا علشان العومة ديه !

باشا والله انا خلاص تعبت و شوية حطق ساكت من كتر حرق الدم و الغيظ ! انا مفيش حاجة حرقت دمي الا العربية ديه من اول يوم جبتها و انا في دوامات ملهاش اخر !!!!!!!!!!!!!!!!!!!!!!!!!!!

انتا ايه رأيك كدة ؟!

**Deshahcoka** · 23-08-2010 03:14 AM

المشاركة الأصلية كتبت بواسطة lolly136

الحوار ده حيخلص بزيارة ل القاهرة
وتطلب حد يعملك كشف ويكتب تقرير عن حالة العربية

انا زهقت بجد و جبت اخري!

يعني كدة الواحد يعمل حسابه على بعد العيد من صباحية ربنا يكون في القطامية ( مش عارف حوصلها ازاي بس قبليها حسأل هنا لاني معرفش حاجة في القاهرة ) و يعملو اكشف شامل عن كل حاجة و في الاخر يكتبولي ورقة بكل حاجة في العربية صغيرة و كبيرة ؟ و لا زي هنا كل شوية يقلي 2 فردة كاوتش امامي بايظة ! جه الي هما فالحين فيه !

و التوكيل في القاهرة عمره ما هيعمل الحوارات ديه معايا اكيد يعني الواحد يوكل امره لله و ينزل القاهرة ؟ و ربنا حيكرمني ؟

**bolok** · 23-08-2010 03:19 AM

ليه يا عم انت تطق بعد الشر عليك يعني ... فداك مليون عربية ...
كل مشكلة وليها حل ان شاء الله ... روح لمركز القطامية واعتقد ان الأخت الزميلة لولي حتقوم معاك بالواجب وزيادة ان شاء الرحمن ..
بس انت استعين بالله على قضاء حاجتك واعمل اللى عليك علشان الحق معاك وان شاء الله ترجع العربية زي الاول و احسن
ربنا معاك وشكرا على تقبل كلامي ليك بصدر رحب

**Deshahcoka** · 23-08-2010 03:31 AM

ان شاء الله :) ربنا يخليك يا باشا والله :) و شكرا على كلامك و مساندك ليا! ربنا يخليك و كل سنة و انتا طيب

**night_phoenix** · 23-08-2010 03:53 AM

بص يا عزيزي انا بدا دمي يتحرق من الي انت كاتبه انا اصلي او ل مرة اركز في كلامك انت طيب اوي كده ليه و بتتهاون كده في حقك
بص عليا و علي اعدائي هما ارفوك تالت و متلت انت اعملهم فيها شيطان و اقلب الدنيا عليهم يا بني (انا عجوز شويه ) ده حقك و اذا كان البتاع ده جاله جزا يستحق مش مقصر في شغله ولا انت مفتري؟؟؟ الي يقصر يتقطع رقبته انا محروق من التوكيل و سرقته و قرفه و عفانته وبحمد ربي اني خليجي عشان خاطري بلاش الادب الزياده ده
امسك فيهم انت كده كده طلعان عينك بالمشاكل الي هيا فعلا بسيطه بس تغيظ علي فكرة انا الموتور بتاع المساحات عندي باظ و في تكنو وان بيتكلف كله 260 جنيه بس دماغك دلوقتي.ان شاء الله تيجي القاهرة و معاك الصور و الايميلانت و تدخل علي التخين فيهم عارف حتي لو متعملش حاجه كفايه ياسيدي ان حرقت دمهم و ان شاء الله كل حاجه هتكون زي الفل و متزعلش من كلامي لان بجد مخنوق من الاستهتار بالعميل الي هوة مصرد رزقهم و فاتح بيتهم

وفعلا انا برضه شايف انك تروح لالاستاذة لولي في القطاميه و تقعد معاها و هيا انسانه ذوق جدا و خدومه فوق الوصف و غايه في الاحترام و هيا هتوجهك صح اسمع كلامها و اتحرك وراه و عشان خاطري سيب نص الادب و الذوق و الطيبه بتاعتك دي في اسكندريه و تعال شرفنا واحنا معاك

**Deshahcoka** · 23-08-2010 04:00 AM

لا مش زعلان من كلامك يا باشا والله انا معاك و متقبل كلامك كله ! :)

مخبيش عليك انا خايف من كلمه انهم حيطلعولي من الضمان ! ممكن يتلكككوا و يخلوا العربية بايظة و يقلك عاملة حادثة علشان انا مغير فوانيس للأمريكاني ! و اكون لبست في الحيط و مستفدش حاجة من موضوع حرق دمهم و انا الي دمي حيتحرق ! بجد التهديد كان قوي ده مدير الصيانة ذات نفسه قالي احنا ممكن نتلككلك و نطلعلك العربية بره الضمان بتقرير كدة انها عاملة حادثة و مغيرة حجات و ملعوب فيها بره التوكيل ! بس احنا برضه كويسين معاك و معملناش كدة مع انك خنتنا و ضربتنا في ضهرنا مع اننا وثقنا فيك و خونتا !!!!!!!

ايه الكلام في الحورا ده ؟

**night_phoenix** · 23-08-2010 06:45 PM

ايه يا باشا الكلام ده ده انا الدمعه كانت هتفر من عيني كده يا خاين يا وحش معندكش ضمير معندكش اخوات وكيل بنات ايه يا عزيزي العالم الي بتشحت دي انت عملت الصح و اقل من الصح كمان
بص استشير لولي هيا اقدر وحده علي الاجابه
احنا ممكن نخرب بيته و نعمله قلق ونفضحه ونعمله بلاوي سوده منعمله فضايح في الجرايد بجد الامر ده سهل وان شاء الله ماشي وخليهم يقولوا يطلعوك من الضمان و خليكم يقولوا اصل انت لعبت و غيرت و كده بس الي يقول علي حاجه يمضي عليها باسمه الثلاثي و التاريخ و رقمه الوظيفي وتصور الجزء االي بيقول عليه انا بتكلم جد عشان ساعت الجد يتحاسب اوعي تتهاون بجد.
و بعدين يا سيد الكل حتي ولو ولاد ستين تيييييييييييييت طلوعك من الضمان و كلو حقك حرام في حرام اخرت اليله ايه؟؟؟ هتكون خليجي ههههههههههه يا باشا احنا مليون خليجي جنبك...مرحبا بك في عالم الخليجي الحر الديموقراطي هنا ولا تشغل بالك لو قفلت اوي انسي التوكيل انا بكلمك في اضعف الايمان هتستعوض ربنا و تيجي تصون معانا في تكنو وان و تعتبر نفسك خليجي و ربكب الي يعجبك هندي امريكي و طلع لسانك لل.... الي هناك
ابتسم و متخافش محلوله اوي اوي اوي ومن كل وسع كمان

**Deshahcoka** · 23-08-2010 07:10 PM

يارب :) الفكرة اصلها لو انا كنت مش عاوز ضمان كان زماني ب 122 جايب هاي لين خليجي تضرب ال اس اكس بمليون جزمة ! هيا ديه الي مزعلاني اوي انوا لو الضمان راح يبقى العربية بقت ملهاش لزمة و كيل

**night_phoenix** · 23-08-2010 07:18 PM

المشاركة الأصلية كتبت بواسطة computerking

يارب :) الفكرة اصلها لو انا كنت مش عاوز ضمان كان زماني ب 122 جايب هاي لين خليجي تضرب ال اس اكس بمليون جزمة ! هيا ديه الي مزعلاني اوي انوا لو الضمان راح يبقى العربية بقت ملهاش لزمة و كيل

عزيزي قدر الله وما شاء فعل انت متعرفش لو كان ده حصل كان حصل معاه ايه
ربنا بجد اختارلك الصح احمد ربك و متزعلش نفسك عربيتك زي الفل و ان كان شويه مشكال ورا يا سيدي اعتبر كان حصل لها حاجه وانت بتصلحها ممعانا في تكنو وان ولا تشيل الهم ابدااااااااااااا